Wabulru 3:3 - Ngudradreadrekadhane Ka Sisiu 魯凱語聖經

³ yakai ku apapacadhane, la ikai ku apawdringadhane; yakai ku akabebetethane, la ikai ku atudaanane;

Wabulru 3:3 Iomraidhean Croise

Tabekacane 9:6

Sanaka patwaeraerai ki umawmase, ku palrapalra lri mialri patueraerai iniane, asi lwiyane kwaku ka Twaumase yai wabekacaku ki umawmase ngipapatwalrau ku tangimiamianeli.

Isaiya 44:26

Ai, ku sasiakawluli lu yugingi, lu pakatwasaku ki kiasikawlu pelaela ku lrika apianeli, pangiamiaku kwini laapiane si yugingi patuelre. Peaelaelaku ki Yerusalrime, ku laumawmase lri pelana ikaikai kwini; peaelaelaku ki Yuda, lri tupelaku tucekele ki Yuda, patwalai ki tawlrakavane pangiradhekane liniane.

Isaiya 6:10

La pacungulu iya kai nakwane, “Kikai awlru lini kai ki laumawmase ani kangalradangade, kacele ku calringa, kabuti ku maca, lani kai maka drele, ani kai maka pulringalringau lu kilalra, ani kai maka thingale kidremedreme; lu kaika ngimiyaiya kwini, kai lalasu lri dulru ngibangulu ku kidremedreme si papia nakwane, lai lri kipawdringai.”

Yerimia 1:10

Lri baadhaku ku puku muswane kaikameane; lri papiasu ki sanaka kuni sanaka umawmase pia ku awngane ku akucane, ku aburukane, ku akabebetethane, ku abalreane, ku atupelane tudaane, si apacegecegane.”

Yerimia 31:28

Nawadradrelaku papia liniane pia ku akucane, ku aburukane, ku abalreane, ku akabebetethane, si amudane ka awngane; lai lri mialriaku dradrele papia liniane pia ku alredrekane, cegecege ku awngane.

Yerimia 33:6

Ai lri sulravaku pawdringai kai ki laumawmase ki cekele, ku lrika asiwlriwlriane mudringai. Lri pangulwadhanaku liniane pakisupilri ku rathudane, asutelradhane.

Yerimia 45:4

“Ai, kwaku ka Tamatama lri burukaku ku cegecegengali, si akucu ku lredrekengali. Lri tungimiyaiyaku kikai kiecebe ki kadaengane.

Izikile 13:14

Lri suburaku kabebetethe kudra paderawnga numi ku balingibingi, la suburu paadratane, si paadrelane ku karwalai, ku balingibingi lri mukadrulu, si drepete papacai numiane. Luka ngimiyaiya kikai, ala lri thingale numi aka Tamatamaku.

Hagai 1:2

Ku Tamatama ka abebeelengenga ki sanaka kwapingi amia kai ki Hagai, “Kai laumawmase amia kai, kikai yai kaika tatupelaelaneana tudaane kai daane ki Tamatama.”

Hagai 1:4

Ku Twaumase amia kai, “Aubulanenga kai daaneli, la ikaikai numi ki nitudaanane tuthariri turamuru ka ladaane!

Zakaria 1:12

Ku sasiakawlu ki Tamatama la iya kai, “Tamatama ka abebeelengenga ki sanaka kwapingi, ku tapapianesu ki Yerusalrime si lacekele Yuda kaelaela taramapitulunga ka caili, lri tarathainwanasu ala lri kakalithisu liniane?”

Tapelane Drekase 32:39

Kathanaku ka Twaumase, kadrwa ku drumanenga ka Twaumase. Papacadhaku ki umawmase, la papanianiakaku ki umawmase, pakadulaku ki umawmase, la pawdringadhaku ki umawmase. Kadrwa ku umawmase ku lri maka katwase ki alrimali.

1 Samuile 2:25

Lwiyasi la ikai ku umawmase ku pasalriu ki drumane ka umawmase, ku Twaumase lri dulrwana ngitalikaiyane iniane kidrikisi ku vaga; ai luka umawmase ku pasalriu ki Tamatama, aneane kulri maka pasikai iniane kidrikisi ku vaga?” Kwini lalasu la kai kilalra ku vaga ki tama lini, asi lwiyane ku Twaumase malrithethenga ku apapacadhane liniane.

1 Samuile 2:6

Ku Tamatama papacai ki umawmase, la mialri papanianiake ki umawmase; pwa swadriadringi ki umawmase, la mialri pasiwlri kainganai ki umawmase.