Wabulru 3:2 - Ngudradreadrekadhane Ka Sisiu 魯凱語聖經

² Yakai ku akitulalakane, yakai ku apacadhane; yakai ku alredrekane, la ikai ku akucane;

Wabulru 3:2 Iomraidhean Croise

Tabekacane 17:21

Ai lri tara pangimiaku kudra kiketeketeli muswane si lalakesu ka Isake. Luicaili lumiamia kikai yai, ku Sara lri tulalake ki Isake.”

Tabekacane 47:29

Kwi lasu salri pacainga, siakawlu ki umawmase dawlu ki Yusepe, la iya kai iniane, “Pwa ki kabicelrakane ki vagisili kwi alrimasu kiketekete, la papia nakwane arakai ku thalradhane si tukapatengatengane ka kidremedreme kiketekete nakwane, kaisu lri dralreke nakwane pikai kai Izipiti.

1 Latalialalai 13:2

Ku umawmase ki Twaumase la singikai ku tadrekasane ki Tamatama kaelaela ki tapatarumaramarane, si iya kai, “Tapatarumaramarane, tapatarumaramarane! Amia kai ku Tamatama, ku twalai ki wacekecekele ki Davidi lri tulalake ku vaeva ka lalake, ku naganeini sia Yusia. Kwini lasu lri malra kwini ki labarakalai ka yakai ki daane ki Tamatama kauawngu, kwini lasu lri malra kwini yakai ki daane ki Tamatama kauawngu ka barakalai, ka amani kikai yakai ki tapatarumaramarane lamalama ku sangwalreme ka labarakalai. Lri ikai belenge muswane papacai, si lai lri ikai cucubungu muswane lama ku culrale ki umawmase.”

2 Latalialalai 4:16

Ku Ilrisa amia kai iniane, “Luicaili luka kalamiane kai, lri ibibingasu ku vaeva ku sawvalai ka lalake.” Kwini ababai la kawriva iya kai, “Sinsi, madha lrulrucuku nakwane. Kusu yai umawmasesu ki Twaumase.”

Yubu 14:14

Sana pacai kai umawmase, wadulrwana siwlri panianiake? Ai lri mukalavaku kwini ki mathariri ka vai, mukalava ku angilribatane ka vai ki matikurwane.

Yubu 14:5

Kai lragiane ki niake ki umawmase nikelretaneenga; ku cailini ikawmasane amanisu ku marasiakai. Ku tupagisanesu kadrwa ku umawmase kulri dulru lribate.

Yubu 7:1

Ikai kai kawmasane kai umawmase, mararamau ki kiavutha akwapingi, la kwalrialrialri kaungu lukakaiyaiyaiya,

Lasenai 113:9

Ku Twaumase pakiamusakene ki mapulathe ka ababai ikai tavanane, la patarumara ku lalalake iniane, pakiraragai ki alisu. Haliluya!

Lasenai 52:5

Ngwalai kikai, ku Twaumase lri pudriadringai amudu muswane; lri ruthuku muswane, lai alra bilibili muswane patwalai tavanane; lri patwalai ki umawmase patala baalace akucu muswane.

Kavagavagane 24:27

Paswalana ikai lrialringulu padulru ku satudadanane, si ikai umawma padulru ngilreepenge, ala pathagili tudaane.

Isaiya 28:24

Ku tarakawaungu lu kauawngu bekace pavilringi mamelre ki dae lakakathane?

Isaiya 38:1

Sakamani kai kwidra, ku talialalai ka Hezekia macaeme, kisanu pacapaacainga. Ku Isaiya ka lalake ki Amuse la mwa kikawriva ki talialalai, si iya kai iniane, “Ku Tamatama amia kai, ‘Kusu marasikaiya kwini ki kaiyana ka nitulrepengane ka laawngane, asi lwiyane kaisu lri dulrunga mudringai; ngipapadulruanga ku apacadhanesu.’ ”

Isaiya 38:5

pasiwlri mwa ki Hezekia, si pelaela iniane, “Kwaku ka Tamatama, ka Twaumase ki cucungulanesu ka Davidi amiaku kikai: Kialalranga naku ku inulrisu, la drelenga naku kwi lresesu; lri papanianiakeana naku muswane ku nitara mangealane si lrima ka caili.

Isaiya 54:1

Swa Yerusalrime, miasu ki amani kudra kailri tulalake ka ababai, ai kaiasasane wadulrusu senai si akwadrau kiraragai. Kwidra kai kiapulrialrialringau ku lalabaibai lri takaalra ku lamwabaibalrithi, lrika ngukakalra tulalake kwidra ki tamaikaiyane ki taelrelre ka ababai! Kwaku ka Tamatama amiaku kai pelaela.

Yerimia 1:10

Lri baadhaku ku puku muswane kaikameane; lri papiasu ki sanaka kuni sanaka umawmase pia ku awngane ku akucane, ku aburukane, ku akabebetethane, ku abalreane, ku atupelane tudaane, si apacegecegane.”

Yerimia 45:4

“Ai, kwaku ka Tamatama lri burukaku ku cegecegengali, si akucu ku lredrekengali. Lri tungimiyaiyaku kikai kiecebe ki kadaengane.

Matai 13:41

Ku Lalake ki Umawmase lri sikawlu ki sasiakawlu subelebelenge, lai malra ruthuku kudra ki iya kai ki kunini kudra ki latarapapasalrisalriu ki umawmase si sanaka paiyaiya ku ngialisiane ka umawmase.

Matai 15:13

La tubalre ku Yesu iya kai, “Sanaka kaika lredreke ki Ama ku lawacebecebe lri tara akucu patala baalace.

Luka 1:13

Ai kwidra sasiakawlu belenge amia kai iniane, “Zakaria, madha mukuludru! Ku Twaumase kialalranga ku inulrisu; ku labaibaisu ka Ilrisabethe lri pasikai muswane tulalake ku sawvalai, lri sunaganesu iniane pasi Yuhani.

Luka 1:20

Ai, ngwalai kwi kaika takasalrwanesu kai tapelaelaneli, sakaiyana kela ku angimiane kwini lavaga, lri kamenenesu, pakela ku lungimianga ku vai ku kiketeketeli ala lri dulrusu avavaga.”

Luka 1:36

Drela ki retesanesu ka Ilrisabethe, unu tarudrawdrangenga, kai lri maka tulalakenga la iya iniane ku palrapalra, ai kikai taraenemenga ka dramare ku takatawbaliraneini.

Yuhani 16:21

Lulri tulalakenga kai ababai mateelrege ku kidremedreme, asi lwiyane wakelanga ku akwalrianeini; ai lu lrabuthunga ku daini marimuru ku sakwalrialri, asi lwiyane kiaragainga ku tautaluvaivadhane ki daini mwa kai kawmasane.

Yuhani 7:30

Kwini lalasu la kisanu pwalra iniane, ai kadrwa ku umawmase ku pwalrima, asi lwiyane kaiyana wadaruru ku vaini.

Nisikawlane 7:17

“Ku Twaumase sa lri darurunga kwidra vai ku lrika apangimianeini ku tapukawnwaneini ki Aberahame yai, kai swa Iseraylri ikai Izipiti ku umawmase arwa padrima tapangale.

Nisikawlane 7:20

Saicengecenge ka ngimiyaiya kwini la kitulalake ku Musi; lu drele ku Twaumase matingulwalwadhane turamuru ku tacebeaneini, la ikai tavanane kilapu taratulru ka dramare.

Galatia 4:4

Ai sadarurunga ku takelretane ku vai, ku Twaumase siakawlu ki Lalakeini, si kitulalake ki ababai si panianianiake itailebe ki hulrice,

Tapelane Drekase 34:5

Ku sasiakawlu ki Tamatama ka Musi la pacai ikai ki kadaengane Muabe, mia kudra taiyane ki Tamatama.

Hiburu 9:27

Lu kelanga ku vai, sanaka umawmase tara yakai ku apacadhane, lu pacainga lai tara kisaibange ki Twaumase.

1 Samuile 2:5

Ku maesaesai ku umawmase ngiabalrelringa ngwalai ki akaneane kwalri; ku masilrau kai lri kasilraunga. Ku kai twalalake ku labaibai twalalakenga ku tapitu ku lalalake; kudra ngwakalra tulalake ku tiatina maulrase patuelre ku lalalake.