Wabulru 3:11 - Ngudradreadrekadhane Ka Sisiu 魯凱語聖經

¹¹ Pasiakai ki sanaka manemanenga kelrete ku amamwamwane ku zikange; la pikai mitane ku palralrawthu ka asikidremedremane, ai kai pathingale mitane patuelre ku la takaunganeini.

Wabulru 3:11 Iomraidhean Croise

Tabekacane 1:31

Ku Twaumase sa drele ku bekaceini patueelre laka mathariri turamuru. Ngialribate ku maungu, la kela ku mialrealre; kikai yai samaka nemele.

Yubu 11:7

Lri dulrusu pulringalringau ku kaika athingalane ka matiasamaimali ka Twaumase? Lri maka paladekesu ku kikake ki wadulru sanaka manemane ka Twaumase?

Yubu 37:23

Ku puku ki wadulru sanaka manemane ka Twaumase ngwaswadrau turamuru, kaita lri maka ngudadethe; madringelrese kapapedrenge, si kai dredrepete ki umawmase.

Yubu 5:9

Kadrwa ku apatwaladhaneta pulringalringau ku piaini ku maadrau ka takaungane; ku matisamaliane ku tapianeini kadrwa ku talikaiyane.

Lasenai 104:24

Tamatama, kai bekacesu makalra turamuru! Kilakikai patuelre madru ki lrigilanesu; kai kawmasane swaete ku la bekacesu.

Kavagavagane 16:4

Ku bekace ki Tamatama patueelre yakaai ku paluludane; adravane ka mangangace ka umawmase nipasikaiyane ki amatikurwane ka vai kibekace.

Wabulru 1:13

Malrithethenga naku ku arakai ku lrigilane kisilape, mwa drele ku tangimiane patueelre kai kawmasane. Ku baai ki Twaumase ku amece ki umawmase matelrege turamuru!

Wabulru 11:5

Kaisu lri maka thingale kai bavane ka niake ku tangimiane ikai ki barange ki tawbaliri lu kadradrau; lai lri kaisu maka thingale kai amani ka wabekace sanaka manemane ka Twaumase lu tungitwatumane lu kaungu.

Wabulru 7:13

Dredrela ku takauawngane ki Twaumase. Kudra bekaceini tukikilrungu, aneane kulri dulru alra dringelrese iniane?

Wabulru 7:23

Naarakainga naku ku lrigilane kilrialringau kikai patuelre. La kalrithethenga naku malra ku lrigilane, ai ku lrigilane matwase nakwane adaaili.

Wabulru 7:29

Ku kicawcakwaneli vaeva: Kai Twaumase sabekace ki umawmase namathariri ka maliapapai ku kidremedreme, ai kwi lalasu ngipapakaapucu.

Wabulru 8:17

Kai lri dulru thingale ku takaungane ki Twaumase. Kwi lasu adravane tungitwatumane palalava, kisanu thingathingale ku tangimiane ikai tailebe ki vai, lri kai maka kidringai ku sapatubalreane. Ku ngiathingale ka umawmase wathingalaku amia, ai ku patengatengane kai wathingale.

Matai 11:27

“Ku Ama wabaainga nakwane patueelre. Kathane ku Ama, kadrwa ku umawmase ku wathingale ki Lalake; kathane ku Lalake si kudra palraingi ki Lalake padrele ka umawmase, kadrwa ku umawmase ku wathingale ki Tama.

Matai 13:22

Kudra nisabulane makakai ki cecenekane ka angatu ka sapaivai, amani ki umawmase samaka kilalranga ku vaga ki Twaumase, kudra thekelrane ki tacekecekelane si salrilrigilane ki acekecekelane pakasemete kai ki vaga ki Twaumase ku apanianiakane, la kai maka pumadru.

Maruku 7:37

Kudra lakialalra makanaelre ku umawmase la kasamali; si iya kikai, “Kudra tapianeini mathariri turamuru! Pakialalra ki macele, pakawarivanga ki mamenene!”

Ruma 1:28

Ku umawmase ku kai kiadremedreme si tarumara ki Twaumase, ku Twaumase la singikainga ki umawmase ku apikaiyane ku ngialisiane ku kidremedreme, si pia kudra kaika apiapiane ka kakudhane.

Ruma 11:33

Ku migemi ki Twaumase ngiaradhekane turamuru! Ku lrigilane si thingalaneini mwaadringi turamuru! Aneane ku lri dulru pakalalrwai ku taturingaringavaneini? Aneane ku lri dulru papulringalringau ku kadalrananeini?

Tapelane Drekase 32:4

Ku Tamatama amani kudra sapupukuanenga ka tarapalakebe, ku tapianeini kiatulrepenge, aparamaramau. Ku Twaumase patengatengane, matisudralru, ku tasaibanganeini pacengecenge, aparamaramau.