Wabulru 2:8 - Ngudradreadrekadhane Ka Sisiu 魯凱語聖經

⁸ Ngiapapasikaiyaku rubu ku kingi gingi ki talialalai, ku tacekecekelane ki lakakesiu. Piakaiyaku ku takaalra ku latarasenasenai ku lasawvalai si laababai, takaalra ku lataelrelreli, la ngisasingikaiyaku ku nau tumane iya madu.

Wabulru 2:8 Iomraidhean Croise

2 Samuile 19:35

Kaiasasane kai tara mavalrulunga naku, kadrwanga ku lri maka pakarengerengeana nakwane. Lu kaneaku lu ungulaku kainaku wathingalenga ku tasangumanemanane; la kainaku maka kilalranga ku lingau ki tarasenasenai ka sawvalai ki labaibai. Lri kamaanilringa naku ku lrika amece rapalesu sikakathane.

1 Latalialalai 10:10

Ku ababai ka talialalai ki swa Seba la malra kwini ilukuini ku saceacebe baai ki talialalai ka Sulumungu: Yakai ku lrika 4,000 kukingi ku kingi ku telregane, thathatha ku sapasangulrelremane si lasilu. Ku Sulumungu ka talialalai kadrwana ku tatarumaraneini ku paramia kai ku kalrane ku sapasangulrelremane.

1 Latalialalai 10:14

Ku Sulumungu ki caicaili tarwamara ku 23,000 kukingi papubebelenge ku kingi,

1 Latalialalai 10:21

Ku kupu ki Sulumungu ka talialalai yadrepele ka niara kingiane; kwini sakanekaneane ku la takaiyane ikai daane ki talialalai kavai angatungatu Lebanungu niara kingiane darepe, kai arakaikai ku gingi; asi lwiyane ikai ki zidai ki Sulumungu, kaika tinukucingalrane kai gingi.

1 Latalialalai 11:3

la karudrange mwa ki ta 700 ku lalake ki latalialalai, la kaika kathane kai, yakaiyana ku drumane ku ta 300 ku labaibaiini; kwini lalisu pakiadaili cilri ki Twaumase ki Sulumungu.

1 Latalialalai 14:27

Ku Rihubuame ka talialalai pakai ku apawbalrithane ki kingi ka alathare, la kirimu darepe ku bulavane ka alathare, la malra kwini baai ki tamatama ki tarakadrenge ki lrawlrawdru ki daane ki talialalai padrangalru iniane.

1 Latalialalai 9:14

Ku baaini ki Hirame ki Sulumungu ku kingi ikai kau 4,000 kukingi ku kalrane.

1 Latalialalai 9:28

Kwini lalasu la daruru kavai Upire, la patwalai kwini iluku ku ikaai kau 14,000 kukingi ku kingi si baai ki Sulumungu.

1 Lacaili 25:1

Ku talialalai ka Davidi si latarasangililuku ki swa Lrivi pavavala sikawlu ki taitulru ka zuku ka Asape, Hemange si Yedutune kamani ku marasiakai ki asukubane. Kwini lalasu lri senai ku sabulrwane ki Twaumase, arakai ku patungutungu, pituane ka patungutungu si carecare pasenai. Kikai lebe amani ku lanagane ki kiapilri ka taramarasikai ki asukubane, si paelrenga kudra tamakaelaelane ku kipuawngane lini ki kakemiane:

1 Lacaili 25:6

Ku sawvalalai ka lalalake ki Hemange ikai ki tabulrubulrwaneini patungutungu, pituane ka patungutungu si carecare, pamamwamwa ki tasukubane ki daane ki Tamatama. Ku Asape, Yedutune si Hemange makitwa kilalra ku tadrekasane ki talialalai.

2 Lacaili 9:11

Ku Sulumungu ka talialalai la arakai kikai cedare ka angatu tusataetaetale ki daane ki Twaumase si daane ki talialalai, la mialri pasikai ki la tarapatungutungu tarasenasenai darepe ku patungutungu si sipitulu ka patungutungu. Kai swa Yuda kadrwana ku tadrelane lini ku miyaiya kai ku tathaithariri ka yunipere ka angatu.

Wabulru 1:2

Ku Taradindu amia kai, ungawngau, ungawngau, kai tapanianianiakane ungawngau, patueelre yai ungawngau.

Daniele 3:15

Kaiasasane, sana kilalra numi ku ngiarapa, ngiabulalri, ngiapatungutungu, ngialebere, si sanaka sarakaiyane kapeaperau ku lingau, papia ki nituumawmasane ka kingi guruthungane sukubu; ku kai wasukubu ku umawmase lri makakaai kiverevere pwa ki wakelrakelrakelrabe kadrareeange adringi ka talamalamane ki nitudilrungane. Lu kidremedreme numi yakai ku twaumase ku lri maka palribulu naiane kalrabuthu ki alrimali amia numi?”

Daniele 3:5

sana kilalra numi ku ngiarapa, ngiabulalri, ngialebere ngipatungutungu, sanaka liingau ki sarakaikaiyane kapeaperau, guruthungana makanaelre sukubu ku niara kingiane tuumawmase ki talialalai ka Nibukadenezere.

Daniele 3:7

Ngwalai kikai, kwini la sarakaikaiyane kapeaperau ka lapatungutungu sana siasiange, ku lakuni, lazuku, lamakaelaela ku vaga ka laumawmase lri guruthungane makanaelre icakena si sukubu ku tuumawmase ki Nibukadenezere ara kingi si cegecege.

Amuse 6:5

Patwapapalra numi ki patungutungu, si senasenai, mia ki Davidi.