Wabulru 2:6 - Ngudradreadrekadhane Ka Sisiu 魯凱語聖經

⁶ Walrukwaku tu taciladhane, si pwacilai ki angatu.

Wabulru 2:6 Iomraidhean Croise

Nihimi 2:14

Ala papia ki tali talrawane ki cekele, ala ngibangulu papia ki tali dradha, mwa ki Tuturu ka lrawlrawdru si Baiyu ki talialalai. Ikai kwini, asi lwiyane kudra ngurigili ku ruba kai maka kiadringai ku ngutitiki ka kadalranane la ngukakai ki lralrenelrenege ka nirubwane,

Nihimi 2:8

La mialri kiatubiaku ku taingeane ku sapelaelane baai ki tarakadrenge ki angatungatu ki tinuhika ka Asape, kitubi iniane ku apatarumarane ku angatu, ku sapudriadringadhane ki lrawlrawdru ki kepale ki tasukusukubane, alradre ki cekele. Si arakaiyane ki daaneli. Ngwalai ku tatapalrane nakwane ki Twaumase, kudra la kitubili, ku tinuhika la patarumara nakwane.

Nihimi 3:15

Ku lalake ki Kuluze, tarakadrenge talikai Mizepa ka Salume la tupela ki Berai ka lrawlrawdru, la mialri darepe kwini samamwadringi ka tangukaikaiyane ka kadalranane. Kwini lasu la paraisi ku saelelebane, la malra ku sadrukudrukurane si aipi paraisi. Kwini lasu mialri ikai ki baiyu Siluame raedre kwini mararaisi ki babengelradhane ki talialalai ka alradre ki cekele, pakela kwini ki twalai ki cekele ki Davidi papulrawlrawdru ka tataetaetale.

Nihimi 3:16

Ku lalake ki Azebuke ka tarakadrenge ki pararamau ki talikai Bithezure ka Nihimi la raedre ki salrawlrawdruana, pakela ki tadralredralrekane ki Davidi, baibaiyu si takwapingane.

Lasenai 1:3

Kwini lasu mia ki nipatalulane lredreke pikai babiabila ki vaalru ka ivai, la singikaai ki kalamanemanane pumadru, ku vasau kai malrailraici. Ku piapiaini ku awngane masulialialivate!

Senai 7:4

Kwi lresu mia ki niara valisane ki zu ka palralramathane; kwi macasu mia ki baibaaiu cekele ka Hesebunge, ka wadeethe lrawlrawdru ki kiamatikaikai ka cekele. Kwi ngungwanesu mia ki daane ka abeelenge ka Lebanungu ku tharirane, acegeecege papia tali Damasekuse.

Yerimia 17:8

Kwini lasu lri mia ki angatu ka kialredreke pikai ki babiabila ki aciacilai ka vaalru: Ku balace lri mwadringi daruru ki acilai, kai mwakuludru ki cengelrau ki dralrangedrangane, ku vasau takasaleseeane, la kai ateateke ku apumadrwane.