Wabulru 2:16 - Ngudradreadrekadhane Ka Sisiu 魯凱語聖經

¹⁶ Ku lamalrigili ka umawmase si lamakulrungu ka umawmase mararaamau, kadrwa ku umawmase ku maulai ngulringalringau liniane; asi lwiyane ku bibilrili kudra vai, kwi lalasu lri kikarimuru makanaelre. Adravane ka lrigilane ka kulrungane, lri paacai makanaelre.

Wabulru 2:16 Iomraidhean Croise

2 Samuile 3:33

Ku talialalai ka Davidi la tusenai ku satubiane ki Abinere: Kai Abinere, ata kai pasudalepe kai tapacadhaneini?

Lasenai 103:16

sana kivaivalrigi maulrau, kadrwanga ku umawmase ku peaela drele iniane.

Lasenai 49:10

Kusu drela, wapacai ku makulrungu ka kadrwa ku thingale ka umawmase, ku malrigili ka umawmase la mialri pacai; ku lapaisu lini wasuru baai ki mwabaibalrithi makanaelre.

Lasenai 88:12

Aneane kulri dulru ikai ki takadradrimitane drele ku tamatisamalianesu? Aneane kulri dulru ikai ki sulriane drele ku sulrapelanesu?

Takatwasane Izipiti 1:6

Sakabilrilanenga, la pacainga ku Yusepe, ku labetakaneini si lasilasilanganeini mialri makitu pacainga.

Takatwasane Izipiti 1:8

Sakabilrilanenga, ikai Izipiti la ikai ku bavane ku talialalai ku acegecege, kwini lasu kadrwa ku tathingalaneini ku tangimiane ki Yusepe.

Kavagavagane 14:8

Ku saawlrwane ki ngiathingale ka umawmase wathingale ku angukakaiyane ku kadalranane; ku kulrungane ki makukulrungu ka umawmase malrigilaku taiyaane ngitatavuvuvulrucu.

Wabulru 1:11

Ku nasiaswalane kadrwa ku umawmase ku la ngwalringalringau; kikainga ku la tangimiane laka kadrwa ku umawmase ku pwalringau.

Wabulru 2:14

Ku ngiathingale ka umawmase maka wadrele cucubungu ki kadalranane; ai ku makulrungu yakai ki dradrimitane sakerakerape. Ai, wathingalaku, kwi lalasu ku lrika angimiane lini maramaraamau.

Wabulru 2:15

Kiadredremaku, “Ku kipadradresenge ki lamakulrungu ka umawmase mialri ka kipadradresengeli. Adravane ka ngitwatwatumanaku kalrigili manemane ku paluludane?” Ku satubalreaneli yai, “Kadrua, ungawngau patueelre!”

Wabulru 6:8

Kai ngiathingale ka umawmase manemane ku takasilrialribataneini ki makulrungu ka umawmase? Wathingale madu kisudalru ki umawmase lu iyane bulru ki matiakukuru ka umawmase manemane ku paluludane?

Wabulru 7:2

Lu mwane ki daane ki matiathalithi silrialribate ki wamwa ki daane ki wararukurukudrane; asi lwiyane ku panianianiakeana ku umawmase naika takipapawlringavane, ku apacadhane mwakalavalava ki sanaka aneeanenga.

Wabulru 8:10

Wadrelaku ki manganga ka umawmase lu pacainga si kidralreke. Kwi lalasu sa italuvaivaiyana wamwamwa ki Alrivilrivi ka taikaikaiyane; kialalraku yakai ku umawmase ku wadrengedrengere liniane ikai ki takangangangane lini, kikai yai mialri ka ungawngau.

Wabulru 9:15

Ikai kwini ki cekele yakai ku tangeea ka yakaikai kwini, kwi lasu matiakukuru, ai malrigili, lri dulru palribulu kwini ki cekele. Ai, kadrwa ku wathingale iniane.

Wabulru 9:5

Ku panianianiake ka umawmase wathingale kalri pacai; ku wapacainga ka umawmase kadrwa ku thingale sanaka manemane. Kwi lalasu kai lri maka malranga ku akipakalrevane; kwi lalasu kiakarimurunga.

Malaki 3:16

Lukamaninga kwidra, ku mwasakene mukuludru ki Tamatama ku umawmase lri mapelaelaela; ku Tamatama kiararakete kilalra ku vaga lini. Ikai cucubungu iniane, yakai ku vaeva ku nibalrulane ku sangulringavane ka pacase la pacase ku ngwakai ki mwasakene mukuludru ki Tamatama ku umawmase.

Hiburu 9:27

Lu kelanga ku vai, sanaka umawmase tara yakai ku apacadhane, lu pacainga lai tara kisaibange ki Twaumase.