Wabulru 2:10 - Ngudradreadrekadhane Ka Sisiu 魯凱語聖經

¹⁰ Nau malra ku manemane lu iyaku, yakaai ku manemane; pakaelreaku kisupisupilri, ka kadrwa ku ukai kiruthuku. Patwaladhaku ki sakiasamwamulali malra ku akiragadhane; amani kai ku sapawlrawlravane nakwane.

Wabulru 2:10 Iomraidhean Croise

Tabekacane 3:6

Kwini ababai la drele kwini madru ki angatu ka matidadalame, matikaekane, lai lri dulru kalrigili, la pusamalra turamuru. La malra labutu kwini madru, si la kane, ala baai pakane ki tauwaneini; kwini tauwaneini la mialri kane.

Tabekacane 6:2

Sakamani kwidra yakai kwidra “Lalalake ki twaumase” la drele ki lalalake ki umawmase kwidra ki labaibai ka tathaithariri, la ngisasingikaai ku kadalame lini si mwa sitaelrelre liniane.

Yubu 31:1

Nakiaketeketenga naku, ku kaika arakaiyaneli ku ngialisiane ka kidremedreme drele ki tawvailekete.

Lasenai 119:37

Kiatubiaku muswane madha patukucingacingalre nakwane drele ki kaika patengane; kiatubiaku muswane pangukaiya ki kadalrananesu patarumara nakwane ku bavane ka niake.

Lasenai 128:2

Makakeelretesu kane ku kwalrialrialrisu; lri tara kiragaisu, sanaka maneemane la kasulivaliivate!

Kavagavagane 23:5

Kai paisu si tacekecekelane padaalru si kawlrau, miakau twa sapakepake, mia ki takanga ka ngiapalai katwase.

Wabulru 11:9

Layacengecenge, kiraragadha ngilribate ku taicengecenganesu! Sa icengecengeananasu kiraragadha! La ngisasingikaai pia ku nau pia iyasu! Ai pulringaava, ku Twaumase lri singikaai ku kakwakudhanesu saibange muswane.

Wabulru 2:1

Ngiakakawrivarivaku, “Bwala! Palalava kisupilri kiraragai! Bwala kisupilra ki akaesadhane!” Ai, kikai mialri ka ungawngau.

Wabulru 2:22

Kai umawmase lu ikai tailebe ki vai kathekethekelre ku kidremedreme, kwalrialri, kisamulamula, manemane ku akaesadhane?

Wabulru 2:24

Kai umawmase lu dulru kane ungulu, si kisupisupilri ku takwalrianeini, ngiaesadhanenga turamuru. Ai, lu drelaku kikai mialri ka takidremedremane ki Twaumase.

Wabulru 3:22

Lakamani lu drelaku, kai umawmase mathaithaariringa lu kisupisupilri ku luludane ki kwalrialrini; kikai yai amani ku lrika angimianeini. Aneane kulri maka padrele iniane ku lrika angimiane?

Wabulru 5:10

Ku marau ki paisu tacekecekelane ku umawmase kadrwa ku tatukelrekelretane; ku pwasamalra ki tacekecekelane ku umawmase kai maka wamalramalra ku nau malra iyaiyaini patuelre. Kikai yai mialri ka ungawngau.

Wabulru 5:17

Inilringa, kwi lasu lukavaivai panianianiake ikai ki dradrimitane, atubiane, thekelrane, caemane, si lisiane.

Wabulru 5:18

Ku tadrelaneli yai: Ku mathariri ku tapanianianiakane amani kudra yakai ki patarumara ki Twaumase kudra edreekane ku tapanianiakane si kanekane ungungulu, kisupisupilri ku nikwalriane ikai tailebe ki vai; kikai yai amani ku angimiane ki umawmase.

Wabulru 6:2

Ku Twaumase wabaai ki tangea ka umawmase ku lrigu, akaesadhane, tacekecekelane, si urikaikaini patuelre, ai kai maka pakiasupilri iniane, amanilringa kudra kai kiathingathingale ka umawmase ku kiasupilri. Kikai yai ungawngau, laka matiatubi turamuru.

Wabulru 6:9

Kikai yai mialri ka ungawngau, ka pwalralra ki saseverane. Ku wadulru ngulwadhane ku pakaikaini, walribate turaamuru ki kadrwa ku tapakamiamiane ki ravane.

Wabulru 8:15

Lakamani, lu kidremedremaku kai umawmase nai kirararagai; asi lwiyane ikai tailebe ki vai ku lrika akiraragadhananeini patuelre kai lri lribate ki akaneane, aungulane, si kisupisupilri. Kikai yai ikai ki patarumara ki Twaumase ki umawmase ku edreekane ka niake ka nikwalriane ala malra ka tikiyane ka akisupilrane.

Wabulru 9:6

Ku dalamane, lisiane, si pathalrane lini lri makitu tupapalranga liniane kawlrau. Ku tangimiane ikai tailebe ki vai lrika palralrauthunga kai ikainga ku drulru lini.

Wabulru 9:9

Pakaelrea ikai ki ungawngau ki tapanianianiakanesu, ka amani kudra baai ki Twaumase muswane ikai kai kawmasane ku caili, la tadrusa ki kadalamesu ka taelrelresu kisupisupilri ku akiragadhane ku tapanianiakane, asi lwiyane kikai yai amani ku naika amalraanesu ka drulru ngukai ki takwalrianesu ikai tailebe ki vai.

1 Yuhani 2:16

Patuelre sanaka ngwakawmasane ka lamanemane, maru amaaninga kai murikai ki beate, kai urikai ki maca, si kai diracane ki umawmase patuelre, patuelre kaika twalai ki Tama ka yasubelebelenge kainganai, twalai kawmasane kainganai.

Tamagarange 14:2

Kwini lasu la mubalriu si pelaela ki marudrawdrangeini, “Wadrelaku ku tangea ku tawvailekete ikai Timena ka swa Pelisitine, lu mwa rakete anika taelrelreli la iya.”