Wabulru 11:1 - Ngudradreadrekadhane Ka Sisiu 魯凱語聖經

¹ Ku paisusu cukinga pwa ki asiwbadhane mwa ki sakamaelanane. Lri tara ikaai ku vai ku patulalakane.

Wabulru 11:1 Iomraidhean Croise

Kavagavagane 11:18

Ku tangangangace ka umawmase lri avuthane ku kwalrini; ku mwalecege ka umawmase lri tara maalra ku pakalreva.

Kavagavagane 19:17

Ku pakubulu ki matiakukuru ka umawmase taingeane ka pakiasalru ku paisu ki Tamatama; ku tapianeini ku mathariri, ku Tamatama lri sawlri baai.

Kavagavagane 22:9

Ku matwabake si vala baai ku akaneane ki matiakukuru ka umawmase, lri tara kisubulrubulru.

Wabulru 11:6

Luka mialrealre lukamaungu lri sabwabulusu ku sapaivai; asi lwiyane kaisu wathingale kwini nisabulane kwi sapaivai lulri dulru cebe lutumane, la kaika athingathingalane ku nisabulane luka mialrealre ka mathaithariri ki nisabulane lukamaungu.

Wabulru 3:6

yakai lu asilasilapane, la ikai lu apawcilricilriane; yakai ku pudringadringai madu, la ikai ku sarasarare madu;

Isaiya 32:20

Kudra yakai babiabila ki acilai kauawngu, si kaswalreke ku kidremedreme pikai ki ububulane pakapakane ki lalwange si laruba ka umawmase matharirilriinga!

Isaiya 32:8

Ai ku malrigili ulecege ku umawmase lri pia ku ngiaesadhane ku awngane; kwi lasu paraluraalubu sikakathane ku ngiaesadhane kapapedrenge ku awngane.

Lrivi 19:25

Lu darurunga ki saka taralrima ka caili, lri maka kanenga numi kwini madru. Lu pia numi kikai, kwini angatu lri aru tukalra pumadru. Tamatamaku ka Twaumase numi.

Matai 10:13

Alaiyasi la kiraragai kidredresenge numiane kikai wacekecekele, kudra pasikai numi liniane kitubi ku sulivatane lri mulebe mwa kikai ki wacekecekele. Alaiyasi ka kaika kiararagai kidredresenge numiane, lri kungusawlri numi ku subulrubulru numi.

Matai 10:42

Nau pudriadringai pelaela numiane, sanaka aneaneanenga, adravane malra ku akuvaeva ki kupu ku marenge si baai ki situ kudra ki titikianenga, lri ngwalai kwini ki umawmase saka situli, lai lri tara maalra ku pakalreva.”

Matai 25:17

Laka thadaalrane, kudra tarwamara ku 2,000 ka paisu, mialri patulalake ku 2,000.

Matai 25:40

Ku talialalai lai lri tubalre iya kai, ‘Nau pudriadriingai pelaela numiane, kilakikai paiya numi pikai ki titikiyanenga ikai ki twapapapalra nakwane, amaninga ku pasiakai nakwane!’

Luka 14:14

lu piasu kai, yakainga ku akaesadhanesu, asi lwiyane kwini laumawmase kadrwa ku puku lini pangibilri muswane. Ala kudra luka tasielane ki madringelrese ka umawmase, ku Twaumase lri ngikakamani pangibilri muswane.”

2 Kurintu 9:6

Pulringava: Ku pakabekele paivai lrika bekelane ku akitalekane; ku pakakalra paivai lrika kaalra ku akitalekane.

Hiburu 6:10

Kai Twaumase aparamaramau, kai lri karimuru ku pasikai numi iniane ku takaungane numi si sakialibake, amani kwidra twalai numiane kai telrai paralubu ki drumane ka sinzia.