Wabulru 1:9 - Ngudradreadrekadhane Ka Sisiu 魯凱語聖經

⁹ Ku tangimianenga lri peelana ngimia; ku nipianenga ku awngane lri peelana pia. Ikai tailebe ki vai sanaka awngane kadrwa ku bavane.

Wabulru 1:9 Iomraidhean Croise

Wabulru 1:10

Yakaiyana ku manemane ku adulrwane ki umawmase iya kai, “Drela, kikai yai bavane”? Kai lri maka dulru! Sa kaita kitulalakeana yakaiinga.

Wabulru 2:12

Ku talialalai ku adulrwaneini pia, napiapia ki aswalalala ki latalialalai. Ala kirimwaku kidremedreme manemane kai lrigilane, kai ngikagagarangane capange, kulrungane iya.

Wabulru 3:15

Kikai awngane kaiasasane si lukabibilrili ku lrika angimiane, yakaiynga kunadruma. Kai Twaumase pangiapelane putaluvaivai ku thadaalrane ka natangimiane.

Wabulru 6:10

Kudra la ngiamianga yai nikelretaneenga; wathingaleta kai umawmase kai maka kiaecebe kudra ki magagarange iniane.

Wabulru 7:10

Madha kivagavaga, “Ku aswalala ku vai ani ka mathaithariri kai ki asasane?” Kikai takivagane yai kaika ngiathingale.

Isaiya 43:19

Drela, mwarikaiyaku ku tapiane ku bavane, ku angimiane ngiamianga, laka wadrelenga numi! Lri ikaiyaku ubulane tukadadalranane, ikai enaenai lruku ku kadravane.

Yerimia 31:22

Amulimuli ki kadalranane ka laumawmase, lri tarathainwana numi kalrikilriki? Yakaiyaku kai kawmasane cegecege ku taingeane ka bavane ka awngane: Ku ababai lri palakebe ki sawvalai.

2 Pitiru 2:1

Kunadruma yakai ku kaika patengane ka yuginsia ikai ki cekele ki swa Iseraylri, laka miyaiya ikai ku kaika patengane ka tarabulrubulru lri utaluvaivai ikai numiane. Lri apalrilrigili pasaela ku lrika amani ku waamudu ka maelane ka sabulrwane, ka kai kiatuvaga ki palribulu liniane ka Twaumase, ngimamalra ku akamudane lini.

Nipadrelane 21:1

La pacungulaku drele ku vaeva ka bavane ka subelebelenge bavane ka kadaengane. Kudra siaswalane ka subelebelenge si kadaengane kai adrelanenga, ku laveke la kawlrawnga.

Nipadrelane 21:5

Sakamani kikai kwidra, kudra wanene ikai ki taetalane amia kikai, “Drela, pakabavanenga naku patuelre!” La iyana kai, “Pacasa, asi lwiyane kilakikai vaga patengatengane ka asudralrwalrwane.”