Wabulru 1:8 - Ngudradreadrekadhane Ka Sisiu 魯凱語聖經

⁸ Sanaka awngane matibakiakisalre, ka kaika adulrwane madu maka iya patuelre. Kai maka pakamia lu drele ku maca; kai maka ngwalwadhane lu kilalra ku calringa.

Wabulru 1:8 Iomraidhean Croise

Lasenai 63:5

Kai rili lri ngulwadhane ikai ki tangiakaneanane; lri papiaku muswane senai ku kiarararagai ka sadrengedrengerane ka senai.

Kavagavagane 27:20

Kai swadriadringi si kai apacadhane kai lri maka pasute, ku murikai ki kidremedreme ki umawmase makucingalre pangulwadhane.

Wabulru 1:7

Kai kadravane papia ki laveke mwaludru, ai kai laveke kai swaetete; kai acilai siaulri mwa ki tatwaladhane, la mwalwaludru kai kadrekadrekare.

Wabulru 2:11

Ai, lu siwlriwlringa naku drele ku natakaunganeli, si kidremedreme ku takwalrianeli, pwalringawnga naku ala ka ungawngau patuelre, ka pwalralra ki valrigi patuelre; kai kawmasane patuelre kadrwa ku akaesadhane.

Wabulru 2:26

Ku Twaumase patarwamara ku lrigilane, ku thingalane, si akiragadhane baai kudra ki kadalameini ku umawmase, ka amani kudra kwalrialrialri kaungu ki pasalrisalriu ka umawmase, wamalra kudra ruburubu lini si baai patuelre kudra ki pakiaragai iniane ku umawmase. Kikai mialri ka ungawngau, ka pwalralra ki valrigi.

Wabulru 4:8

Yakai ku tangeangeea ka umawmase, kadrwa ku lalake ku sawvalai, laka kadrwa ku labetakane, ai kwalrialrialri awngu ku vai, kai ngwalwalwadhane kudra pikaingaini ku tacekecekelane. Kwi lasu kwalrialrialri, ai kai walreme kisupisupilri, luka pasiakaikai ki aneane? Kikai mialri ka ungawngau, ka matiakuru.

Wabulru 6:7

Kai umawmase pasiakai ki barange kwalrialrialri, ai kai maka paswaete ki barange.

Hagai 1:9

“Ana kakaalra ku akitalekane amia numi, ala ka bekeelane ku nimalrane; ku nikitalekane la iluku numi pubalriu, ai lri alraku si ipi iniane. Kwaku ka Tamatama, ka abebeelengenga ki sanaka kwapingi anau piya kaiya? Amani sa akinaburukanenga kai daaneli, ai kunumi la karacacaacange numi ku angitatudaanane,

Matai 11:28

“Bwala! Kudra kwalrialrialri makanaelre, ku watukudru ku matelrege ka amece, bwala mwaili kai, lri paisadraku numiane.

Matai 5:6

Ku akuli sidrama pangimia ku kidremedreme ki Twaumase ku umawmase ala mwaesai turamuru; ku Twaumase lri pangulwadhanenga liniane!