Wabulru 1:5 - Ngudradreadrekadhane Ka Sisiu 魯凱語聖經

⁵ Ngiabwale ku vai, la lriwgu ku vai, kiararimu katwase siwlri mwa ki tatwaladhane, la peela twalai kwini kainganai.

Wabulru 1:5 Iomraidhean Croise

Tabekacane 8:22

Sana ikaiyana kai kadaengane makavaale, kai kadaengane lri tara ikai ku apaivadhane, ikai ku akitalekane; yakai ku kecelre ku culwane, kalakecelrane kaladralrangedrangane si vaiyane maungu.”

Lasenai 42:1

Twaumase, akuliaku muswane, mia ki salawngane lu akuli ki mangangerece ka acilai vaalru.

Kavagavagane 7:23

Kai lraili palregese ki tuku; mia ki adhadhame ka ngiapalai mwa ki lravathe, kai ngithathingathingale kwini niakeini ala ka yakai ki sapapacai.

Yerimia 33:20

“Kiaketeketenga naku ki vaiyane si dradrimitane, ku lrika atara pasalaladhane lini ki tangimiamiane ngivelevele; kikai samakaketeketane kai lri maka dulru cilri.

Habakuke 3:11

Ku ridarane ku lrailisu sa katwase, ku walikalikathe ku idirisu sa lribate, ku vai si dramare makitua idrengere.