Ruthe 2:7 - Ngudradreadrekadhane Ka Sisiu 魯凱語聖經

⁷ Kiatubi nakwane nau kabibilrili ki kiataletaleke kirawmale ku mugi. Kavai alisu sakaliare la pathagili kaungu, kikai tau isadrasadra, yakai ki balrawbau mulrilri isadra.”

Ruthe 2:7 Iomraidhean Croise

Kavagavagane 13:4

Ku masasalrai ka umawmase makucingalre ngimia ku kidremedreme; ku kiasamula ka umawmase lri kaesaesai si putedratedra.

Kavagavagane 15:33

Ku mwasakene mukuludru ki Tamatama maru kiabulrunga ki thingalane; lu lri malra ku lrigu, lri tara paswalana kicawcakwane ngitatwalebe.

Kavagavagane 18:23

Ku la kitubi ki matiakukuru ka umawmase akwatiiki; ai ku la satubalreane ki satacekecekelane ka umawmase akwacaaeme.

Kavagavagane 22:29

Wadrelengasu ku mageteme lu twatumane? Kwi lasu kai twapapapalra karededele ki kadrwa ku piapia ka laumawmase; kwi lasu amani ku lri acegecege ikai cucubungu ki talialalai si marasikaikai.

Wabulru 9:10

Adravane tumanesu, kisamula pia; asi lwiyane ka swadriadringi kadrwa ku awngane, kadrwa ku akikakane, kadrwa ku thingalane, kadrwa ku lrigilane, kudra lrika amwanesu, ala amani kikai.

Matai 5:3

Ku ngiathathingale ala ka matiakuru ku abakeini ku umawmase ala mwaesai turamuru; amani lini kudra kawkawlu ki kuni ka subelebelenge!

Ruma 12:11

Madha kasalrai, kisamula kaungu, si arakai ku culwane ku kidremedreme pasikai kaungu ki Tamatama.

Galatia 6:9

Lakamani, lu piata ku mathariri, madha kasulrisulri, alaiyasi kaita kasulri, lu kelanga ku vai lri ikai ku akitalekane.

Ipisu 5:21

Kunumi yai mapasalaladha, asi lwiyane amani numi ku mwasakesakene ukuludru ki Kirisitu.

Ruthe 2:2

Yakai saka minakavalane, ku swa Muabe ka ababai ka Ruthe la kawriva ki Naumi, “Nau mwa ki angangade, lu kakuru nakwane ku aneane, nau ikai lrilrikudru iniane kirawmale ku nipawrurwane ku mugi.” Ku Naumi la kawriva, “Lalakeli, ani lu mwa.”

Ruthe 2:21

Ku Ruthe la kawriva, “Kwini lasu mwa kabibilrili ki kiataletaleke siludu ku mugi iya nakwane, pakeela ku tamaka kitalekane.”

Ruthe 2:6

Kwini lasu la tubalre, “Amani kwidra twapapalra ki Naumi twalai Muabe kainganai ka sakamaelanane ka cekele ka ababai.

Ruthe 2:8

Ku Buaze la mwa ki Ruthe kawriva, “Kilalraili, lalake, asitasumuanga ki angangade ki druma kirawmale ku mugi, asuranga ikai taelre kai ki tara kauawngu ka lalabaibai.