Ruthe 2:4 - Ngudradreadrekadhane Ka Sisiu 魯凱語聖經

⁴ La kai tarathainu, ku Buaze la twalai Bithelrihime kela; la ara vaga pasudalru kwini ki lakiataletaleke iya kai, “Ku Tamatama yakai tapalra numiane!” Kwini lalasu la tubalre, “Ku Tamatama swabulrubulru muswane!”

Ruthe 2:4 Iomraidhean Croise

Tabekacane 18:19

Ku pilrili iniane yai, lri kamani kai lasu ku lri pelaela ki lalakeini si lamwabaibalrithi ku apasalaladhane nakwane, kamani ku marasiakai ku aparamaramavane, si paruswadrau ku dringelresane. Luka ngimiyaiya kai, lrika pangiamianga naku ku tapukawnanengali ki Aberahame.”

Tabekacane 28:3

Ku wadulru sanaka manemane ka Twaumase ani subulrubulru ki akarudranganesu, la tulalake tuthathatha, si acucungulane ki taikaalra ki minzuku!

1 Lacaili 2:51

ku mwasakadrusa ka lalake ka Salema, twacekele Bithelrihime; ku mwasakatulru ka lalake ka Haripe twacekele kavai Bithegadere.

Lasenai 118:26

Ku Twaumase ani patarumara subulrubulru baai kudra ki pangwakai ku nagane ki Tamatama kainganai! Twalai nai ki daane ki Tamatama subulrubulru numiane.

Lasenai 134:3

Ku wabekace subelebelenge si kawmasane ka Tamatama ani twalai Ziyungu patarumara ku akaesadhane baai numiane!

Yerimia 31:23

Ku Tamatama ka abebeelengenga ki sanaka kwapingi, ka Twaumase ki swa Iseraylri amia kai: “Sa pasiwlriaku pubalriu ki lakawkawluli si tupudriadringai ki cekele, kwi lalasu lri peelana ikai Yuda ki lacekele iya kai: Taikaiyane ki dringelresane, ka Ziyungu ka saniange ka lregelrege, ku Twaumase ani subulrubulru muswane!

Taasipane 6:24

Ku Tamatama ani subulrubulru muswane, palakebe muswane;

Luka 1:28

Ku sasiakawlu ki Twaumase mwa cucubungu iniane, iya kai, “Ani ikai ku sulivatane muswane! Kiasubulrubulrusu, ku Tamatama ani tapalra muswane!”

2 Tisaruniki 3:16

Ku wabaai ku sulivatane ka Tamatama ani arakai ku makaelaela ku apangimiane baai ku sulivatane numiane! Ku Tamatama ani ikai tapalra numiane makanaelre.

1 Timuthi 6:2

Alaiyasi ka sinzia ku tawki, ku sasiakawlu madha ngukaikai ku takaretesanane ikai ki Twaumase si tudrekase liniane, aru kisamulaalringa pasikai, asi lwiyane kwini kiapasikai si kaesai ku umawmase amani kudra kadalame lini ka sinzia. Kusu bulrwa ki umawmase si pasapukwane kikai laawngane:

2 Timuthi 4:22

Ku Tamatama ani ikai tapalra muswane! Ku Twaumase ani patarumara ku migemi numiane!

Yesua 24:15

Lwiyasi kai numi palraingi marasikai iniane, ala, kaikameane tara turingaringava, ku apasikaiyane numi kipuawngane luka aneane, luka amani kwini sukusukubu ki cucungulane numi sa ikaiyana Mesuputamia ka latwaumase, luka amani kikai taikaiyane numi ka sukusukubu ki swa Amuri ka latwaumase? Ala kunaku si wacekecekeleli, lri tara kipuawngane nai ki Tamatama.”

Tamagarange 6:12

Ku sasiakawlu ki Tamatama la ikai kwini adrelane iniane si kawriva iniane, “Garagarange ka sawvalai, ku Tamatama watapalra muswane!”

Tamagarange 6:16

La kawriva ku Tamatama, “Lri tara tapalraku muswane. Lri pakadwaisu pamalebe ki swa Midiange, mia ki pamalebe ki tangeangea ka umawmase.”

Ruthe 2:3

Ku Ruthe la katwase mwa ki angangade, kabibibilrili ki kiamugimugi siludu ku nipawrurwane ku mugi. Kwini taikaiyane ki Ruthe kirawmawmale ka umawma ala ka umawma ki Buaze.

Ruthe 2:5

Ku Buaze la kivaga kwini ki kulritu lini, “Kavai ababai lalake ki tai aneane?”

Ruthe 4:11

Kwini lamarudrange si drumane ku umawmase la makitu iya kai, “Unu, amani nai ku lri siwmi pathingale ku drele nai. Ku Tamatama ani baai ku apasangukalrane tulalake ki taelrelresu, mia ki Rakile si Lria tutacekecekelane ki Yakubu si cegecege tu swa Iseraylri. Asu kamani ku ngiradhekane ikai ki swa Iparathe, kimatikaikai ku nagane ikai Bithelrihime.

1 Samuile 17:37

Ku Tamatama napalribulu nakwane kidaili ki raiyungu si kalesekesane ki cumai, mialrini lri tara palribulu nakwane kidaili kavai ki swa Pelisitine.” Ku Saule la kawriva, “Mathariri, lu mwa! Ku Tamatama watapalra muswane.”