Ruthe 2:20 - Ngudradreadrekadhane Ka Sisiu 魯凱語聖經

²⁰ Ku Naumi la iya kai, “Ku Tamatama anisubulrubulrunga ki Buaze! Ku Tamatama kadrwa ku takaelane papia ki panianianiakeana si wapacainga ka umawmase ku takidremedremane ku vaga ku thalradhane.” Ku Naumi la lalrwai pelaela iya kai, “Kwini lasu amani ku padethaneana ka lritudraneli, yakai ku capilaneini sirapale mitane.”

Ruthe 2:20 Iomraidhean Croise

2 Samuile 2:5

la sikawlu ki sasiakawlu pamwa kwini, kawriva, “Ku Tamatama ani subulrubulru numiane, asi lwiyane kwini twakucingalre numi ki Saule ku kidremedreme numi, la malra numi dralreke iniane.

2 Samuile 9:1

Yakai saka minakavalane, ku Davidi la kivaga, “Yakaiyana ku panianianiakeana ku lawacekecekele ki Saule? Lwiyasi la ikai, lri ngwaladhaku ki Yunathange si pakathariri sirapale iniane.”

Yubu 19:25

Ai, wathingalaku ku tarapalakelakebe nakwane panianianiake; luka bilrilinga lri pusakai nakwane kawriva.

Kavagavagane 17:17

Kai talragilragi yakai ki amakakalikalithane; Kai betakane yakai ki amakisapalrapalrane.

Lrivi 25:25

Lwiyasi ikai ku retesanesu ku ngwalai ki matikurwane la kai pikakwa kai kilangai kwini kadaengane, kwini padethaneana ka retesaneini naika wamalra sawlri kwini kadaengane.

Pilripi 4:10

Ku taikaiyaneli adringi ki niake ki Tamatama maadrau turamuru ku akiragadhane! Asi lwiyane kaina tarathainu ku tangilribatane, kunumi kaiasasane peaelana numi patarumara nakwane. Ku patengatengane, sakwa kakaalithi numi nakwane, ai kai maka yakai ku tapathingalanane numi.

Ruthe 2:21

Ku Ruthe la kawriva, “Kwini lasu mwa kabibilrili ki kiataletaleke siludu ku mugi iya nakwane, pakeela ku tamaka kitalekane.”

Ruthe 3:12

Kunaku tengane ka padethane ka retesanesu ka yakai ku capilane sirapale muswane, ai yakaiyana ku tangea ku padedethane nakwane.

Ruthe 4:14

Ku lalabaibai cekele la iya kai ki Naumi, “Tadrengedrengere ki Tamatama! Wabaai muswane ku padethane ku retesanesu sirapale muswane. Kikai lrulai ani kimatikaikai ikai ki swa Iseraylri makanaelre.

Ruthe 4:4

lu kidremedremaku lri tara ka wathingalesu kikai. Lwiyasi sawlrisu langai, picucubunga ki mapapangale si lamarudrange langai; lwiyasi kaisu murikai, la pudriadringadha pelaela, asi lwiyane lrika aswalalangasu, ala lri mwa nakwane.” Kwini lasu la kawriva, “Lri sawlriaku langai.”

Ruthe 4:6

Kwini lasu la tubalre, “Lwiyasi ka miyaiya kai, lri cilriaku ku kindrili ku alangadhane kwini kadaengane; adravane ka walangadhaku, ku lalakeli kai lri maka dulru mucungulu. Langadha kamani, kainaku lri langainga.”