Ruthe 1:17 - Ngudradreadrekadhane Ka Sisiu 魯凱語聖經

¹⁷ Lu pacaisu ikai inu, lri mialriaku ikai kwini pacai, si kidralreke. Ikai kwini kathane ku apacadhane, kadrwa ku namanemanenga kulri maka dulru malra apasasivagai mitane! Alaiyasi balreaku ku takiketeketaneli, ani ka Tamatama ku pangiacaeme pathavungu nakwane!”

Ruthe 1:17 Iomraidhean Croise

2 Samuile 15:21

Ku Itai la kawriva, “Talialalai, lri papiaku ki nagane ki palralrawthu panianiake ka Tamatama kiketekete muswane, adravane mwinusu kidruanga, lri tara tupapalraku muswane, anika apanianiakane anika apacadhane, malralremeaku.”

2 Samuile 19:13

Ku Davidi la mialri sikawlu liniane mwa kawriva ki Amasa iya kai, “Kusu amanilringasu ku betakaneli; twalainga kaikameane, lri kamaningasu ku tamatama ki kwapingi, ngitalingikaiyane ki Yuabe. Lwiyasi kainaku pangimia kikai, ku Twaumase ani papacainga nakwane!”

2 Samuile 3:35

Twaraakete ku laumawmase makanaelre, makitu kanea iya ki Davidi, ai ku Davidi kiathupu, “Lwiyasi la kaneaku sakaiyana lriwgu ka vai, ku Twaumase ani papacai nakwane la iya!”.

2 Samuile 3:9

Ku Tamatama napwavaga palraingi ki Davidi ku apatwaladhane ki alrima ki lamwabaibalrithi ki Saule malra ku sarathudane ki kuni ku puku, si tutalialalai ki Davidi ki swa Iseraylri si swa Yuda, twalai tali dradha ki Dange padaruru kavai salrawlrawdrunga ka Bereseba. Kaiasasane, lwiyasi la kainaku pakisamula si ngimia kikai, ku Twaumase anipapacai nakwane!”

1 Latalialalai 13:31

Samaka dralrekenga, ku marudrange ka yuginsia la kawriva ki lalalakeini iya kai, “Lu pacadhaku pikaiyangaili kikai dralreke kai kinawmasaneli, la pithili ki umawmase ki Twaumase.

1 Latalialalai 19:2

Ku Yezebile la sikawlu mwa kidrele ki Ilria, si iya kai, “Luiya lumiamia kai, alaiyasi la kainaku pangimia kudra tapangimianesu kwini ki layuginsiali kiecebe muswane, ku latwaumase ani papacai nakwane!”

1 Latalialalai 2:23

Ku Sulumungu la papia ki nagane ki Tamatama kiketekete, “Lwiyasi la kainaku malra ku niake ki Aduniya tusabalrithane kai takitubiane, ku Twaumase anipapacai nakwane!

1 Latalialalai 20:10

ku vaga ki Bine Hadade, iya kai, “Lri mailukaku ku kaika amakasiasipane ku umawmase kela buburuku Samaria. Alaiyasi kwini dae ki cekele la makakelrete liniane ka tangea dakucu ara alrima, ku latwaumase ani pathavungu si papacai nakwane!”

2 Latalialalai 6:31

Ku talialalai amia kai, “Kaikameane lu kainaku malra ku awlru ki Ilrisa, ku Twaumase, ani papacai nakwane!”

Lasenai 45:10

Talialaladhane ka kiarakerakete, kicacaligira kilalra kai vagali: Karimura ki tatwaladhanesu ka zuku si laretesanesu!

Nisikawlane 11:23

Ku Barenabase sa kelanga, la drele ku tasubulrubulrwane ki Twaumase ki swakai kwini, la kiragai turamuru, si pasapukwane liniane, ku asalikavaevane ku kidremedreme lini satalu ki Tamatama.

Nisikawlane 20:24

Ai, pakai ku atulrepengane ku kipuawnganeli, si pangimia ku baai nakwane ki Tamatama ka Yesu ku awngane, amani ku apelaelane ku hukuingi ki migemi ki Twaumase yai, kainaku ngiatataulra kai niakeli.

Ruthe 1:16

Ai ku Ruthe amia kai, “Madha pakatwatwase nakwane muswane. Patupapalraili muswane! Lu muinusu, lri muinuaku; lu ikaisu inu, lri ikaiyaku inu; ku minzukusu amani ku minzukuli; ku Twaumasesu Twaumaseli.

Ruthe 4:15

Ku taelrelre ki lalakesu kialibake muswane; kwidra pasikaini muswane, makakaalrana ku tapangimiane ki tapitu ku sawvalai ku lalake. Kikai la baai tulalake ku tangea ku aganesu; kikai agane lri iluku ku bavane ku pukusu, lai lri ngiesadhane kai takatarudrawdranganesu.”

1 Samuile 14:44

Ku Saule la kawriva iniane, “Lwiyasi la kainaku pathavungu papacai muswane, ku Twaumase ani papacai nakwane!”

1 Samuile 20:13

alaiyasi la pikai ki kidremedremeini nau papacai iya muswane, si la kainaku pelaela muswane, asu kasulivate katwase, ku Tamatama lani papacai nakwane.” Ku Yunathange la kawrivana, “Ku Tamatama ani tapalra muswane, mia kunadruma ku tatapalraneini ki ama!

1 Samuile 25:22

Lu kaiyana kaliare, alaiyasi la kainaku nguelre papacai ki laumawmaseini, ku Twaumase ani papacai nakwane!”

1 Samuile 3:17

Ku Ilri la kivaga iniane, “Manemane ku kawriva ki Tamatama muswane? Madha sekesekete nakwane. Lwiyasi la kaisu pakaelre pelaela, ku Twaumase ani pangicaeme kaelaela muswane!”