Ruthe 1:13 - Ngudradreadrekadhane Ka Sisiu 魯凱語聖經

¹³ lri palraingi numi adradrau liniane pakela ki maadrau? Lri maka dulru numi mukalavalava si kai mwa ki drumane karudrange? Ini! Lalalakeli, kikai kaika adulrwane piakai. Ku Tamatama pathavungu nakwane; kuaalriaku kidremedreme numiane.”

Ruthe 1:13 Iomraidhean Croise

Tabekacane 38:11

Ku Yuda la iya kai ki taelrelre ki lalakeini ka Tamare, “Lu utavanaana mwa ki latinasu awalibakane, la adradrau ki lalakeli ka Sela pakela ki maadrau.” Ku iyaini kai ki alisu, mwakuludru ki Sela amani lu ngiaalrawnga ki tadrusa ka lalakeini pacai. Ku Tamare la katwase mwa ki daane ki latinaini.

Yubu 19:21

Kunaku talragi numi, la kakuruaili! Ku alrima ki Twaumase patwabakebakenga nakwane.

Lasenai 32:4

Tamatama, lukavaiyane lukamaungu pathavungusu nakwane; la kidulrunga naku si kakadrwanga ku pukuli, mia ki twalalau luka kaladralrangedrangane.

Lasenai 38:2

Kwi lrailisu watengadre mwadringi nakwane; kwi alrimasu pangiacaaeme drepete nakwane.

Tapelane Drekase 2:15

Ku Tamatama takiecebane liniane, pakela ku tapakamudane liniane.

Tamagarange 2:15

Kai swa Iseraylri lu katwase kikaruburu, ku Tamatama la singikai ku takiketeketaneini kiecebe liniane. Kwini lalasu la kipadradresenge ku maadrau turamuru ku akipakwalriane.

Ruthe 1:12

Lu mutavanana! Lalalakeli, ala lu! Pasuludrungaku turamuru, ka kailri maka pelanga karudrange. Adravane ka matiakipukadawana ku tikiyane, si dulrwana karudrange kai maungu, la dulru tulalake ku sawvalai,

Ruthe 1:14

Kwini lamatiatina la kirimunga makitu tubi. Ku Urepa ala uma ki tinaini ka Naumi kipusau, si katwase siwlri mwa ki sakacekeleini; ai ku Ruthe kai walreme katwase.

Ruthe 1:21

Sa katwatwasaku mulatadre pakaesaesai nakwane, sa siwlringaku ku Tamatama la papaliwnaunainga nakwane. Ku Tamatama pathavungu nakwane; ku wadulru sanaka manemane ka Twaumase pakwalri nakwane. Manemane si Naumi iyana nakwane?”

1 Samuile 5:11

Lakamani, kwini lalasu la padawlu kwini ki kiacapili ki swa Pelisitine, iya kai liniane, “Ala malra kikai Langiane ki swa Iseraylri sawlri pwa kudra ki nataikaiyane! Lu pangimiata kwini, kikai Langiane kai lri papacainga mitane si mapapangaleta.” Kwini sakatucekelane makanaelre makitua kathathiburu mukuludru miakwidra, asi lwiyane ku Twaumase pangiacaeme pathavungu liniane.