Ruma 4:9 - Ngudradreadrekadhane Ka Sisiu 魯凱語聖經

⁹ Ku taiyane ki Davidi kai ki akaesadhane amaniane kudra ki kiagelregelrenga kitulrisi ku umawmase sikakathane? Ini. Mialri ka amaniane kudra kaiyana kiagelregelre kitulrisi ku umawmase; asi lwiyane arakainga nai ku vaga ki Sisiu pelaela, iya kikai, “Ku Aberahame masalru ki Twaumase, la ngwalai ki salrwaneini, ku Twaumase la pasudalepe iniane tumadringelrese ka umawmase.”

Ruma 4:9 Iomraidhean Croise

Tabekacane 15:6

Ku Aberame masalru ki Tamatama, ku Tamatama la tumadringelrese iniane ka umawmase.

Isaiya 49:6

Ku Tamatama amia kai nakwane: Sasiakawluli, lri baadhaku muswane ku taingeane ku makucingalre ka awngane: Lri pakatwasaku muswane pangiradhekane ki lazuku ki Yakubu, la alra iluku pasiwlri ki agagane ki Iseraylri. Lai lri paaledraku muswane ki sanaka kuni, kai sapalribulaneli lani salraelre kawmasane.

Luka 2:32

Lrika amani ku pathingale ki sakamaelanane ka ledra, lrika amani ku lrigu ki laumawmasesu ka swa Iseraylri.

Ruma 4:10

Kikai yakai ki ngitwatumane sangimia kai? Yakai sakaiyana kigelregelreana kitulrisi ku Aberahame, amani sakabilrilanenga? Yakai ki siaswalane, kaika bilrilanenga.

Ruma 4:3

Asi lwiyane ikai ki Sisiu amia kai, “Ku Aberahame masalru ki Twaumase, ngwalai ki salrwaneini, ku Twaumase paswadalepe iniane tumadringelrese ka umawmase.”

Galatia 3:14

Ku pacugane ku tapiane kai ki Kirisitu yai, lri malra ki sakamaelanane ka umawmase si pangukai ki Yesu Kirisitu si tarumara ku pukawnunga ki Twaumase baai ki Aberahame ku akaesadhane, lukamiyaiya kai, lri dulruta ngukai ki salrwane si tarumara ku pukawnunga ki Twaumase ku Siri.

Ipisu 3:8

Adravane ka amaniaku ku titikiyanenga ki sanaka lasinzia, ku Twaumase ala wabaai nakwane ku maelane ka puku, ku amaka dulrwane malra ku maadrau turamuru ku hukuingi ki Kirisitu si baai ki sakamaelanane ka umawmase,

Kulusia 3:11

Lwiyane kai kawriva, kadrwanga ku tamakakitukudhane ki swa Gurike si swa Yuda, kai lri ikainga ku tamakakaelane ku kiagelregelre tulrisi, si kai kiagelregelre tulrisi, ku kaina akabalrithi ku kakwakudhane, kudra duri si ngialralrainginga ka umawmase. Ku Kirisitu yai amani patuelre, ku Kirisitu waelrelre patuelre.