Ruma 4:5 - Ngudradreadrekadhane Ka Sisiu 魯凱語聖經

⁵ Ai ku masalru ka umawmase ki pacepe ki pasalriu ka umawmase ka Twaumase yai, ku Twaumase lri ngwalai ki salrwaneini, kailri ngwalai ki tangivelevelaneini, si lri dulrunga makadawdalru ki Twaumase.

Ruma 4:5 Iomraidhean Croise

Pilripi 3:9

si kitulrepenge kicungulu iniane. Kadrwanga nakwane kudra ngwalai ku tapaluludane ki hulrice si ka madringelrese. Kikai yakai nakwane kikai dringelresane yai ngwalai ku takapatengatenganane ki Kirisitu ala ikai, ka baai ki Twaumase, laka salrwane ku tangadrane.

Ruma 3:22

Ku Twaumase wamalra ki umawmase pakadawdalru iniane, ngwakai ku takasalrwane lini ki Yesu Kirisitu. Ku Twaumase twangimiyaiya kikai kwidra ki sanaka masaalru ki Kirisitu ku umawmase, kadrwa ku tapakaelaelane:

Ruma 10:3

Kwi lalasu kai wathingale ku dringelresane ki Twaumase, kiasanu ngitatumadringelrengelrese, la kai pasalaladha ku dringelresane ki Twaumase.

Ruma 4:24

mialri ka pasiakai mitane kawriva. Asi lwiyane masalruta ki Twaumase ka pasiaelane ki Tamatama ka Yesu patwalai ki wapacai, ala kamani ku kitumadringelrese ka umawmase.

Ruma 4:3

Asi lwiyane ikai ki Sisiu amia kai, “Ku Aberahame masalru ki Twaumase, ngwalai ki salrwaneini, ku Twaumase paswadalepe iniane tumadringelrese ka umawmase.”

Yuhani 6:29

Ku Yesu la tubalre, “Kasalrwa kudra ki sikawluini, amani kikai kudra ani pia ku awnganeli iya ki Twaumase numiane.”

Yuhani 5:24

“Pwadriadriingadhaku pelaela numiane, ku kialalra kai vagali, la kasalru kudra ki amani ku siakawlu nakwane, lri ikai ku palralrawthu ka niake. Kai lri kitupasalrivane, amaninga kudra matwasenga ki apacadhane si mwa ki apanianiakane.

Habakuke 2:4

Amani kikai ku pelaelali muswane ka vaga, ‘Ku manganganga ka umawmase lri kai maka panianiake, ai ku madringelrese ka umawmase lri ngwalai ku tapakaelreeane ku salrwane si tarumara ku niake.’ ”

Yesua 24:2

Ku Yesua kawariva ki mapapangale iya kai, “Ku Tamatama ka Twaumase ki swa Iseraylri amia kikai, ‘Kunadruma, kudra cucungulane numi, ku Tera si lalakeini ka Aberahame si Nahure yakai kavai kadravane Yuparati; kwini lalasu wasukusukubu ki drumane ka twaumase.

Maruku 9:23

Ku Yesu la iya kai, “Unu, alaiyasi lri dulrusu! Ku yakai ku salrwane ku umawmase, sanaka maneemanenga lri tara ngimiya patuelre!”

Ruma 4:6

Marwamaninga ku taiyane kai ki Davidi, kwidra kai satalu ki tangivelevelane si la kitumadringelrese ki Twaumase ku umawmase yakai ku akaesadhane, amani kai ku pacugane. Kwi lasu amia kai kawriva: