Ruma 4:11 - Ngudradreadrekadhane Ka Sisiu 魯凱語聖經

¹¹ Kwini lasu sakabilrilanenga la kigelregelre tulrisi; kikai taingeane ka sapatuthingalane, pasudalepe iniane sakaiyana kigelregelre kitulrisi ala ka ngwalainga ki salrwaneini amadringelresenga ka umawmase. Lakamani, papia kudra ki sanaka kaiyana kiagelregelre kitulrisi, ai ngwalai ki salrwane si kitumadringelrese ki Twaumase ka umawmase, ku Aberahame amani ku tama ngukai ki takisuswane.

Ruma 4:11 Iomraidhean Croise

Ruma 3:22

Ku Twaumase wamalra ki umawmase pakadawdalru iniane, ngwakai ku takasalrwane lini ki Yesu Kirisitu. Ku Twaumase twangimiyaiya kikai kwidra ki sanaka masaalru ki Kirisitu ku umawmase, kadrwa ku tapakaelaelane:

Luka 19:9

Ku Yesu la iya kai iniane, “Kaikameane ku sapalribulane wadaruru kai ki daane, asi lwiyane kikai umawmase kai, maiyalri ka mwabaibalrithi ki Aberahame.

Hiburu 11:7

Ngwalai ki salrwane, ku Nua ikai kudra ki kaiyana adrelaneana kudra ki manemane, kialalra ku tapakipapawlringavane ki Twaumase, si tuvaeva tuvarukuru, la udripi makanaelre ku wacekecekele. Kikai miyaiya kai, kwi lasu twapasalrivane kwini ki zidai, ngukai iniane la patwalai ki Twaumase tarumara ku ngwakai ki salrwane si kitumadringelrese.

2 Kurintu 1:22

la puhange patuthingale pikai ki kinawmasaneta ku hangeini, si patarumara pulebe ki Siri pikai ki kidremedremeta, tusapelaelane ku pasikaikai mitane padulru sanaka maneemane.

Pilripi 3:9

si kitulrepenge kicungulu iniane. Kadrwanga nakwane kudra ngwalai ku tapaluludane ki hulrice si ka madringelrese. Kikai yakai nakwane kikai dringelresane yai ngwalai ku takapatengatenganane ki Kirisitu ala ikai, ka baai ki Twaumase, laka salrwane ku tangadrane.

Ipisu 4:30

Madha pakwalrialri ki Siri ki Twaumase, asi lwiyane kai Siri amani ku sapatuthingalane ala ka Twaumasane numi, sapelaelane ka lri tara keela ku apawlatadrane numiane ki Twaumase ka vai.

Ipisu 1:13

Kunumi laka miyaiya numi kikai: Sakilalranga numi ku patengane ka sabulrwane ku vaga, kamani sakilalra numi kwidra palribulu numiane ka hukuingi, masalrunga numi ki Kirisitu, ku Twaumase la malra kudra nipalrainganenga ka Siri si baai numiane, tusarakaiyane patuthingale ka swakai numi iniane.

Galatia 6:16

Sanaka paluludu kai ki kakudhane ku umawmase, si laumawmase ki Twaumase makanaelre, ani maramaraamau tarumara ku sulivatane si kalithane!

Galatia 5:5

Ala kuta yai, sataluta ki Siri, ngwakaita ki salrwane, si sidramadrama ki Twaumase kulri pakakadalru mitane iniane. Kikai yai puku ki Siri la ngukai ki salrwaneta si pangimia.

Galatia 3:29

Alaiyasi ka Kirisituanenga numi, amani numi ku mwabaibalrithi ki Aberahame ka lri tarumara ku pukawnunga ki Twaumase baai ki Aberahame.

Galatia 3:22

Ai kai Sisiu amia kai, kikai kawmasane yadringi ki puku ki pasalrivane makanaelre, pakai ku akasalrwane ki Yesu Kirisitu si sitangadrane tusarakaiyane tarumara ku pukawnunga ki Twaumase, kikai pinalraingane yai wabaai ki masalru ka umawmase makanaelre.

Galatia 3:7

Lakamani, wathingale numi, ku yakai ku salrwane ku umawmase amani ku patengane ka agagane ki Aberahame.

Ruma 10:11

Kai Sisiu amia kai, “Ku masalru iniane kai lri kasalivalrau.”

Ruma 10:6

Ai, pangukai ku ngwakai ki salrwane si kitumadringelrese ka umawmase, ku Sisiu amia kikai, “Madha ngikakivagavaga iya kai: Aneane ku lri musubelebelenge?” (Maru amiyanga kai, aneane ku lri iluku ki Kirisitu mulebe?)

Ruma 10:4

Ku patengatengane, ku Kirisitu paliakainga ku naika apangimiane ki hulrice, kudra akitumadringelresane makanaelre sanaka masalru iniane ka umawmase.

Yuhani 6:35

Ku Yesu la iya kai liniane, “Amaniaku ku taleke ki niake. Ku wakela nakwane kai, kai lri kasilrawnga palralrawthu; ku masalru nakwane, kai lri kakadhamenga palralrawthu.

Nipadrelane 9:4

Kwi laapapawku kiadrekase ku kaika akabebetethane ikai kai ki kadaengane ki ubulu, angatu, si drumane ka lawacebecebe, akabebetethane sikakathane kudra ki la kai kiapuhange papunu ki Twaumase ku umawmase.

2 Pitiru 1:1

Kwaku ka Simune Pitiru yai sasiakawlaku ki Yesu Kirisitu si nisikawlane. Wapacasaku tigami baai kwidra la ngwakai ki dringelresane ki Twaumase si Takipalribulribulane ka Yesu Kirisitu, si kudra mia naiane kisupisupilri kwidra thadaalrane ka tinukucingalrane ka salrwane ka laumawmase.

Ruma 9:30

Lumia kwini, lai lri tumanaiya nai kawriva? Kudra lasakamaelanane ka umawmase nakai kiasilasilape ku dringelresane ki Twaumase, la ngwalai ki salrwane si kamaninga ku madringelrese ka umawmase;

Ruma 9:6

Maulrawnga ku pinalraingane ki Twaumase kainaku ka amia. Asi lwiyane, kai swa Iseraylri kaika pinilriane ka umawmase makanaelre;

Ruma 3:26

Asi lwiyane kiadili, pacepe ku tapasalrivane ki umawmase. Ai kaiasasane, la arakai ku tamwalrane ku pasalrivane pathingalane ku dringelresaneini. Lumiya kikai, ku Twaumase paathingalane ka amani ku madringelrese, si sanaka kiapawtenga ki Yesu ku umawmase la makitu makakadalrunga ki Twaumase.

Yuhani 8:33

Kwi lalasu la tubalre, “Amani nai ku lagagane ki Aberahame; kadrwana ku taaduriane nai ki naneaneanenga, amiasu kai, ‘Lri maka dulru numi ngilralraingi’, kikai vaga manemane ku pacugane?”

Yuhani 6:47

Nau pudriadringai pelaela numiane, ku masalru ku umawmase lri ikai ku palralrawthu ku niake.

Yuhani 6:40

Asi lwiyane ku takidremedremane ki Tama yai lri patarumara ku palralrawthu ku niake kwidra ki wadrele ki Lalake si kasalru ku umawmase; ikai ki apalikaiyane ki vai, lri pasielaku papanianiake liniane.”

Yuhani 3:36

Ku masalru ki Lalake, yakai ku palralrawthu ka niake, ku kai masalru ki Lalake, kai lri ikai ku tengatengane ka niake, si ku sapathavungane ki Twaumase lri ikainga iniane apalralrawthu.

Matai 16:16

Ku Simune Pitiru la tubalre iya kai, “Kirisitusu, ka Lalake ki palralrawthu panianiake ka Twaumase.”

Matai 8:11

Nau pelaela numiane, lubibilrili lri ikai ku takaalra ku umawmase ku twalai tali talrawane si tali sapakalriwgu ku kaiyanganai, si taelre ki Aberahame ki Isake, si Yakubu kalringulringulu ikai ki kuni belenge.

Izikile 20:20

Pangimia ki Taisadrasadrane ka vai tusaniange ka vai, la tusapatuthingalane ku tamakaketeketaneta, lri pakipapawlringavaku numiane, Tamatamaku ka Twaumase numi.

Izikile 20:12

La drekasaku liniane pangimia ku Taisadrasadrane ka vai, ka amani ku sapatuthingalane ku tamakaketeketane nai. Pakipapawlringava liniane, amaniaku ka Tamatama ku pakasaniange liniane ka kawkawlu.

Tapelane Drekase 30:6

Ku Tamatama ka Twaumase numi lri muelebe ki kidremedreme si lamwabaibalrithi numi, lai lri savaevanga ku kidremedreme numi kilibake iniane, si pacungucungulu ikai kwini ki kadaengane cekecekele.

Takatwasane Izipiti 31:17

Kikai amani ku palralrawthu ka sapatuthingalane ikai ki swa Iseraylri si kunaku; asi lwiyane kunaku ka Tamatama ikai ki minakanemelane wabekacaku ki subelebelenge si kadaengane, ikai ki samakapitulu la idrengere ku awngane si isadra.”

Takatwasane Izipiti 12:13

Kwini erai ki taibelengane ki lrawlrawdru amani ku sapatuthingalane ki taikaiyane numi. Lu pathavuthavungaku ki swa Izipiti, kainaku lri pakadula numiane.

Ruma 9:33

Mararaamau ku taiyane ki Sisiu kai: Drela! Piakainga naku ku vaeva ka sapawcucusane ka lrenege pikai Ziyungu, amani kudra patwabakebake liniane ka lrenege! Ai, ku satalu iniane ku umawmase kai lri kasulri.

Tabekacane 17:24

Ku Aberahame sa kigelregelregelre tulrisi yai tara 99 ku cailini;

Lasenai 47:9

Ku latarasangililuku ki lakuni yarubu makanaelre, lri akawkawlu ki Twaumase ki Aberahame. Ku sakikaruburuburane ki lakwapingi ku alathare Twaumasane patuelre; kathaneini ka sabelenge ki sanaka manemanenga.

Yuhani 3:33

Kudra tarwamara ku akasini, peaelaelanga ku Twaumase amani ku patengatengane.

Ruma 3:30

Tangeangea ku Twaumase, ani patwalai ki salrwane amia ki swa Yuda, si kai sakamaelanane ka umawmase lamialri patwalai ki salrwane si makadawdalru iniane.

Ruma 4:10

Kikai yakai ki ngitwatumane sangimia kai? Yakai sakaiyana kigelregelreana kitulrisi ku Aberahame, amani sakabilrilanenga? Yakai ki siaswalane, kaika bilrilanenga.