Pilripi 4:3 - Ngudradreadrekadhane Ka Sisiu 魯凱語聖經

³ Lapapapalrali, lri mialriaku kitubi numiane paraluba liniane kai ki tadrusa, asi lwiyane kai lamali ikai ki awngane ki hukuingi natwapapapalra nakwane, si Kelimine, si la drumane ka redelane kaungu kwalrialri, ku nagane kilakikai umawmase pinacasanenga patuelre ikai ki mibu ka niake ki Twaumase.

Pilripi 4:3 Iomraidhean Croise

Lasenai 69:28

Ku nagane lini ani twalai ki niake ki mibusu kisupilri; kwi lalasu ani kai kipikai ki lanagane ki kawkawlusu.

Takatwasane Izipiti 32:32

Kiatubiaku muswane pacepa kavai pasalrivane lini; lu kai mia kwini, kiatubiaku muswane patwaladha ki lanagane ka pacase ki kawkawlusu mwalra supilri ku naganeli.”

Isaiya 4:3

Ku panianianiiakeana makanaelre, ku pilri ki Twaumase si asuru ikai Yerusalrime, lri kitualrivilrivi makanaelre.

Izikile 13:9

Kunumi ka lawacapange daedarepe ku maburusi, kawariva capange yugingi ka yuginsia, lri pathavungaku numiane! Lri kai numi maka kipaelre ku tayelrelreane ki kawkawluli; ku nagane numi kai lri maka pacase pikai ki mibu ki daane ki swa Iseraylri. Lri kai numi maka siwlri mwa ki kadaengane ki swa Iseraylri. Luka ngimiyaiya kikai, lri thingale numi ala ka abebeelengenga naku ka Tamatama.

Daniele 12:1

Kudra sialaimai ku malubibiri ka kaimadhane ku laimai ka sasiakawlu belenge amia kai, “Lukamani kwidra, kudra palakelakebe ki sakacekelesu ka kiacapili ki sasiakawlu belenge ka Mikaele lri mutaluvaivai. Lai lri ikai ku lrika amatikurwane, twalai ku tacegecegane ki kuni madradraunga ka amatikurwane. Ikai kwini, ki sakacekelesu ku kiapacase pikai ki mibu ki niake ku nagane, lri kipalriibulu makanaelre.

Luka 10:20

Ai, madha kirimurimu ngwalai ki tapasalaladhane ki aidridringane numiane si kiraragai, pasikaiya kamani ku takipacasane ku nagane numi ikai subelebelenge si kiraragai.”

Ruma 12:1

Lakamani, laretesane, kudra paiyanga kikai kakalithi mitane ku Twaumase, lri pasapukwanaku numiane, malra papanianianiake ku kinawmasanesu si patarumara ki Twaumase, la savaeva ku kidremedreme pasikai iniane, si kikiragai iniane. Ala amani kikai ku apiane numi patarumara ka patengatengane ka sasukubane.

Ruma 16:12

Aii iyaiyanga ki kwalrialri pasikai ki Tamatama ka lamali ka Turipaina si Turipusa; la aii iyaiyanga ki nikilibakane ka kiasamulamula kaungu pasikai ki Tamatama ka alisu ka Peresi.

Ruma 16:9

aii iyaiyanga ki pasiakaikai kaungu ki Kirisitu ka Urebanu si kadalameli ka talragi ka Setaku.

Pilripi 1:12

Labetakaneli, ani thingale amiaku numiane, ku takipadradresenganeli paraalubulringa si aru paswadrau ki hukuingi.

Pilripi 1:16

Kwidra la ngwakai ki sakialibake si pia kikai ku umawmase, wathingale makanaelre ki Twaumase ka wabaai nakwane ku awngane ku lrika apasikaiyaneli ki hukuingi kidrikisi.

Pilripi 1:27

Ku makuciacingalrenga yai: Ku tapanianianiakane numi nai pamamwa ku kitubi ki hukuingi ki Kirisitu. Lu kamiyaiya kai, adravane ku wadulrwaku ku kainaku wadulru kela drele numiane, wathingalaku patuelre numiane ka maramaramau ku tapadarurane numi, ka makeecenge kai lri taluela, si maramaramau ku kidremedreme maparawralubu pasikai ki salrwane ki hukuingi kikaruburu.

Pilripi 1:5

asi lwiyane twalai ku tapathagilane kwini ki vai pakela kaiasasane, ikai ki adindwane taparalubane numi nakwane.

Pilripi 1:7

Taikaiyane numi ki kidremedremeli! Naika takabarengeeraneli numiane, asi lwiyane, adravane ka yakaiyaku kai taememengane, adravane sa ikaiya naku ki ngialralraingi pasikaikai ki hukuingi kidrikisi si pelaelaela, kiasupilringa numi makanaelre ku baai nakwane ki Twaumase ku mwakalrivili ka puku.

Pilripi 4:2

Yuadia si Sintiki ka lamali, lri pasapukwanaku numiane ikai adringi ki Tamatama maramaramau ku kidremedreme numi.

Kulusia 1:7

Kunumi twalai numi ki papapalra nai ka Ipahurase thingale kikai hukuingi, kai lasu pasiakai naiane kaamani ku patengane ku kidremedreme asasiakawlu ki Kirisitu.

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 20:12

La dreelenga naku kudra ki wapacainga ka umawmase, adravane ka tabebelenge ka talelebe, acegecege makanaelre icucubungu ki taetalane. Ku sakukuswane ka pacase ka nibalrulane la mubalrulunga si paipai; ku taingeane laka vaeva ka niake ka mibu mialri paipainga. Ku wapacainga ku umawmase lri singikai ki kakwakudhane lini, si patwalai kilakikai sakukuswane ka pacase ka nibalrulane ku tapacasane, si kisaibange.

Nipadrelane 20:15

Sanaka kai kiapacase ku nagane pikai ki niake ka mibu, lri makitu kiverevere makanaelre pwadringi ki apwi ka baiyu.

Nipadrelane 21:27

Ai, kudra kaika mabula, matialrase ku kakwakudhane si matavuvulrucu lri kai maka mudaane makanaelre; kathane ku kiapacase ku nagane pikai ki niake ki mibu ki Lrulai ka Kiu, ka lri dulru mudaane.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.