Nipadrelane 9:20 - Ngudradreadrekadhane Ka Sisiu 魯凱語聖經

²⁰ Kudra drumane ku umawmase ku kai yakai kai ki matikurwane kipapacai thadaalraneana kai ngitatupela, la kai cilri ku ngipapia lini ku samiamiange. Kwi lalasu thadaalraneana sukusukubu ki Akema, si kingi, gingi, lriwlu, lrenege, si niaraangatwane pia ka la kai wadulru drele, kai wadulru kilalra kai wadulru dadavace ka lamanemane.

Nipadrelane 9:20 Iomraidhean Croise

2 Latalialalai 22:17

Kwini lalasu wacilri nakwane, la papia ki drumane ka twaumase padalai ku sangwalreme, arakai kwini ki tusamiamiange lini dawlu ku akalisianeli, lakamani, lri papiaku ki swa Yerusalrime kalisi, kai lri idrengere.

2 Lacaili 28:22

Ku Ahaze sa ikai ki makwalrialringa arwa kasilrialribate ki siaswalane ki pasalriu ki Tamatama.

2 Lacaili 34:25

Kwini lalasu kiadaili nakwane, la papia ki drumane ka twaumase padalai ku sangwalreme, arakai kwini ki tusamiamiange lini dawlu ku girimucaneli, lakamani kwidra lri papiaku ki Yerusalrime kalisi, kai lri idrengere.

Lasenai 106:37

Kwi lalasu papacai ki lalalake lini tusapatarumarane ka waudriwdripi baai ki twaumase ki swa Kanange.

Isaiya 2:8

Ikai ki kadaengane lini swaete ku samiamiange; kai lalasu wasukusukubu ki arakai lini ku alrima papacase ku lamanemane.

Isaiya 41:7

Ku daikusange ki angatu amia kai ki taradarepe ki kingi ka daikusange: Kwi tasialrimanesu mathariri; ku taratusamiamiange ka daikusange walrigu ki tarakedrekedre ka daikusange ki angatu, la iya kai: Mathariri kwi tapianesu. Kwi lalasu arakai ku sakedrekedre kedrekedre pakakecenge ki samiamiange, la kakecenge turamuru.

Yerimia 1:16

Lri pathavungaku ki kawkawluli ku tapasalrivane lini patuelre; kwi lalasu matwase si cilringa nakwane, la patarumaramara baai ki drumane ka twaumase, la sukubu ku arakai lini ku alrima lini tusamiamiange.

Yerimia 25:6

Kwi lalasu la mialri pasapukwane numiane ku kaika asukubane si pasikaikai ki drumane ka latwaumase, ku kaika asukubane numi ku pia numi ku samiamiange la pakagirimucu ki Tamatama, ku Twaumase lai kai pathavungu numiane.

Yerimia 44:8

Anu ikaai Izipiti ka tamwane numi mubere si sukubu ki samiamiange, papia ki drumane ka twaumase patarumara, pakagirimirimucu nakwane? Lri ngidadawlu numi ku akamudane, si kamani ku tarakipusupusu kitusinalrelrelreme ki kiacaebe ki belenge ki lakuni?

Yerimia 5:3

Ku Tamatama patengatengane ka wasilasilape ku madringelrese kapatengatengane ka umawmase. Lu lrumai numiane, kainu twamanemene, lu pathavungu numiane, la kai numi ngwalai si kibulru. Twalrawnga numi kwi kawlukulane numi, si kai mubangalre katwase cilri kwi pasalrivane.

Yerimia 51:17

Kikai tangimiamiane ku umawmase lu kidremedreme ngiamakulrungu ka kadrwa ku thingale; ku taradarepe ki kingi masulri kudra ngipapia lini ku samiamiange, asi lwiyane kudra piaini ku twaumase kaika patengatengane, kadrwa ku niake

Daniele 5:23

ngiakalrilriigulringasu, si kitubadha ki Tamatama ka yabelenge. Wamalrasu salri putaluvaivai kudra ribicini patwalai ki daane ki Twaumase ku lakupu si lakisi, la arakaisu ungulu si paarakai ki latabebelengesu, lataelrelresu, si drumane ka lalabaibaisu, si drengedrengedrengere kwini ki laniarakaiyane ku kingi, gingi, lriwlu, adreme, angatu, si lrenege tu twaumase, ka amani kudra la kai maka wadulru drele, kai maka wadulru kilalra, ka kadrwa ku thingale ka samiamiange. Kaisu mwasakene kudra amani ka wakelrete ki apanianiakane si apacadhanesu, ka magagemegeme ki tangivelevelanesu ka Twaumase.

Daniele 5:4

Kwi lalasu la takuungungulu, si takudrengedrengedrengere kwini nitutwaumasane arakai ku kingi, gingi, lriwlu, adreme, angatu, si lrenege.

Lrivi 17:7

Ku swa Iseraylri kai lri maka baebalre ki Tamatama, ikai ubulane culu ku nilapulapwane si patarumara ki galrale ka kiu. Ku swa Iseraylri lri tara ka palralrawthu pasusu kikai kakudhane.

Mika 5:13

Lri kadrulaku ki sukusukubu numi ka lasamiamiange si tinuulrudrane ka lalrenege; lri kai numi sukubunga ku arakai numi ku alrima tulamanemane.

Matai 21:32

Asi lwiyane wakela ku tarapabanau ka Yuhani, la pelaela numiane ku angukaiyane katwase ku pacengecenge ku kadalranane, la kai numi kasalru iniane; ai kai tarakikaziluzilu si pairairange ngiabaalrelringa si kasalru iniane. Sa drelenga numi, laka thadaalraneana kai akabalrithi ku takidremedremane, kaiyana kasalru iniane.”

Nisikawlane 17:29

Kikai kiasilalaketa iniane, takai kidremedreme ku arakai ku lrigilane ki umawmase capange ngubebelenge kidremedreme ku tangimiane ki Twaumase, si arakai ku kingi gingi ku lrenege tusamiamiange tuamani pakiramau.

Nisikawlane 19:26

Kikai kialalranga numi, la drelenga numi ki Pawru ka watumatumane. Kai lasu amia kai, ‘Ku niaralrimane ki umawmase darepe tutwaumase patuelre kaika twaumase.’ Kikai vaga kai ku swa Ipisu si swa tali Asia, kiasanu makanaelrelrenga kasalru.

Nisikawlane 7:41

Ala kirimu darepe ku vaeva ka lwalwange kwini lasu, si patarumara ku sapatarumarane iniane, la pasikai kwini ki darepe lini kapeaperau tulrisisi.

2 Kurintu 12:21

La mukuludraku lu kelangaku ngusela, ku Twaumaseli lri malra nakwane picucubungu numiane pakiarubwane; lai lri tara kwalri kai kidremedremeli si tubi ngwalai kwidra ki lapasalriu ku siaswalane, wacapange ki sawvalai ki ababai, pangialralraingi turamuru ki kinawmasane, pakeela kai kadrwana ku tangitatupelane.

Tapelane Drekase 31:29

Wathingalaku, lu pacainga naku kikai mapapangale lri aru turamuru aru kalrupi, kalrase ku baaili liniane ku sabulrwane. Lu kabibilrili, kikai lalasu lu kipadradresenge ku amatikurwane ka ngwalai kudra amani lini ka paiya kudra kaika palraingi ki Tamatama liniane ka kakudhane, la pakagirimucu iniane.”

Tapelane Drekase 32:17

Kwini lalasu patarwamara tulrisi ki aidridringane, si baai ki kaika thingale lini ka twaumase, kikai twaumase kaika sukubwana ki swa Iseraylri, ku cucungulane lini kaiyana mwakuludru.

Tapelane Drekase 4:28

Ikai kavai, lri sukubu numi ku nitutwaumasane arakai ku angatu ku lrenege ka kai maka manwamaca, kai maka kialalra, kai maka wakane, kai maka wasabalri ka lasamiamiange.

1 Timuthi 4:1

Ku Siri pwadriadriingai kawriva, ikai ki bilrilanenga, yakai ku laumawmase ku lri cilri ki takisuswane, si tupapalra ki tarakadraedraedrangelre ka abake si sabulrwane ki aidridringane.

Nipadrelane 15:1

La dreeleana naku ikai belenge ku taingeane ka matiasamali ku tangimiane, maadrau si la matisamali. Tapitu ku sasiakawlu belenge ku arathungu kwini ki bibiilrilinga ka taipitwane ka amatikurwane, asi lwiyane ku Twaumase lri ikai kikai ki amatikurwane si pangimia ku elathaneini.

Nipadrelane 16:8

Ku mwasakasupate ka sasiakawlu belenge la malra kwini kisi si gugu pwa ki vai, kwi vai la dulru arakai ku dralrangedranganeini lama culu ki umawmase.

Nipadrelane 9:19

Ku puku ki rigi yakai ki ngudui si tawthu lini. Ku tawthu lini mia ki sulrau, ka yabelenge ku awlru; la arakai kikai awlru dula ki umawmase.

Nipadrelane 9:21

Kwi lalasu pasalriu papacai, tulisi, capange ki sawvalai si ababai, kupa ku la miyaiyakai ku pasalrivane, la kai ngitatupela.