Nipadrelane 9:17 - Ngudradreadrekadhane Ka Sisiu 魯凱語聖經

¹⁷ Ikai ki maburusi, wadrelaku kwini ki larigi si ngwarigirigi ka kwapingi. Salakebane ki tuku ka tupi ki ngwarigirigi ku duliane mia ki apwi, ku takasaleseane mia ki salesese ka tinukucingalrane ka lrenege, mia ki thilaru ku buravanane. Ku awlru ki rigi mia ki awlru ki raiyungu, twalai ki ngudwini yakai ku apwi, ebelre, si thilaru kaingananganai burusu.

Nipadrelane 9:17 Iomraidhean Croise

Tabekacane 19:24

La pangitutuluku, ku Tamatama la arakai ku kwadaladalai ku balaru patwalai belenge gugu pwa ki cekele Sudume si Gumura.

1 Lacaili 12:8

Sa ikai calragulragu ki kepale ku Davidi, yakai ku twalai ki Gade ka zuku ku malrigili ka lakwapingi kipaelre ki kwapingi ki Davidi. Kikai lakwapingi yadrepele ka talrilrigili arakai ku alathare si idiri; kwini lalasu mia ki raiyungu ku garangane, mia ki salawngane ku papidikane.

Lasenai 11:6

Papia ki manganganga ka umawmase pulebe ku lrangele si balaru ka apwi; arakai ku madrareeange ka kelrabe pathavungu liniane.

Isaiya 30:33

Kunadruma, ku Tamatama padulrunga ku taikaiyane, yakai ku madrau ku apwi kulri lama ki tinuhika ki swa Asiria; kikwini taikaiyane swadrau, ka sia Tupithe, waabate pasuete ku angatu. Ku Tamatama lri ipi, mia ki apwi ki thilaru lama kwini ki mabate ka angatu.

Izikile 33:22

Kikai umawmase kai, sa lri ukaiyanenga si kela sakamaungu, ku Ri ki Tamatama mwalebe mwa nakwane. Sakakaiyane ki mialrealre, sakaiyana kela kwini umawmase, ku Tamatama pasiaulriwlrianenga nakwane dulru kawriva.

Daniele 8:2

Ikai ki maburusi, ala kiarimwaku thingale ala ka yakaiyaku tali Ilame ka cekele Susa. Acegecegaku ikai thili kadravane Ulai,

Daniele 9:21

Sa icengecengaku inulrinulri, kudra naadrelane ku paswalala ikai ki maburusili ka Gaberaile la kirarimu ngipalai mwa nakwane kai; kudra zikange yacengeecenge ka tapatarumaramarane ki maungane.

Nipadrelane 11:5

Alaiyasi ikai ku umawmase ku lri kisanu kabebetethe liniane, kwi lalasu lri patwalai ki ngudui pakelrabe ku apwi, si lama papacai ki badha. Lakamani, ku aneane ku kiasanu kabebetethe liniane, lri kamani ku kiapapacai.

Nipadrelane 14:10

lri ungulu ku makecenge ka bava ki Twaumase; kikai bava kaika nidrimane ku acilai si gugu pikai ki elathane ka dringelresane ka kupuini! Kwi lalasu lri ikai cucubungu ki saniange ka sasiakawlu belenge si Lrulai ka Kiu kipathavungu ikai ki wakelrakelrakelrabe ka apwi si balaru.

Nipadrelane 19:20

Kwini waudriwdripi la kiravase; kudra kaika patengane ka yuginsia ka nayakai cucubungu iniane pia ku matiasamaimali ku tapiane la mialri kipakarededele kiravase. (Kikai kaika patengane ka yuginsia napaiya ku matisamaimali ku tapiane si lrilrigili kudra ki lanipatuthingalane arakai ku waudriwdripi si wasukubu ki tinuwaudriwdripane ka umawmase.) Kwini waudriwdripi si kaika patengane ka yuginsia kia pataka papanianianiake kicilri pwa kwini ki kwadaladalai ki kananu ka apwi ka baiyu.

Nipadrelane 20:10

Kudra pamamama liniane ku Akema lri kiverevere pwa ki apwi ka kananu ka baiyu; kwini waudriwdripi si kaika patengane ka yuginsia lri ikainga kwini. Ikai kwini, kwi lalasu lri pivaiyanenga pimaungu kipakwalrialri, kadrwanga ku aisadrane palralrawthu.

Nipadrelane 21:20

ku mwasakalrima papacasane ka manau, ku mwasakaeneme duduli ka pisi, ku mwasakapitu ngibwaburavane ka lrenege, ku mwasakavalru salesese ka lrenege, ku mwasakabangate bwaburavane ka pisi, ku mwasakamangeale ngisalesese ka lrenege, ku mwasaka 11 ngithilalatadhane ka lrenege, ku mwasaka 12 thilalatadhane ka sapalrawthu.

Nipadrelane 21:8

Ai, kudra la makiwcu, kai pangiamia, ngialisiane, papacai ki umawmase, wacapange ki sawvalai si ababai, twalrisi, wasukubu ki samiamiange, si watavuvulrucu kawriva, yakai ku apwi si kananu kudaladalai ka baiyu si ukalavalava liniane; amani kwini kudra saka kingipusale pacai.”

Nipadrelane 9:18

Ku taingeane ki nipautulrwane ki umawmase la kipapacai kwini ki twalai ki ngudui ki rigi burusu kwi apwi, ebelre, si thilaru.

Nipadrelane 9:9

Ku cucubungu lini pikai ki tuku, mia ki tupi ka adreme, ku lingau twalai ki sapakepake mia ki lingau ki takaalra ka palridingi ki rigi ka malrungulrungulrungu lri kikaruburu.