Nipadrelane 9:15 - Ngudradreadrekadhane Ka Sisiu 魯凱語聖經

¹⁵ Kwini tasupate ka sasiakawlu belenge la kipulatadre. Kwi lalasu kiakelretenga, ka lri ikai kai ki caili, ki dramare, ki vai, ki zikange, papacai patuelre ki taingeane ki nipautulrwane ki sanaka umawmase.

Nipadrelane 9:15 Iomraidhean Croise

Nipadrelane 20:7

Lu tarakudrulunga ka caili, ku Satange lri kimuelebe twalai ki takiemengane;

Nipadrelane 8:10

Ku mwasakatulru ku sasiakawlu belenge sangirapa, yakai ku maadrau ku tariau, mia ki kwadaladalai ka taliwlare, twalai belenge tuverevere mulebe, si makakai ki taingeane ki nipautulrwane ki kadravane si sanaka tacebeane ki acilai.

Nipadrelane 8:7

Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.

Nipadrelane 8:8

Ku mwasakadrusa kwi sasiakawlu belenge sangirapa, yakai ku vaeva lu drelane mia ki kwadaladalai ka maadrau ka lregelrege si kiverevere pwa ki laveke. Ku taingeane ki nipautulrwane ki laveke la akabalrithi aerai,

Nipadrelane 8:9

Ku yakai ki laveke ku waudriwdripi la pacai ku taingeane ki nipautulrwane, ku varukuru la kalisi ku taingeane ki nipautulrwane.

Nipadrelane 9:10

Yakai ku tawthu si ceneke lini, mia ki apapase, amani kikai tawthu ku yakai ku puku si pakwalri pakiangeange ki umawmase patara lrima ka dramare.

Nipadrelane 9:18

Ku taingeane ki nipautulrwane ki umawmase la kipapacai kwini ki twalai ki ngudui ki rigi burusu kwi apwi, ebelre, si thilaru.

Nipadrelane 9:5

Kai apapawku kadrwa ku puku lini papacai kai ki laumawmase, lri pakwalri pakiangeange liniane patara lrima ka dramare sikakathane. Ku sakiangeange mia ki kiakace ki apapase.