Nipadrelane 8:5 - Ngudradreadrekadhane Ka Sisiu 魯凱語聖經

⁵ La pacuungulu, ku sasiakawlu belenge waecenge ku salamalamane ki sangwalreeme, la malra kwini salamalamane ki sangwalreeme si pwa pasaela pasuete ku apwi ki tapatarumaramarane, la verevere pwalebe. Ala kirimu ikai ku dreredrere, elrange, lrikace si lingilingi.

Nipadrelane 8:5 Iomraidhean Croise

1 Latalialalai 19:11

Ku Tamatama amia kai iniane, “Lu mulatadra la acegecege ikai kalidudu ki lregelrege, acegecega icucubungu nakwane.” Ala kirimu lribate ku Tamatama, la dawlu ki pangiacaeme ka valrigi si paegacane pangutukadre ki lregelrege, ai ku Tamatama kai yakai ki valrigi. La idrengere ku valrigi, ala pacungulu lingilingi, ai ku Tamatama kai yakai ki lingilingi.

Lasenai 18:13

Ku Tamatama twalai ka belenge dreredrere; ku Abebeelengenga pwataluvaivai ku lingauini.

Takatwasane Izipiti 19:16

Saka samakatulrulu ki mialrealre, la madradreredrere si lrikace, la ikai ku makuceege ku ememe ku ngiabwale ikai lregelrege, ku lingau ki rapa la akwadrau siasiange. Kudra la yakai ki tasuladhane ku laumawmase sa kilalra la makitu manugeregere.

Isaiya 29:6

Ku Tamatama ka abebeelengenga ki sanaka kwapingi lri arakai ku pakialringau ku dreredrere si lingilingi, lri sikawlu ki kwadrau ka lingau, maadrau ka valrigi, si kelrabe ka apwi kainganai palribulu muswane.

Isaiya 30:30

Ku Tamatama lri pakilalra sanaka umawmase ku lingau ki lrekemeini; ku Twaumase lri arakai ku apwi, ku ememe, ku kananu, si udale pathingale ki umawmase ku elathaneini.

Isaiya 66:6

Kilalra! Ikai ki cekele yakai kwi lingau kwi mangariangiangi; kwini yai twalai ki daane ki Twaumase kainganai. Ka lingau ki sapathavungane ki Tamatama ki badha!

Yerimia 51:11

Ku Tamatama pakagarange ki latalialalai ki swa Media, lri arakai liniane amudu ki swa Babilunia, lri ngipapasikai si pasikaai ki kiakabebetethe ka daane ki Tamatama bilri. Ku mabelenge ka taravelevelevele ki kwapingi wadrekase, “Twadrema kwi awlru ki lraili! La malra ku mathariri ku alathare!

Lrivi 16:12

kwini lasu lri malra kwidra nipasueteane ku lrangele ki tapatarumaramarane ka tatalianane si lragumu ki ererece ka taliane mwadringi ki Alrivilriviilrivinga ka taikaikaiyane. Lri malra kwini erai ki kiu mwadringi.

Zakaria 14:5

Lri mubere numi, si ngukakaikai ki valrwalru ki Tamatama; ka valrwalru ki drusa ka maecebe ka lregelrege, si daruru kela kavai talikai thili. Lri mubere numi, mia ki cucungulane numi sa mubere ki lingilingi saka talialalai ki swa Yuda ku Uzia. Ku Tamatama ka Twaumaseli lri tara kela mulebe, si mailuku karedele sanaka sasiakawlu belenge.

Matai 24:7

Ku taingeane ka minzuku lri makakaruburu ki maelane ka minzuku, ku taingeane ka kuni lai kikaruburu ki maelane ka kuni; ikai kidruanga lai lri ikai ku silravane si lingilingi.

Luka 12:49

“Ku takelaneli mwa kai kawmasane lri padaladhaku ku apwi, la sidramaku ku kwadaladalainga!

Nisikawlane 16:26

La kiriimu pangicaeme lingilingi, adravane ku dudai ki takiememengane la ngivelevele, la yasasaane nguelebane patuelre ku lrawlrawdru ki takiememengane, ku sakerengane ku kicikici ki lakiaemenge la makitu ngwalrane.

Nisikawlane 4:31

Kwini lalasu samaka inulri, la ngivelevele kwini taikaiyane lini irubu. La makitu kisuete ki Siri, si pathagili masasigarangane pelaelaela ku vaga ki Twaumase.

Nipadrelane 11:13

Sakamani kwidra icengecenge, walingilingi kai kadaengane, kwini cekele la kaburuku ku taingeane ki nipaumangealane, ku ngwakai ki lingilingi si pacai wadaruru ki ta 7,000 ku umawmase. Ku tedranenga la makitu kakiwcu la drengedrengere ki yabelenge ka sanianiangenga ka Twaumase.

Nipadrelane 11:19

Sakamani kai kwidra, ku Twaumase ikai belenge mwaelebenga ku daane ki Twaumase; ku Langiane mwataluvaivai ikai kwini. La pacungulu, ikai ku lrikace dreredrere, elrange, lingilingi, si maadrau ka kananu.

Nipadrelane 4:5

La lrikace, siange, si dreredrere twalai ki taetalane. Pitu ku nipadaladhane ku taliwlare icucubungu ki taetalane; amani kudra pitu ka Ri ki Twaumase.

Nipadrelane 6:12

La dreelenga naku ki Lrulai ka Kiu sa mucaebe ku mwasakaeneme ku hange. Sakamani kwidra, kai kadaengane la pakilringau lingilingi; aicecelrenge kai vai, mia ki icecelrenge ka kaimadhane; kai dramare la aduduli patuelre, mia ki erai;

Nipadrelane 8:3

Ku taingeane la ikai ku tangea ku sasiakawlu belenge ku kaiyanganai, ecenge ku kingi ka salamalamane ki sangwalreeme, si acegecege icucubungu ki tapatarumaramarane. Kwi lasu tarwamara ku makaalra ku sangwalreme, paelre ku inulri ki lasinzia pakaredele patarumara pikai cucubungu ki taetalane niarakaiyane ku kingi ka tapatarumarane.