Nipadrelane 8:11 - Ngudradreadrekadhane Ka Sisiu 魯凱語聖經

¹¹ (Kikai tariau ku nagane sia “Mapalili kangadha”.) Kai acilai ku taingeane ki nipautulrwane la akabalrithi kapalili. Amani sa kapalili kai acilai, takaalra ku umawmase ku waungulu kikai acilai si pacai makanaelre.

Nipadrelane 8:11 Iomraidhean Croise

Takatwasane Izipiti 15:23

La daruru kavai Mala; kwini acilai kavai laka mapalili, kaika amakaungungulane. La ngwalai kikai, kwini kadaengane lakamani ku pasi Mara.

Kavagavagane 5:4

ai lu maka kiraragainga ku suruini muswane, kathane ku atubiane, akwalriane.

Yerimia 23:15

Lakamani, patharukai ki layuginsia ki swa Yerusalrime, kwaku ka Tamatama ka abebeelengenga ki sanaka kwapingi amiaku kai: Lri pakanaku liniane ku mapalili ka madru, lai ungulu ku duku ka acilai, asi lwiyane kwi lalasu yakai ki kuni palraelre pasarasarau ku kai mwasakene ka kakudhane.

Yerimia 9:15

Lakamani, kwaku ka Tamatama ka abebeelengenga ki sanaka kwapingi, ka Twaumase ki swa Iseraylri amiaku kai pelaela: Lri pakanaku ki kawkawluli ku mapalili ku madru ki angatu, si paungulu ku duku ka acilai.

Silringau 3:19

Lu kidremedremaku ku sakwalrialri si taacaicalianeli, tenganelriinga ka mapalili kakedepalre ka yakai ku padavake ka sasulravane.

Silringau 3:5

La pangithalringulu nakwane raedre ku balingibingi, arakai ku kucingalrane sakwalrialri lringulu nakwane.

Amuse 5:7

Kunumi lri matikurunga numi! Asi lwiyane pathiavalrau numi ki madringelrese, la ribici numi ku nipasudalepanenga ka akaesadhane ki mapapangale!

Amuse 6:12

Ku rigi lri dulru ikai ki twatukadrane lrabwabwale? Ku lwange lri dulru ikai ki laveke kauawngu? Ai, kunumi wamalra numi kwini aparamaramavane si paaduku, la malra numi kwini dringelresane si paamapalili ka sasulravane.

Zakaria 13:8

Kai kawmasane ku umawmase lu tatulru lri tadrusa ku lri pacai.

Zakaria 13:9

Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”

Tapelane Drekase 29:18

Kunumi ka acegecege ikai kai kaikameane ka laumawmase, adravane ka sawvalai ababai, wacekecekele, si zuku, madha cilricilri katwase ki Tamatama ka Twaumaseta adravane ka naaneanenga, la katwase sukubu ki twaumase ki maelane ka kuni; alaiyasi ikai ku miyaiya kai, mararaamau ki balace ki angatu ka wacebe si kapalili la ikai ku padavake ka angatu.

Hiburu 12:15

Dradreela, amani lu ikai ku sakacilri ku migemi ki Twaumase. Dradreela, amani lu ikai ku umawmase ku ngiamia ki yakai ku sapapacai ku ubulu, lu kadrawnga mabebetethe ki laumawmase.

Nipadrelane 12:4

Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 8:7

Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.

Nipadrelane 9:15

Kwini tasupate ka sasiakawlu belenge la kipulatadre. Kwi lalasu kiakelretenga, ka lri ikai kai ki caili, ki dramare, ki vai, ki zikange, papacai patuelre ki taingeane ki nipautulrwane ki sanaka umawmase.

Nipadrelane 9:18

Ku taingeane ki nipautulrwane ki umawmase la kipapacai kwini ki twalai ki ngudui ki rigi burusu kwi apwi, ebelre, si thilaru.

Ruthe 1:20

Ku Naumi la kawriva, “Naumi madha iya nakwane, Mara iyaili kamani! Asi lwiyane ku wadulru sanaka manemane ka Twaumase pakwalri kai tapanianianiakaneli.