Nipadrelane 8:10 - Ngudradreadrekadhane Ka Sisiu 魯凱語聖經

¹⁰ Ku mwasakatulru ku sasiakawlu belenge sangirapa, yakai ku maadrau ku tariau, mia ki kwadaladalai ka taliwlare, twalai belenge tuverevere mulebe, si makakai ki taingeane ki nipautulrwane ki kadravane si sanaka tacebeane ki acilai.

Nipadrelane 8:10 Iomraidhean Croise

2 Lacaili 32:3

kwini lasu si latarasangililuku ki mapapangale si lakiacapili marathudu ku waretege ku yalatadre cekele ka tacebeane ki acilai, ku akakadrwane ku aungulane ki swa Asiria lu deethenga Yerusalrime. Kwini lalasu la pakaungu ku tapangale ku umawmase mulatadre mwa celrepe ki tacebeane ki acilai, kai pamwaludrunga ku acilai.

Isaiya 12:3

Mararaamau ki alriviilrivi ka acilai pakiararagai ki makadhame ka umawmase, ku kawkawlu ki Twaumase lri mialri kiraragai ku tapalribulaneini.

Isaiya 14:12

“Talialalai ki swa Babilunia, kusu ka malealedra ka sapakataleare ka tariau, twalaingasu subelebelenge tuverevere mulebe. Napamalebengasu ki lakuni, kikai la kivereveresu pulebe.

Zakaria 13:8

Kai kawmasane ku umawmase lu tatulru lri tadrusa ku lri pacai.

Zakaria 13:9

Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”

Matai 25:1

“Ikai kwini ki vai, kai kuni belenge maru amaaninga kikai lrika abubulrwane: Yakai ku tamangeale ku latawvailekelekete ku waecenge ku tatinakiane, la katwase kidredresenge ki marudrawdrange ka sawvalai.

Luka 10:18

Ku Yesu la iya kai liniane, “Wadrelaku ki Satange mia ki lrikace twalai subelebelenge tuverevere.

Yuda 1:13

Kudra matikiarubwanane ku kakwakudhane lini mia ki lrapucu ki lu bikabiki ku laveke. Kai lalasu mia ki makawli ki kadalranane ka tariau mucilri mwa ki tudrulru ki Twaumase ka palralrawthu baai liniane ka kadradridrimitane.

Nipadrelane 1:20

Ku drelesu, kikai yavanale nakwane ka pitu ka tariau si pitu ka kingi ka tatinakiane ku patharevane ka kaika athingalane ka matiasamaimali miyaiya kikai: Kwi pitu ka tariau yai sasiakawlu belenge ki pitu ka kiwkai; kwi pitu ka tatinakiane amani kwini pitu ka kiwkai.”

Nipadrelane 12:4

Kwi baralebale la arakai ku tawthu pelrepelre ku taingeane ki nipautulrwane ki tariau subelebelenge, si verevere pikai lebe. La acegecege ikai cucubungu kwini ki lri tulalakenga ka ababai, lri ukalava kwini ki daini sana kitulalake, lai lri malra thamukulu.

Nipadrelane 14:7

Kwi lasu akwadrau iya kai, “Usakena ukuludru ki Twaumase, si drengedrengere ku sanianganeini! Asi lwiyane wakelanga ku asaibanganeini ki umawmase. Sukuba kudra ki wabekace belenge, kadaengane, laveke, si sanaka berai ka Tamatama!”

Nipadrelane 16:4

Ku mwasakatulru ka sasiakawlu belenge la malra kwini kisi si gugu pwa ki vaalru si tacebeane ki acilai, ku acilai la aerai.

Nipadrelane 6:13

kai latariau la twalai belenge tuverevere mulebe, mia ki kaiyana ka malreme ka madru ki icizike ka kiavalrigi si mururu twalai ki cebe.

Nipadrelane 8:7

Ku aswalaalanga ka sasiakawlu belenge sangirapa, yakai ku kananu si apwi, ka eraeradhane, la pwa gugu pulebe. Kai kadaengane ku taingeane ki nipau tulrwane, si angatu ka taingeane ki nipau tulrwane, la kulama patueelre; sanaka ubulu la kulama patuelre.

Nipadrelane 9:1

Ku mwasakalrima ku sasiakawlu belenge sangirapa, wadrelaku ku vaeva ku tariau ku twalai belenge tuverevere mulebe, si mucilri mwa cakena. Kikai tariau tarwamara ku sawsi ki valrulrange.

Nipadrelane 9:15

Kwini tasupate ka sasiakawlu belenge la kipulatadre. Kwi lalasu kiakelretenga, ka lri ikai kai ki caili, ki dramare, ki vai, ki zikange, papacai patuelre ki taingeane ki nipautulrwane ki sanaka umawmase.

Nipadrelane 9:18

Ku taingeane ki nipautulrwane ki umawmase la kipapacai kwini ki twalai ki ngudui ki rigi burusu kwi apwi, ebelre, si thilaru.

Tamagarange 15:11

Lakamani kwidra, la ta 3,000 ku swa Yuda ku wakela kwini barungulu ka alrisapesape kavai Itame silape ki Samesunge, si iya kai iniane, “Laibekace kaisu thingale ala ka swa Pelisitine ku warathudu naiane? Pamatiakurungasu naiane!” Ku Samesunge la tubalre, “Twathadalranaku kudra tapangimiane lini nakwane si tungimiyaiya bilri liniane!”