Nipadrelane 7:3 - Ngudradreadrekadhane Ka Sisiu 魯凱語聖經

³ “Madha kabebebetethe ki kadaengane, laveke, si angatu, nai paaswalana puhange pikai ki punu ki sasiakawlu ki Twaumase.”

Nipadrelane 7:3 Iomraidhean Croise

Takatwasane Izipiti 12:13

Kwini erai ki taibelengane ki lrawlrawdru amani ku sapatuthingalane ki taikaiyane numi. Lu pathavuthavungaku ki swa Izipiti, kainaku lri pakadula numiane.

Takatwasane Izipiti 12:23

Ku Tamatama lu ngukakai ki Izipiti, si papacapacai ki swa Izipiti, sana drele ku erai ikai taibelenge si tara thili ki lrawlrawdru, lri tara lribate kwini ki lrawlrawdru, kai paudaane kwini ki kiasikawlu ku amudane ka sasiakawlu mudaane ki daane numi papacai numiane.

Isaiya 27:8

Ku Tamatama pakialringau pathavungu ki kawkawluini, si pakatwase liniane; ku Twaumase twalai talrawane pavalrigi, si malra liniane ililuku.

Isaiya 54:17

Ai kadrwa ku navaevanga ku adreme kulri dulru dula muswane; sanaka wakukusu muswane ku umawmase, lri dulrusu tubalre kidrikisi. Lri palakebaku ki sasiakawluli, lalri akaci ku takisaibangane. Ku Tamatama amia kikai pelaela.

Isaiya 6:13

Alaiyasi ikai kai ki kadaengane ku tamangeale la asurwana ku tangeea ku umawmase, kwini umawmase lri mialri kiamudu; kwini lasu lri mia ki tharialupu ka angatu kipulebe, lai ka kathanenga ku tangadrane ku asuru.” (Kwini tangadrane sapathingalane ku bavane ku apathagilane ki kawkawlu ki Twaumase.)

Isaiya 65:8

Ku Tamatama amia kai, “Kadrwa ku umawmase ku wadredredre kabebetethe ki mathariri ka budu; kwi lalasu lri arakai ku mathariri ka budu tubava. Lri mialriaku kai amudu makanaelre ki kawkawluli; lri palribulaku kudra ki lapasiakaikai nakwane ku umawmase.

Izikile 9:4

“Lu katwasa, dadavace salraelre kai Yerusalrime, lu kipadradresengesu ku ngwalai ku tangimiane ki la ngialisiane ikai kai ki cekele si kwalrialri dadange ku umawmase, patuthingala pikai ki punu lini makanaelre.”

Izikile 9:6

Adravane ka tarudrawdrange, langukathathabarane, ka ngiatawvaileleketenga, ka latina, ka lrulai, papacadha patuelre; ai madha papacapacai kudra ki la yakai ku sapatuthingalane ikai ki punu ku umawmase. Kaiasasane twaladha kikai, twaladha ki Alrivilrivi ka taikaikaiyaneli paswala pwalrima!” Kwi lalasu la pwalrima papacai kudra ki acegecege ikai ki daane ki Twaumase ka laciwru.

Daniele 3:17

Ku sukusukubu nai ka Twaumase alaiyasi dulru palribulu naiane pakidaili ki madrareange ka apwi ka talamalamane ki nitudilrungane si pukusu, lri tara palribulu naiane.

Daniele 3:26

Kwi Nibukadenezere la katwase aru dethe kwini ki madralrangedrange ka lrawlrawdru ki talamalamane ki nitudilrungane, ala akwadrau tawtau, “Saderake! Misake! Abidenigu! Ka lasasiakawlu ki Abebeelengenga ka Twaumase, bwala mulatadra!” Kwi lalasu la makakaai twalai ki apwi kainganai.

Daniele 6:16

Lakamani, ku talialalai la drekase, ku umawmase la mwa pwalra ki Daniele, si cilri puadringi ki taraiyungane ka lrubange. Ku talialalai la iya kai ki Daniele, “Ku sukusukubusu ka patengatengane ka Twaumase ani palribulu muswane.”

Zipania 2:3

Kunumi ka yakai kawmasane ka ngiatatwalebe si kilalra pasalaladha ku drekaseini ka umawmase, kipasilapa ki Tamatama! Silapa si malra ku dringelresane, ikaiya cucubungu ki Tamatama ngitatwalebe. Ikai kudra ki takalisiane ki Tamatama ka vai, alau lri dulru numi mubere ki sapathavungane.

Malaki 3:18

Lukamaninga kwidra, ku kawkawluli lri peelana drele ku la takipadradresengane ki madringelrese ka umawmase si manganga ka umawmase luka manemane ku tamakakaelane, si luka manemane ku tamakakaelane ki la pasiakaikai nakwane kaungu si kai pasiakaikai nakwane kaungu ku umawmase.”

Matai 24:22

Alaiyasi ku Twaumase la kai aru tuedrekane kwini ki amatikurwane ka lavai, kadrwa ku umawmase ku lri dulru panianiake. Ai lri ngwalai kudra ki nipilriane ka lakawkawluini, ku Twaumase lri aru tuedrekane kwini lavai.

Matai 24:31

Ku lingau ki rapa lri kwadrau elraelrange, kwini lasu lri sikawlu ki sasiakawlu belenge pamwa sanaka ininunga, lri patwalai ki talrawane kai kawmasane pakela ki talriwgane kai kawmasane, si sarubu ku pilrini ka laumawmase.”

Yuhani 12:26

Ku aneane ku lri pasikai nakwane, lrika amani ku twapapalra nakwane; ku taikaiyaneli, lri ikai kwini ku sasiakawluli. Kudra pasiakai nakwane ku umawmase, ku Ama lri tara tukucingalre arakai iniane.”

Yuhani 3:33

Kudra tarwamara ku akasini, peaelaelanga ku Twaumase amani ku patengatengane.

Ruma 6:22

Kaiasasane, kiapatwalainga numi ki pasalrivane kipulatadre, si asasiakawlunga ki Twaumase; lu pakaelre numi ku niake baai patarumara iniane, ku lrika amalrane yai palralrawthunga ka niake.

Nipadrelane 13:16

Kai waudriwdripi la vuthana sanaka umawmase, adravane ka lavavalake ka tarudrawdrange, si maesaesai matiakukuru, ku duri si ngialralrailraingi ka umawmase, piakai ki vanale lini si punu lini puhange patuthingale.

Nipadrelane 13:17

Kwi hange ka sapatuthingalane amani kudra nagane ki waudriwdripi lakamani kudra sapawbalrithane ki nagane ka asipi; ku kadrwa kikai hange ka sapatuthingalane, lai kai lri dulru malangalangai.

Nipadrelane 14:1

La pelaku drele, si drele ki Lrulai ka Kiu acegecege ikai lregelrege Ziyungu, ku yakai taelre iniane ta 144,000 ka umawmase; ki punu lini makanaelre wapacase ku naganeini si nagane ki Tamaini.

Nipadrelane 14:9

Ku mwasakatulru ka sasiakawlu belenge laka bibilrili ki tadrusa ka sasiakawlu belenge akwadrau iya kai, “Luka aneane ku wasukubu kwini ki waudriwdripi si tinuwaudriwdripane ka samiamiange, la ki puhange papunu si alrima,

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”

Nipadrelane 20:4

La dreelenga naku ku lataetalane; kwini lawanene ikai belenge ku umawmase la malra makanaelre ku kingidri ki asaibangane. La mialria ku drele ku abake kudra ki la ngwalai ku tatarumarane ku padrele ki Yesu ku patengane ka sabulrwane si vaga ki Twaumase si kipapacai ka laumawmase. Kwi lalasu kaiyana wasukubu kwini ki waudriwdripi si tinuwaudriwdripane ka samiamiange, ku punu si alrima la kakadrwa ku nagane kwini ki waudriwdripi. Kwi lalasu la makitu sielanenga panianiake, si taelre ki Kirisitu atalialalai tarakudrulu ka caili.

Nipadrelane 22:4

Kwi lalasu lri mwa drele ki Twaumase, ku naganeini lai lri pacase pikai ki punu lini.

Nipadrelane 6:6

La kilalraku ku mia ki yakai ku lingau ku twalai ki panianianiake ka waudriwdripi iya kai, “Ku niulrawlravane makavale lri langai ngwakuvaeva ki kisi ku tatititiki ka mugi, ku niulrawlravane makavale lri langai ngwakututulru ki kisi ku tadradradrau ka mugi. Ku ulrive ka lawlau si bava madha kabebebetethe pasawlrawlra!”

Nipadrelane 7:1

Sakabilrilinga, wadrelaku ku tasupate ku sasiakawlu belenge ku acegecege maececebe ki babiabila ki kadaengane, si telenge ki valrigi ki twalai ki kadaengane kidruanga, ku kaika avalrigane ikai ki kadaengane, ki laveke, si angatu.

Nipadrelane 7:2

La dreelenga naku ku taingeane ka sasiakawlu belenge, maecenge ku hange ki palralrawthu panianiake ka Twaumase, si twalai tali talrawane ubelenge. Kwi lasu la akwadrau karariau papia kwidra ki tarwamara ku baai ki Twaumase ku puku, si lri dulru kabebetethe ki kadaengane si laveke ka tasupate ka sasiakawlu belenge si tawtau iya kai,

Nipadrelane 9:4

Kwi laapapawku kiadrekase ku kaika akabebetethane ikai kai ki kadaengane ki ubulu, angatu, si drumane ka lawacebecebe, akabebetethane sikakathane kudra ki la kai kiapuhange papunu ki Twaumase ku umawmase.