Nipadrelane 7:2 - Ngudradreadrekadhane Ka Sisiu 魯凱語聖經

² La dreelenga naku ku taingeane ka sasiakawlu belenge, maecenge ku hange ki palralrawthu panianiake ka Twaumase, si twalai tali talrawane ubelenge. Kwi lasu la akwadrau karariau papia kwidra ki tarwamara ku baai ki Twaumase ku puku, si lri dulru kabebetethe ki kadaengane si laveke ka tasupate ka sasiakawlu belenge si tawtau iya kai,

Nipadrelane 7:2 Iomraidhean Croise

2 Latalialalai 19:4

Ku tinuhika ki swa Asiria siakawlu ki mabelenge ki kwapingi kela kai tusinalrelreme ki palralrawthu ka Twaumase. Ku Tamatama ka Twaumasesu ani kilalra kikai nisidreadrekasane ka vaga, la pathavungu ki kawariva kikai vaga. Ala kitubia ki Tamatama ka Twaumasesu, la kela sirapale naiane ka latedranenga ka mapapangale.”

Senai 8:6

Ku kidremedremesu ani kakathanaku ku papiasu muelebe; ku alrimasu ani kakathanaku ku keberesu. Kai dalamane mararaamau ki apacadhane ku kecengane; ku makakadalamane mararaamau ki swadriadringi ku kawlukulane. Pakelrabe ku apwi, mararaamau ki madrareange ka apwi kelrakelrakelrabe.

Isaiya 41:2

Aneane ku waililuku patwalai tali talrawane kudra ki magagemegeme, si pakakadruanga ku kiaecebe iniane? Aneane ku paakaci iniane ki taikalra ka kuni, pamakinga ki takaalra ki latalialalai? Ku lrabu ki lasu lu papacai ki umawmase, pakadwai turamuru; ku lrailini lu lraili ki umawmase, pangiamia ki sangukitalekane ka yacucubungu ki valrigi kwi lalasu.

Izikile 9:4

“Lu katwasa, dadavace salraelre kai Yerusalrime, lu kipadradresengesu ku ngwalai ku tangimiane ki la ngialisiane ikai kai ki cekele si kwalrialri dadange ku umawmase, patuthingala pikai ki punu lini makanaelre.”

Malaki 3:1

Ku Tamatama ka abebeelengenga ki sanaka kwapingi twabalre, “Lri sikawlaku ki sasiakawluli ku apasikaiyane nakwane padulru ku kadalranane. Kudra silasilape numi ki Tamatamali lri pangitutuluku mwa ki daaneini; ku sidramadrama numi apidrele kudra nisikawlane lri kela si pelaela ku sakiketeketaneli.”

Malaki 4:2

Ai papia numiane ka la mwasakene mukuludru nakwane, lri ikai ku palribulu ka vai ku lri paledra numiane, lri sulrau pawdringai numiane. Lri ngimia numi kudra ki twalai ki niravadrane ka talwangane si kipulatadre ka tikiyane ka lwange itituku, si kiraraagai.

Matai 16:16

Ku Simune Pitiru la tubalre iya kai, “Kirisitusu, ka Lalake ki palralrawthu panianiake ka Twaumase.”

Matai 26:63

Ku Yesu la icelrebe kai avavaga. Ku abebeelengenga ki barakalai la peelana iya kai iniane, “Lri papiaku ki nagane ki palralrawthu ka Twaumase drekase muswane kiketeketa si pelaela naiane, amanisu kwidra Kirisitu, ka Lalake ki Twaumase?”

Yuhani 6:27

Madha ngwalalai kudra lri tara kaburau ka akaneane kwalri, ngwaladha kwidra lri kainganai ki apalralrawthane panianiake ka taleke kisamula. Kikai taleke amani ku lrika abaadhane ki Lalake ki Umawmase numiane, asi lwiyane ku Tama ka Twaumase patwathingalenga pikai ki kinawmasane ki Lalake ki Umawmase.”

2 Kurintu 1:22

la puhange patuthingale pikai ki kinawmasaneta ku hangeini, si patarumara pulebe ki Siri pikai ki kidremedremeta, tusapelaelane ku pasikaikai mitane padulru sanaka maneemane.

Ipisu 1:13

Kunumi laka miyaiya numi kikai: Sakilalranga numi ku patengane ka sabulrwane ku vaga, kamani sakilalra numi kwidra palribulu numiane ka hukuingi, masalrunga numi ki Kirisitu, ku Twaumase la malra kudra nipalrainganenga ka Siri si baai numiane, tusarakaiyane patuthingale ka swakai numi iniane.

Ipisu 4:30

Madha pakwalrialri ki Siri ki Twaumase, asi lwiyane kai Siri amani ku sapatuthingalane ala ka Twaumasane numi, sapelaelane ka lri tara keela ku apawlatadrane numiane ki Twaumase ka vai.

Tapelane Drekase 5:26

Ikai ki umawmase aneane ku kialalranga ku lingau ki Twaumase twalai ki kelrabe la dulrwana panianiake?

1 Tisaruniki 1:9

Mapeaelaelaela matikaikai makanaelre: Sakela nai lrikape numiane kwidra, ku tapangimiane numi pasudalru naiane, si ku tapangimiane numi cilri kwidra ki samiamiange, si papia numi ki Twaumase, la pasikainga kikai ki panianianiake ka patengatengane ka Twaumase,

2 Timuthi 2:19

Ai, ku cegecege ki Twaumase ka makeecenge ka karwalai kai lri avelevelane; ikai belenge ki karwalai ka lrenege wapacase, “Ku Tamatama wathingale ki umawmaseini.” La pacase, “Kudra ngiatatu Tamatama ka umawmase amia, lri tara ciilri ki ngialisiane.”

Hiburu 12:22

Ai kaiyanganai numi mwa lregelrege Ziyungu, ka kaiyanganai numi mwa ki cekele ki palralrawthu ka Twaumase, ka Yerusalrime ka belenge, yakai ku kaika asiasipane ku sasiakawlu belenge.

Nipadrelane 1:3

Ku sialrigu ki kikai hungu lri kaesai turamuru! Ku kialalra ki kikai nisakaladhane ka vaga si paluludu kikai tapacasane ku umawmase lri kaesai turamuru! Asi lwiyane ki kikai patuelre ku lrika angimiane ku vai lri padaalrunga si kela.

Nipadrelane 10:1

La dreelenga naku ku tangea ku maadrau ku puku ka sasiakawlu belenge ku twalai belenge mulebe. Kwi lasu siapalimemelre ku kwakulavane ka ememe, ku belenge ki awlru yakai ku sivale ku balrilawlau; ku lingauini mia ki vai, ku drapale mia ki apwi ka ulrudru.

Nipadrelane 10:4

Nau pacase ku taiyane ki pitu ka dreredrere iyaku, yakai ku lingau ku twalai belenge kainganai, si iya kai, “Kwi taiyane kawriva ki pitu ka dreredrere, madha paucale kikai niseketane, madha pacapacase!”

Nipadrelane 16:12

Ku mwasakaeneme ka sasiakawlu belenge la malra kwini kisi si gugu pikai kadravane Yuparati, ku kadravane la kameale, pakai ku atukadalranane padulru kudra ki lalri twalai tali talrawane kela ka talialalai.

Nipadrelane 5:2

La dreleanaku ku tangea ku sapukuane ka sasiakawlu belenge, akwadrau pelaela iya kai, “Aneane ku lri sudalepe mwalra kikai hange, si paipai kikai nibalrulane ka hungu?”

Nipadrelane 8:3

Ku taingeane la ikai ku tangea ku sasiakawlu belenge ku kaiyanganai, ecenge ku kingi ka salamalamane ki sangwalreeme, si acegecege icucubungu ki tapatarumaramarane. Kwi lasu tarwamara ku makaalra ku sangwalreme, paelre ku inulri ki lasinzia pakaredele patarumara pikai cucubungu ki taetalane niarakaiyane ku kingi ka tapatarumarane.

Nipadrelane 9:14

Kikai lingau amia kai kwini ki warapa ki mwasakaeneme ka sasiakawlu belenge, “Malra pulatadre kwini ki tasupate ka sasiakawlu belenge kwi kiaemenge pikai Yuparati kadravane!”

Nipadrelane 9:4

Kwi laapapawku kiadrekase ku kaika akabebetethane ikai kai ki kadaengane ki ubulu, angatu, si drumane ka lawacebecebe, akabebetethane sikakathane kudra ki la kai kiapuhange papunu ki Twaumase ku umawmase.

1 Samuile 17:26

Ku Davidi la kivaga kwini ki thilini, “Alaiyasi ikai ku umawmase la papacai kavai ki swa Pelisitine, si mwalra ku takitusinalremeane ki swa Iseraylri, kwini lasu manemane ku amalraneini? Kikai kai kiagelregelre ka swa Pelisitine aneane? Ani maka sidreadrekase ki kwapingi ki apalralrawlrawthu ka Twaumase!”

1 Samuile 17:36

Papacainga naku ku raiyungu si cumai, laka thadalrane lri dulrwaku papacai kavai kaiyana kiagelregelre ka swa Pelisitine, asi lwiyane kwi lasu twasinalrelreme ki kwapingi ki Twaumase.