Nipadrelane 7:17 - Ngudradreadrekadhane Ka Sisiu 魯凱語聖經

¹⁷ Asi lwiyane kwini yakai ki taetalane ka Lrulai ka Kiu lri lapunga liniane, si ililuku liniane mwa ki tacebeane ki acilai ka niake; ku Twaumase lai lri sakidri meale ku lrese lini.”

Nipadrelane 7:17 Iomraidhean Croise

Lasenai 22:26

Ku matiakukuru ku umawmase lri kane si kabucuku makanaelre; ku wasilasilape ki Tamatama ku umawmase lri senai drengedrengere iniane makanaelre. Kwi kidremedreme ki lalasu ani kiraragai palralrawthu.

Lasenai 23:5

Ikai cucubungu ki badhali, pasiakaisu nakwane putaleke si pangiakaneane; twaniusakenanesu nakwane mia ki badhabadha, la gugusu pasuete ki kupuli.

Lasenai 28:9

Tamatama, kiatubiaku palribula ki kawkawlusu, la patarumara baai ki umawmasesu ku akaesadhane. Kiatubiaku lapwa liniane, si sirapale liniane palralrawthu.

Isaiya 12:3

Mararaamau ki alriviilrivi ka acilai pakiararagai ki makadhame ka umawmase, ku kawkawlu ki Twaumase lri mialri kiraragai ku tapalribulaneini.

Isaiya 25:6

Ikai Ziyungu lregelrege, ku Tamatama ka abebeelengenga ki sanaka kwapingi lri pasikai kai kawmasane sanaka kuni padulru ku angiakaneanane, makalra ku akaneane, mathariri ka nipakawladhanenga ka bava.

Isaiya 25:8

Ku Twaumase lri kapalralrawthunga mwalra ku apacadhane; ku Twaumase lri sakidri meale ku lrese lini makanaelre, si mwalra ku takiarubwanane ki kawkawluini ikai ki lakuni. Ku Tamatama amia kikai pelaela.

Isaiya 30:19

Yakai Yerusalrime ka laumawmase, madha tubinga. Ku Tamatama yai mathalrai; kitubia ku akiparalubane iniane, lri palraingi.

Isaiya 30:25

Ku badha numi kiapapacai, ku kepale ki cekele lini sakaburuku, ku latadradrau ka lregelrege si latatitiki ku lregelrege numi lri berai ku acilai.

Isaiya 35:10

Ku kiapalribulu ki Tamatama ku umawmase lri siwlri kainganai, kirararagai kela mu Yerusalrime, senasenai ki sakiararagai, si akwadrau tawtau. Kwi lalasu lri kiraragai turamuru palralrawthu, kai lri kathekelrenga tubitubi.

Isaiya 40:11

Ku Twaumase lri mia ki taraagwagu ka umawmase lapu ki lakiu; lri sarubu ki lrulai ka kiu, si malra ibibi liniane; lri ara sulrapelane ililuku ki latina ka kiu.

Isaiya 49:9

Lri iyaku kai ki lakiaravase: Lri ngilralrainginga numi! La iya kai ki yakadradridrimitane ka umawmase: Lri drelenga numi ku ledra! Kwi lalasu lri mia ki kiu ikai ki ububulane kanekane ku ubulu; ku abelenge ka lregelrege amani ku takanekaneane lini ka mawbubulu.

Isaiya 51:11

Kudra la kiapalribulu muswane ku laumawmase lri kainganai siwlri, kiraragai kela Yerusalrime, la kiraragai senasenai, si akwadradradrau karariau. Kwi lalasu lri palralrawthunga kiraragai, kai lri tubinga kwalri ku kidremedreme.

Isaiya 60:20

Ku vai kai lri lrilriwgunga palralrawthu ku dramare kai lri kilepelepengenga palralrawthu; kwaku ka Tamatamasu lrika ledranga naku muswane apalralrawthu; ku tubitubisu ki vaivai lri alikainga.

Isaiya 65:19

Kwaku lai lri mialriaku ngwalai Yerusalrime si yakai ki cekele ka laumawmase si kiraragai. Ikai kwini, kadrwanga ku atubiane, kadrwanga ku atubiane karaleale.

Yerimia 2:13

Asi lwiyane kai kawkawluli pasalriu ku taidrusane: Kai lalasu matwase cilri nakwane ka panianianiake ka berai ka acilai; kai lalasu walruku ku kai lri maka patubaiyu ku taaciladhane.

Yerimia 31:9

Drela! Kai kawkawluli lri tarakadadalranane takutubitubi kainganai; kwi lalasu lri tupapalra nakwane katwase, lai tarakadalranane inulri. Lri ilukaku liniane lribate ki lavaalru, ililuku liniane ngukakai ki masadrarate ka kadalranane, ku kaika angwadrekane lini. Tamaku ki swa Iseraylri; Ku Iparaime amani ku eapeli ka lalake.

Izikile 34:23

Lri patarumaraku baai ku tangeea ku mia ki sasiakaululi ka Davidi ka talialalai kainganai ataraagwagu liniane, si lapu liniane.

Mika 5:4

Kwi lasu lu kela, lri mia ki taraagu sirapale ki lakiuini; kwi lasu lri arakai ku baai ki Tamatama ku maadrau ka puku, lai lri pangukai ki papedrengane ki Tamatama ka Twaumaseini si rathudu ki kawkawluini. Ku kawkawluini lai lri kisupisupilringa ku sulivatane kawmasane, asi lwiyane kai yakawmasane kai umawmase lri thiingale makanaelre iniane ka amani ku saniange turamuru.

Mika 7:14

Tamatama ka amania ka waagu lapu ki pilrisu ka kawkawlusu! Kwi lalasu matiaseseepele ikai kwini ki calragulragu la kingithalringulu ki yadrepele ka malrange ka kadaengane. Pamwa liniane ka Basane si Gileade; pangimia kunadruma, ikai ki takakalrane ku ubulu ka dratane agwagu lapu liniane.

Matai 2:6

Swa tali Yuda ka Bithelrihime, ikaisu ki laceekele ki swa Yuda, kaisu ka titikiyanenga; asi lwiyane yakai ku tangea ku lrika Tamatama ka tarasangililuku lri twalai muswane ngibwale, lri lapu ki laumawmaseli ka swa Iseraylri.”

Matai 5:4

Ku watubitubi tungawngau ki pasalrivane ku umawmase mwaesai turamuru; ku Twaumase lri saasa liniane!

Yuhani 10:11

“Amaniaku ku mathariri ka taraagwagu; ku mathariri ka taraagwagu palraingi cilri ku niake pasikai ki kiu.

Yuhani 10:14

Amaniaku ku mathariri ka taraagwagu. Mia kudra tathingalane ki Ama nakwane, la thingalaku ki Ama. Thadaalrane, wathingalaku ki kiuli; la mialri thingale nakwane. Palraingaku pasikai liniane ngiacacilri ku niake.

Yuhani 4:10

Ku Yesu la iya kai, “Ana thingalesu ku lalrilrigilane ki Twaumase si kikai kawarivariva muswane pawngulaili iya luka aneane, nai tara kitubisu iniane, la nai baai muswane ku panianianiake ka acilai.”

Yuhani 4:11

Kwini ababai la iya kai, “Sinsi, kwini kadrwa ku saarakaiyanesu vau, la mwadringi turamuru kai dralremedreme, lri muinusu vau ku panianianiake ku acilai?

Yuhani 4:14

ai, ala ku aneane ku waungulu kudra baaili ku acilai, lri kai kakadhamenga palralrawthu. Ku baaili ku acilaili ikai iniane si atuturu, lai mwalwaludrunga ku acilai, ku lrika amalraneini ku palralrawthu ka niake.”

Nisikawlane 20:28

Kunumi ngikakamania kipapawlringau, la dradrela pasikai sirapale patuelre ku sudralru ki Siri numiane. Lapwa ku kiwkai ki Twaumase ka amani ku nibalrithane pangukai ku tapacadhane ki Lalakeini.

1 Pitiru 5:2

agwagwa ku sudralru numiane ki Twaumase ku lakiu, pasingikidremedreme kiragai singikai ku kidremedreme ki Twaumase sirapale liniane, kaika nivuthane, kaika ngwalai ku akipawlrawlravane ka awngane, ngiakakamaani pasikai kaungu.

Nipadrelane 14:4

Ki la kikai umawmase yadrepele ka kaiyana kiaelre ki ababai ka langukathabarane. Luka tapapiane ki Lrulai ka Kiu, kwi lalasu twapapalra papinu. Kwi lalasu twalai ki umawmase kimalra langai, paaswalana patarumara ki Twaumase si Lrulai ka Kiu.

Nipadrelane 21:22

Ikai ki cekele kainaku wadrele ku yakai ku daane ki Twaumase, asi lwiyane ku Tamatama ka sapupukuanenga ka Twaumase si Lrulai ka Kiu amani ku daane ki Twaumase kikai ki cekele.

Nipadrelane 21:23

Kikai cekele kai mwarikainga ku ledra ki vai si dramare, asi lwiyane yakainga pa ledraledra ku thelare ki Twaumase, ku Lrulai ka Kiu amani ku tinakinga kai ki cekele.

Nipadrelane 21:4

Lri sakidri pakameale sanaka asese ku lrese lini; kadrwanga ku apacadhane, laka kadrwanga ku adirivane, atubiane, si akwalriane. Ku siaswalane ku manemanenga ngialribatenga patuelre.”

Nipadrelane 21:6

Ku Twaumase la iyana kai nakwane, “Malrepengenga! Amaniaku ku Alepa si Umiga, ka sapathagili si satwalrepenge. Lri baadhaku paungulu vuutha ku berai ki niake ki makadhame ka umawmase.

Nipadrelane 22:1

Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 4:11

Tamatama nai, Twaumase nai! Swadalepesu tarumara ku lrigu, ku kiwsakenane, si puku ka lrekeme. Wabekacesu sanaka manemanenga; ku takibekacane ki sanaka maneemanenga, ala maka dulru panianiake, singikai ki takidremedremanesu patuelre.

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.