Nipadrelane 7:16 - Ngudradreadrekadhane Ka Sisiu 魯凱語聖經

¹⁶ Kwi lalasu kai lri kasilrasilrawnga, kai lri kakadhakadhamenga; ku vai si sanaka culwane lri kai dulrunga culu dula liniane.

Nipadrelane 7:16 Iomraidhean Croise

Lasenai 121:5

Ku Tamatama lri palakebe muswane; yathili palakelakebe muswane.

Lasenai 121:6

Lukavaiyane, ku vai kai lri dula muswane; lukamaungu, ku dramare la lri kai tulisi muswane.

Lasenai 143:6

Papiaku muswane ciliki ku alrima inulri; akuliaku muswane, mia ki meameale ka kadaengane lu sidramadrama ki udale ka lame.

Lasenai 42:2

Palralrawthu panianiake ka Twaumase, siadramaku muswane; lwiganenga ala lri mwaku cucubungu muswane sukubu?

Lasenai 63:1

Twaumase, amanisu ku Twaumaseli; kiapasilasilapaku muswane! Mia ki meameale ka kadaengane, ka makadhame, ka kadrwa ku acilai ka umawma, siadraamaku muswane, akuli muswane turamuru.

Senai 1:6

Madha ngwalalai ki kulau ki kinawmasaneli si sidrekase nakwane, vai ka pakaicelrenge nakwane. Ku labetakaneli papia nakwane kalisi, si paikai nakwane ki babudubudu kauawngu, laka kadruanga ku zikangeli marasikai ki mawivaivaili.

Isaiya 25:4

Ku vaevaeva matikukuru ka kadrwa ku tasatalwane lri satalu muswane, lu kwalrialri lri patwalai muswane kipasutelrai. Wabaaisu liniane ku amwane kipalakebe ki valrigi, lai lri ikai ku tamwane kipalrilri ki vai. Ku takikaruburane ki malilisi ka umawmase mia ki valrigi ki kalakecelrane,

Isaiya 32:2

Kwi lalasu makanaelre lri mia ki tamwamwane kipalribulu ki varukuru lu valrivalrigi, tamwamwane mulrilri lu udaudale ka tarugutugu, mia ki berai ikai ki aenaenai, ikai calragulragu ubulane ka takulrilrilriane ka madradrau ka lrenege.

Isaiya 41:17

Ku matiakukuru kwalrialri ku kawkawluli lu silasilape ku aungulane ku acilai, lu kamealenga ku lrulrungu lini, kwaku ka Tamatama lri kilalraku ku inulri lini; kwaku ka Twaumase ki swa Iseraylri kainaku lri cilri liniane lutuumane.

Isaiya 49:10

Kwi lalasu kai masilrasilrau kai makadhakadhame. Ku paramuru ka cengelrau kailri maka dula liniane; asi lwiyane kudra mathalrai liniane lri ililuku liniane; kwi lasu lri iluku liniane mwa ki yakai ku berai ka acilai.

Isaiya 65:13

Lakamani, lri pelaelaku numiane ka abebeelengenga ka Tamatama, sanaka mwasakene sukubu nakwane, pasalaladha nakwane ku umawmase lri tara ikaai ku amakakelretane ku akaneane, ai kunumi lai lri kasilrasilrau numi si kakadhakadhame. Kwi lalasu lri kirararagai, ai kunumi lri kiaruburubuane numi.

Yuna 4:8

Sa ngibwalenga ku vai, ku Twaumase la pakainganai ku maculu ku saseverane twalai tali talrawane. Ngwalai ku takuvaiyane cikicikisi ki Yuna, kwi lasu ku takuvaiyaneini malriingace kisanu kawlrawlrawnga, ala kitubi ku apacadhaneini. Kwi lasu amia kai, “Mathaithariri lu pacadhaku kamani!”

Matai 13:21

ai kai mwadringi ku tabalacane, kailri tarathainu, sana ngwalai ki vaga ki Twaumase si kipadradresenge ku akwalriane ki hakegai, lri makakaai cilri.

Matai 13:6

ai, salrau ku vai, kwini mwadrata makakaai kalraici; asi lwiyane ku balace kai mwaadringi balace, la karudame.

Matai 5:6

Ku akuli sidrama pangimia ku kidremedreme ki Twaumase ku umawmase ala mwaesai turamuru; ku Twaumase lri pangulwadhanenga liniane!

Maruku 4:17

ai kwini vaga ki Twaumase ikai ki kidremedreme lini kai mwadringi ku tabalacane, kailri tarathainu, sana ngwalai ki vaga ki Twaumase si kipadradresenge ku akwalriane ki hakegai, lri makakaai cilri.

Maruku 4:6

salrau ku vai, kwini mwadrata la makakaai kalraici karudame, asi lwiyane ku balace kai mwaadringi balace.

Luka 1:53

Wamalra kwidra ki mwabaisi ka umawmase pakane pakabucuku ku malimeme ka akaneane, kwidra ki maesaesaesai ka umawmase la pamaliwnawnai pakatwase.

Luka 6:21

Kaiasasane ku masilrasilrau ku umawmase ala mwaesai turamuru; kunumi lri tarumaranga numi ku akabucukane! Kikai asasane ku watubitubi ku umawmase ala mwaesai turamuru; lri kiraragainga numi!

Yuhani 4:14

ai, ala ku aneane ku waungulu kudra baaili ku acilai, lri kai kakadhamenga palralrawthu. Ku baaili ku acilaili ikai iniane si atuturu, lai mwalwaludrunga ku acilai, ku lrika amalraneini ku palralrawthu ka niake.”

Yakubu 1:11

Sana ngibwale ku vai, la kusasevere ki culwane, ku angatu, ku ubulu, la karudame la kalraici si mururu ku bengelrai, ku matidadalamane patuelre la kawlrawnga. Ku maesaesaesai ku umawmase lu karacacaacange ki la awngane, lrika miyaiya ki kai suludru si kawlrau.

Nipadrelane 21:4

Lri sakidri pakameale sanaka asese ku lrese lini; kadrwanga ku apacadhane, laka kadrwanga ku adirivane, atubiane, si akwalriane. Ku siaswalane ku manemanenga ngialribatenga patuelre.”