Nipadrelane 7:10 - Ngudradreadrekadhane Ka Sisiu 魯凱語聖經

¹⁰ Kwi lalasu la akwadrau tawtau iya kai, “Ku sapalribulane twalai ki wanene ikai ki taetalane, ka Twaumaseta si Lrulai ka Kiu, kainganai!”

Nipadrelane 7:10 Iomraidhean Croise

Lasenai 115:1

Tamatama, ku lrigu lri papia muswane sikakathane, kai lri papia naiane, lri papia muswane sikakathane. Asi lwiyane yakai ku takapatengatengananesu si kai lri akabalrithi ka sakialibake.

Lasenai 3:8

Ku apamalebeane twalai ki Tamatama kainganai; ku Tamatama ani subulrubulru ki kawkawluini.

Lasenai 37:39

Ku Tamatama palribulu ki madringelrese ka umawmase, lu ikai ki akwalriane lai palakebe liniane.

Isaiya 43:11

Kathanaku ka Tamatama; kathanaku ka Takipalribulribulane numi.

Isaiya 45:15

Kudra palribulu ki laumawmase ki swa Iseraylri ka Twaumase, ngiapapaidringi ka Twaumase.

Isaiya 45:21

Bwala, mwa tasaibaibangane si kukusu! Pamadrekadrekasana ki kiahukuku. Aneane ku paswalanga yugingi ku lrika angimiane? Kainaku ka amani ka Tamatama? Kathanaku kadrwa ku drumane ku Twaumase; aparamaramavaku, ka palribulu ka Twaumase, kathanaku kadrwa ku drumane.

Yerimia 3:23

Sa ikai nai belenge lregelrege sukubu ki samiamiange, kadrwa ku nimalrane ku navaevanga ku akaesadhane. Kathane ku Tamatama ka Twaumaseta ku wadulru palribulu ki swa Iseraylri.

Husia 13:4

Ku Tamatama amia kai, “Tamatamaku, ka amani ku waililuku numiane katwase ka Izipiti ka Twaumase. Kathanaku, kadrwa ku drumane ku Twaumase numi; kathanaku ka Takipalribulribulane numi.

Yuna 2:9

Ai lri senadhaku drengedrengere muswane; lri papiaku muswane patarumara ku sapatarumarane ku waudriwdripi, si baai sawlri patuelre ku ngikakiketeketeli. Ku sapalribulane kathane ku Tamatama ku tatwaladhane!

Zakaria 4:7

Ku la satelengane adravane ka mia ki lregelrege ku abelengane, lri dulru kawlrau icucubungu muswane. Kusu tupela tudaane kwi daane ki Twaumase; lu pubelengesu kwi bibilrilinga kwi lrenege yai, ‘Matiasamali turamuru! Ku migemi ani papia kikai ki daane ki Twaumase!’ ” Lri iya putariri ku laumawmase.

Zakaria 9:9

Kunumi ka umawmase ka swa Ziyungu, kiraragadha! Laumawmase ka swa Yerusalrime, putariria! Drela! Wakelakelanga ka talialalai numi! Kwi lasu pamalebenga, si takuputaritariri kainganai, ai ngiatatualebe si ngukai ki ruba, ka vaeva ka tikiane ka ruba.

Luka 3:6

Sanaka umawmase lri drele ku sapalribulane ki Twaumase.

Yuhani 1:29

Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane!

Yuhani 1:36

kai lasu wadrele sa lribate ku Yesu, la iya kai, “Drela, ki Lrulai ka Kiu ki Twaumase!”

Yuhani 4:22

Kunumi ka swa Samaria kainu wathingale luka aneane kwi sukusukubu numi, kunai ka swa Yuda wathingale nai ka aneane ku sukusukubu nai, asi lwiyane ku sapalribulane yai twalai ki swa Yuda kainganai.

Ipisu 2:8

Kunumi yai satalu numi ku migemi ki Twaumase, si arakai ku salrwane ala kipalribulu, kikai yai kaika twalai ki kakwakudhane numi, baai ki Twaumase.

Nipadrelane 12:10

La kilaalranga naku ka belenge yakai ku akwadrau ku lingau iya kai, “Kikai asasane amani ku apalribulane ki Twaumase! Ku Twaumase pwataluvaivainga paadrelane ku lrekeme si sarathudaneini; ku cegecegeini ka Kirisitu la mialri paadreelane ku lrekemeini. Kudra piavaiyane pimaungu icucubungu ki Twaumase si kukusu ki laretesaneta, twalainga ka belenge kiverevere pulebe.

Nipadrelane 19:1

Kikai sangilribatenga, kialalraku ku akwadrau ku lingau, miakau la wariariariange ka yabelenge iya kai, “Haliluya, tadrengedrengere ki Twaumase! Ku sapalribulane, ku lrigu, ku lrekeme patuelre twalai ki Twaumase kainganai!

Nipadrelane 21:5

Sakamani kikai kwidra, kudra wanene ikai ki taetalane amia kikai, “Drela, pakabavanenga naku patuelre!” La iyana kai, “Pacasa, asi lwiyane kilakikai vaga patengatengane ka asudralrwalrwane.”

Nipadrelane 22:3

Ikai adringi ki cekele kadrwanga ku pusu ki Twaumase. Ku taetalane ki Twaumase si Lrulai ka Kiu lri ikai adringi ki cekele; ku lasasiakawluini lai lri sukusukubu iniane makanaelre.

Nipadrelane 4:6

Ikai cucubungu ki taetalane yakai ku mia ki walikalikathe ka lrenege ku bulane ka garase ka laveke. Ku maececebe thili ki taetalane, yakai ku supate ku panianianiake ka waudriwdripi, ku lrilrikudru ku cucubungu swaete ku maca.

Nipadrelane 5:7

Kwini Lrulai ka Kiu la arwa cucubungu, si patwalai ki vanale kwini ki wanene ikai taetalane malra tarumara kwi nibalrulane ka hungu.