Nipadrelane 6:17 - Ngudradreadrekadhane Ka Sisiu 魯凱語聖經

¹⁷ Asi lwiyane ku akaelaelathane liniane ku vai wakelanga; aneane ku lri maka dulru acegecege?”

Nipadrelane 6:17 Iomraidhean Croise

Lasenai 110:5

Ku Tamatama yakai ki vanalesu; lu kalisi yai lri lrumai ki latalialalai.

Lasenai 76:7

Twaumase, matiamusakenesu matimukuludru; lu kalisisu, aneane kulri maka acegecege ikai cucubungu muswane?

Isaiya 63:4

Malrithethenga naku, ku apalribulaneli ki kawkawluli ku vai wakelanga; ku apathavungane ki badha ki kawkawluli ku vai wakelanga.

Yerimia 30:7

Lri matikuru! Kudra matiukukuludru ka vai lri padaalrunga si kela. Kikai vai kadrwana ku miyaiya; kikai yai akwalriane ki kawkawluli ka vai. Ai kwi lalasu lri kipadradresenge ku amatikurwane, ai kai lri pacai.

Yuile 1:15

Ku vai ki Tamatama lri padaalrunga si kela! Ku wadulru sanaka manemane ka Twaumase lri pulebe ku laamatikurwane! Kwini vai kwidra matiaukuludru turamuru!

Yuile 2:1

Ikaiya Ziyungu ngirapa! Kalringikinga ikai ki saniange ka lregelrege ki Twaumase! Laumawmase ki swa Yuda, manugeregera! Ku vai ki Tamatama lri padaalrunga si kela.

Yuile 2:11

Ku Tamatama wadrekase ki lakwapingini. Ku lakwapingini tagagarange, ku kiadawlu si katilibi akwapingi takalra turamuru. Ku asaibangane ki Tamatama ka vai matiaukuludru turamuru! Aneane kulri maka siamece?

Yuile 2:31

Kai vai lri kadradrimiti ka kadrwa ku ledra; kai dramare mia ki erai ku duliane. Lu kaiyana kela ku saniange ka matiaukuludru ka vai ki Tamatama, kilakikai patuelre lri ngimianga.

Nahumu 1:6

Ku Twaumase sana kaelaela, aneane kulri maka dulru udripi? Aneane kulri lreme ku elathaneini? Ku elathaneini mia ki apwi ka mwagugu mulebe; kai alrisapesape yacucubungu iniane katuthiri.

Malaki 3:2

Ai, ku akelaneini ku vai, aneane ku lri maka tumane? Kwi lasu lu adrelane, aneane ku lri maka acegecege? Asi lwiyane kwi lasu mia ki titimwane ka sapukwane ka sikingi, mia ki wathalethale ki kingi ka apwi.

Luka 21:36

Kunumi kasimeameaca, kai reteretege ku ainulriane, lanu maka sapukwane kiadili kudra lrika angimiane patuelre, si dulru acegecege icucubungu ki Lalake ki Umawmase.”

Ruma 2:5

Ai, makawlukulunga kakelrathe turamuru kwi kidremedremesu, arwa dawlulringasu ku makaakalra ku elathane, ikai ki elathane si dringelresane ka sasaibangane ki Twaumase lu kelanga kudra vai lrika mateelrelrege ku akipathavungane.

Yuda 1:6

Madha karimurimuru kwidra kai pangiamia ki awngane lini, matwase ki taikaiyane lini ka lasasiakawlu belenge, kwini lalasu kiakerenge ikai kwidra apalralrawthanenga kai maka mukerengenga si ikadradridrimitane. Ku Twaumase waemenge liniane pikai kwini, ukalavalava ku akisaibangane ka vai.

Nipadrelane 11:18

Sanaka kuni la kagirimucu kalisi, ai, ku sakaelaelane ki dringelresanesu mabeanga. Wadarurunga ku vai, ku wapacai ku umawmase lri kisaibange; ku sasiakawlusu ka layuginsia, ku umawmasesu, si sanaka mwasakene ukuludru muswane ku umawmase, adravane ka matiausakene ka kai matiausakene, lri malra ku pakalreva makanaelre. Kudra lamabebetethe amudu ki kadaengane ku umawmase lri kipakamudu!

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

1 Samuile 6:20

Ku swa Bithe Simise la kawriva, “Ikai cucubungu ki Tamatama ka sanianiangenga ka Twaumase, aneane ku lri maka acegecege? Lri dulruta satedre iniane papia inu, si malra iniane pakidaili mitane?”