Nipadrelane 6:14 - Ngudradreadrekadhane Ka Sisiu 魯凱語聖經

¹⁴ Kai subelebelenge maru nibalrulane ka hungu ka kiabalrulu, si kai adrelanenga; kai lalregelrege si vuvugu ki laveke lri twalai ki taikaiyane kipataluela.

Nipadrelane 6:14 Iomraidhean Croise

Lasenai 102:26

Lri kawlrau patuelre, lai lri ikaaisu apalralrawthu; lri mia ki laimai kapurici. Lri pabalrithisu belenge si lebe, mia ki kiapabalrithi ku laimai; kai belenge si lebe lri kawlrau patuelre.

Isaiya 34:4

Ku vai, dramare, si latariau masuburu athuvugu. Kai subelebelenge lri kawlrau, mia ki kiabalrulu ka hungu; ku latariau mwalebe tuverevere, mia ki icizike ka angatu si cebe ki budu lu ururu ku vasau.

Isaiya 54:10

Ku madrau ku lregelrege adulrwane velevele, ku tikiane ku lregelrege adulrwane patalula; ku thalradhaneli muswane lri kai ngivelevele palralrawthu, ku samakaketeketaneli ka sulivatane mialri ka palralrawthu kai akabalrithi. Ku makalithi muswane ka Tamatama amia kikai pelaela.

Yerimia 3:23

Sa ikai nai belenge lregelrege sukubu ki samiamiange, kadrwa ku nimalrane ku navaevanga ku akaesadhane. Kathane ku Tamatama ka Twaumaseta ku wadulru palribulu ki swa Iseraylri.

Yerimia 51:25

Babilunia, amanisu kudra lregelrege ka wamudu ki kadaengane; ai kwaku ka Tamatama yai ecebanesu ka badha. Lri alraku bilibili pulebe muswane, si sadrarate, la lama pakawtu paabu.

Izikile 38:20

Ku yadringi ki acilai ku lakange, la ngwababelenge ka laadhadhame, ngwalalebe ka latadradrau tatitiki ka waudriwdripi, si laumawmase lri ngwalai ki kiwcane si manugiligili makanaelre. Ku latabebelenge ka lregelrege lri ngangutukadre, ku balingibingi ki cekele lai lri mukadrulu.

Nahumu 1:5

Kai lalregelrege yacucubungu ki Tamatama manugiligili; kai lalrelrelrege yacucubungu iniane ngiderenau. Lu adrelane ku Tamatama, ngiavelevele kai kadaengane; kai kawmasane si laumawmaseini makitwa mukuludru.

Habakuke 3:10

Kai lalregelrege sa drele muswane manwagiligili; ku acilai la twalai belenge gugu. Kai yalebe ki kadaengane ku acilai la ngiburai, ngibikabiki ku tangiberadhane.

Habakuke 3:6

Ku Twaumase sana idrengere, kai kadaengane lri ngiveleevele; ku Twaumase sana lengethe, lri manugiligili sanaka kuni. Ku makecenge palralrawthu ka lalregelrege lri aegacane; ku yakai palralrawthu ku lalrelrelrege lri kabengathe; kikai yai natadadavacanengaini patuelre kunadruma.

2 Pitiru 3:10

Ai, ku lrika akelane ngusela ki Tamatama lri mia ki tarakupawpa pangitutuluku kela. Kudra vai kwini. Kai swa subelebelenge lri ikai kwidra ki maadrau ka lingau kawlrau, kai la ngwababelenge lri kulama ikai ki apwi, kai kadaengane si sanaka maneemane la kaamudu patuelre.

Nipadrelane 16:20

Ku lavuvugu ikai ki laveke kai adrelanenga patuelre; ku lalregelrege la kawlrau patuelre.

Nipadrelane 20:11

Pacungulu, wadreelaku ku lrawlrapungu ku maadrau ka taetalane si kwini ki wanene. Kai belenge si lebe twalai cucubungu iniane ubere, si kai adrelanenga.

Nipadrelane 21:1

La pacungulaku drele ku vaeva ka bavane ka subelebelenge bavane ka kadaengane. Kudra siaswalane ka subelebelenge si kadaengane kai adrelanenga, ku laveke la kawlrawnga.