Nipadrelane 6:13 - Ngudradreadrekadhane Ka Sisiu 魯凱語聖經

¹³ kai latariau la twalai belenge tuverevere mulebe, mia ki kaiyana ka malreme ka madru ki icizike ka kiavalrigi si mururu twalai ki cebe.

Nipadrelane 6:13 Iomraidhean Croise

Yubu 15:33

Kwi lasu lri mia ki cebe ki budu, mururu lu kaiyana kalreme, mia ki madru ki ulrive, sana ngipaipai malraicinga.

Isaiya 13:10

Kai tariau patuelre lri kai maka ledranga; kai vai sana lrau mubelenge lri kadradrimiti, kai dramare lai lri kakadrwa ku ledra.

Isaiya 33:9

Ku kadaengane aubulanenga; ku angatungatu Lebanungu marudame; ku valrwalru lregelrege Sarungu matiasepele; ka Basane si lregelrege Karemele ku lavasau ki angatu mwarurunga patuelre.

Isaiya 34:4

Ku vai, dramare, si latariau masuburu athuvugu. Kai subelebelenge lri kawlrau, mia ki kiabalrulu ka hungu; ku latariau mwalebe tuverevere, mia ki icizike ka angatu si cebe ki budu lu ururu ku vasau.

Isaiya 7:2

Sa kainganainga mwa ki kadaengane ki swa Iseraylri ku kwapingi ki swa Siria yakai ku peaelaela ki talialalai ki swa Yuda, ku talialalai si mapapangale la mukuludru turamuru, ku kidremedreme lini mia ki ricingi ki angatu ka kwavalrivalrigi ngipalrivaevange.

Izikile 32:7

Lu amudaku muswane, lri kabungaku subelebelenge, lai lri kadradrimiti ku tariau, ku makudremelre ku ememe lri paidringi ki vai, ku dramare lai lri kai ledra.

Daniele 4:14

Kwini lasu la akwadrau tawtau, ‘Pwa pulebe kwi angatu, si lisisi kwi la ricingi, la velevele pulebe kwi vasau, sititi pulebe kwi lamadru. La pakatwase kwini yakai tailebe ki angatu kwi lawaudriwdripi, pathirakupa kwini ki yabelenge ki laricingi kwi laadhadhame.

Daniele 8:10

Kudra pukuini madrau ka lri dulru kikaruburu ki kwapingi belenge si latariau, si verevere kudra ki la drumane ki kwapingi belenge si tariau pwa kai lebe, la dredre iniane.

Yuile 2:31

Kai vai lri kadradrimiti ka kadrwa ku ledra; kai dramare mia ki erai ku duliane. Lu kaiyana kela ku saniange ka matiaukuludru ka vai ki Tamatama, kilakikai patuelre lri ngimianga.

Nahumu 3:12

Ku kepale ki cekelesu lri ngimia ki icizike ka angatu, suete ku madru ka malremenga, sana ngivelevele kwini angatu, ku madru lri mururu mwa ki ngudui ki umawmase.

Matai 24:29

“Kwini la amatikurwane ka lavai sana ngilribatenga, ku vai lri kadradrimiti, ku dramare lai kai ledranga, ku tariau lri twalai belenge mucilri, kai subelebelenge ku tangidarepane patuelre lai lri ngivelevele.

Maruku 13:25

ku tariau lri twalai belenge mucilri, kai subelebelenge ku tangidarepane lai lri ngivelevele.

Luka 21:25

“Lukamani kwidra, ku vai, ku dramare, ku tariau lri makitu paathingalane ku maburusi. Kai lakuni kawmasane lri makitu ngwalai ki bikabiki ki laveke si mukuludru kai thingale ku atumanane.

Nipadrelane 9:1

Ku mwasakalrima ku sasiakawlu belenge sangirapa, wadrelaku ku vaeva ku tariau ku twalai belenge tuverevere mulebe, si mucilri mwa cakena. Kikai tariau tarwamara ku sawsi ki valrulrange.