Nipadrelane 6:12 - Ngudradreadrekadhane Ka Sisiu 魯凱語聖經

¹² La dreelenga naku ki Lrulai ka Kiu sa mucaebe ku mwasakaeneme ku hange. Sakamani kwidra, kai kadaengane la pakilringau lingilingi; aicecelrenge kai vai, mia ki icecelrenge ka kaimadhane; kai dramare la aduduli patuelre, mia ki erai;

Nipadrelane 6:12 Iomraidhean Croise

Isaiya 24:23

Ku dramare lri kadradrimiti, ku vai lai lri kakadrwa ku ledra. Asi lwiyane ku Tamatama ka abebeelengenga ki sanaka kwapingi lri ikai Yerusalrime, lri ikai Ziyungu lregelrege magagemegeme ku puku; ku la tarasangililuku ki cekele lri drele makanaelre ku lriguini.

Isaiya 29:6

Ku Tamatama ka abebeelengenga ki sanaka kwapingi lri arakai ku pakialringau ku dreredrere si lingilingi, lri sikawlu ki kwadrau ka lingau, maadrau ka valrigi, si kelrabe ka apwi kainganai palribulu muswane.

Isaiya 34:4

Ku vai, dramare, si latariau masuburu athuvugu. Kai subelebelenge lri kawlrau, mia ki kiabalrulu ka hungu; ku latariau mwalebe tuverevere, mia ki icizike ka angatu si cebe ki budu lu ururu ku vasau.

Isaiya 50:3

Wadulrwaku pakadradrimiti kai belenge, mia ki watubitubi ki wapacai ka umawmase.

Yuile 2:10

Kwi laapapawku sana kela, ku kadaengane ngiavelevele, kai belenge la manugiligili, kai vai si dramare madradrimiti patuelre, kai latariau la mialri kai ledranga.

Yuile 3:15

Ku vai si dramare lri kadradrimiti; ku latariau lai lri mialri kai ledranga.

Amuse 1:1

Saka talialalai ki swa Yuda ku Uzia, si la icengeecenge ka talialalai ki swa Iseraylri ku lalake ki Yehuase ka Yerubuame, sa lri taradrusanga ka caili si kela ku madradrau ka lingilingi, ku Twaumase peaelaela pathingale ki swa Tikua ka taraagwagu ki kiu ka sia Amuse ku patharukai ki swa Iseraylri. Kikai lebe kai nipacasane yai vaga ki Amuse.

Amuse 8:9

Lu kelanga kwini ki vai, lri palriwgaku ki vai lu icengecenge ulringedele, la apaadradrimitane ki vaiyane. Ki kikai yai amaniaku ka abebeelengenga ka Tamatama ka amia.

Zakaria 14:5

Lri mubere numi, si ngukakaikai ki valrwalru ki Tamatama; ka valrwalru ki drusa ka maecebe ka lregelrege, si daruru kela kavai talikai thili. Lri mubere numi, mia ki cucungulane numi sa mubere ki lingilingi saka talialalai ki swa Yuda ku Uzia. Ku Tamatama ka Twaumaseli lri tara kela mulebe, si mailuku karedele sanaka sasiakawlu belenge.

Matai 11:21

Ku Yesu la iya kai, “Swa Kerazine, lri kipadradresengesu ku amatikurwane! Swa Bithesaida, lri kipadradresengesu ku amatikurwane! Ku taikaiyaneli numiane si pia ku pinangu Twaumasane ka puku, ana piane ikai ki swa Tayre si swa Sidune, kwi swakai kwini ku laumawmase nai ngikakabungunga ku kaimadhane si ngicacabungunga ku abu, ka sapelaelane kwini ki lalasu ala ka wacilringa ki ngialisiane si papianga ki madringelrese.

Matai 24:29

“Kwini la amatikurwane ka lavai sana ngilribatenga, ku vai lri kadradrimiti, ku dramare lai kai ledranga, ku tariau lri twalai belenge mucilri, kai subelebelenge ku tangidarepane patuelre lai lri ngivelevele.

Matai 24:7

Ku taingeane ka minzuku lri makakaruburu ki maelane ka minzuku, ku taingeane ka kuni lai kikaruburu ki maelane ka kuni; ikai kidruanga lai lri ikai ku silravane si lingilingi.

Matai 27:45

Saka mwalringedele, la kadradrimiti kai kawmasane, lri ikai ku ngwatulru ki tuki.

Matai 27:54

Ku wakadrekadrenge ki Yesu ku kiacapili ki kwapingi si lakwapingi la drele ku talingilingane si tangimiane patueelre, la makitu mukuludru turamuru, si iya kai, “Kai lasu patengatengane ka Lalake ki Twaumase!”

Matai 28:2

Ala kirimu pangicaeme lingilingi, ku sasiakawlu belenge ki Tamatama twalai ka belenge mulebe, la malra balrutai kwini ki lrenege, si nene ikai belenge.

Maruku 15:33

Saka mwalringedele, la kadradrimiti kai kawmasane, lri ikai ku ngwatulru ki tuki.

Nipadrelane 11:13

Sakamani kwidra icengecenge, walingilingi kai kadaengane, kwini cekele la kaburuku ku taingeane ki nipaumangealane, ku ngwakai ki lingilingi si pacai wadaruru ki ta 7,000 ku umawmase. Ku tedranenga la makitu kakiwcu la drengedrengere ki yabelenge ka sanianiangenga ka Twaumase.

Nipadrelane 16:18

Ala kirimu ikai ku lrikace, elrange, dreredrere, si matiukukuludru ka lingilingi. Ku taikaiyane ki umawmase kai kawmasane, kadrwana ku miyaiya kai ku pakilringavane ku lingilingi!

Nipadrelane 16:8

Ku mwasakasupate ka sasiakawlu belenge la malra kwini kisi si gugu pwa ki vai, kwi vai la dulru arakai ku dralrangedranganeini lama culu ki umawmase.

Nipadrelane 8:12

Ku mwasakasupate ku sasiakawlu belenge sangirapa, ku taingeane ki nipautulrwane ki vai, ku taingeane ki nipautulrwane ki dramare, si taingeane ki nipautulrwane ki tariau kiapungupungu patuelre. Ku vai, dramare, tariau la kawlrau ku taingeane ki nipautulrwane ku ledra; ku taingeane ki nipautulrwane ki vaiyane kadrwa ku ledra, ku taingeane ki nipautulrwane ki maungu laka kadrwa ku ledra.

Nipadrelane 8:5

La pacuungulu, ku sasiakawlu belenge waecenge ku salamalamane ki sangwalreeme, la malra kwini salamalamane ki sangwalreeme si pwa pasaela pasuete ku apwi ki tapatarumaramarane, la verevere pwalebe. Ala kirimu ikai ku dreredrere, elrange, lrikace si lingilingi.