Nipadrelane 5:6 - Ngudradreadrekadhane Ka Sisiu 魯凱語聖經

⁶ La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 5:6 Iomraidhean Croise

2 Lacaili 16:9

Ku Tamatama pwadriadringai drele palraelre kai kawmasane, la baai ku puku ki savaeva ku kidremedreme papia iniane. Makulrungusu kai tapianesu kikai ngwakaikai, lakamani kwidra twalainga kikai, lri kaisu telrainga kipadradresenge ku la amakakaruburane.”

Daniele 7:14

si tarumara ku puku, lrigu, si puku ki talialalai, ku lrika apasikaiyane kaungu iniane ki lakuni, zuku, si kawarivariva ku makaelaela ku vaga ka umawmase. Ku sarathudaneini lrika palralrawthu ikai; ku pukuini kadrwa ku taalikaiyane.

Daniele 8:3

si drele ku vaeva ku balase ka nikiubawbalane ka kiu, twalawngu tu drusa kaeelrenge, la acegecege ikai kwini, ku lawngu makakaela ku takalragiane, kwidra malrailragi ka lawngu yai tau cebecebe.

Mika 4:13

Ku Tamatama amia kai, “Swa Yerusalrime ka umawmase, katwasa! Lu pathavunga ki badha numi! Lri pakagarangaku numiane, mia ki twalawngu ka lwange. Lri utu numi papacai ki takaalra ka kuni, lai malra numi ku arakai lini ku ngikarakacanane ravase ku lawbubulu si patarumara baai nakwane ka magagemegeme kawmasane.”

Habakuke 3:4

Ku Twaumase mailuku ku ledra ki lrikace; ku thelare lri twalai ki alrimaini, twalai kudra ki kai adredrelane ka sapukwane ka alrimaini paledra.

Zakaria 3:9

Lri pikaiyaku cucubungu ki Yesua ku vaeva ka tinukucingalrane ka lrenege, kikai tinukucingalrane ka lrenege pitu ku lringau, lri papacasaku kai ki tinukucingalrane ka lrenege. Lri ikaiyaku ki minakavavaalane ka vai si mwalra ku pasalrivane kai ki kadaengane. Kikai yai pelaela ki Tamatama ka abebeelengenga ki sanaka kwapingi.

Zakaria 4:10

Kwi lalasu masulri, asi lwiyane ngiabalai turamuru kwi takaungane, ai lu drele ki Zerubabele ka pacungucungulu tudaane kwi daane ki Tamatama, kwi lalasu lri kiraragai.” La iya kai nakwane ku sasiakawlu belenge, “Kai pitu ka tinaki maru pitunga ka maca ki Tamatama, ka wadredredrele kai kawmasane palraelre.”

Luka 1:69

Patwalai ki daane ki Davidi ka sasiakawluini, pasiakai mitane pacegecege ku tangea ka wadulru ki manemanenga ka Takipalribulribulane.

Yuhani 1:29

Sakakaiyane, ku Yuhani wadrele ki Yesu sa papiapia iniane kainganai, la iya kai, “Drela, ka Lrulai ka Kiu ki Twaumase, mwalra ku pasalrivane ki yakawmasane!

Yuhani 1:36

kai lasu wadrele sa lribate ku Yesu, la iya kai, “Drela, ki Lrulai ka Kiu ki Twaumase!”

Nisikawlane 8:32

Kwidra silriguini ku Sisiu amia kai: Kikwini lasu mia ki vaeva ka kiu ka kiabilibili putaculuculwane, maraamau ki vaeva ka kiu ka yasaseleebane ikai ki tarakaciaciane ki ubale ka umawmase. Thadaalrane, kwini lasu kadrwa ku naniakuvalanenga ku vaga.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 12:11

Ku laretesaneta ngwakainga ki erai ki Lrulai ka Kiu si tapelaelane lini ku patengane ka sabulrwane si pamalebenga ki baralebale; kwi lalasu pakeela ku walreme ngiacacilri ku niake lini.

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 14:1

La pelaku drele, si drele ki Lrulai ka Kiu acegecege ikai lregelrege Ziyungu, ku yakai taelre iniane ta 144,000 ka umawmase; ki punu lini makanaelre wapacase ku naganeini si nagane ki Tamaini.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 21:22

Ikai ki cekele kainaku wadrele ku yakai ku daane ki Twaumase, asi lwiyane ku Tamatama ka sapupukuanenga ka Twaumase si Lrulai ka Kiu amani ku daane ki Twaumase kikai ki cekele.

Nipadrelane 21:23

Kikai cekele kai mwarikainga ku ledra ki vai si dramare, asi lwiyane yakainga pa ledraledra ku thelare ki Twaumase, ku Lrulai ka Kiu amani ku tinakinga kai ki cekele.

Nipadrelane 22:1

Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 22:3

Ikai adringi ki cekele kadrwanga ku pusu ki Twaumase. Ku taetalane ki Twaumase si Lrulai ka Kiu lri ikai adringi ki cekele; ku lasasiakawluini lai lri sukusukubu iniane makanaelre.

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!

Nipadrelane 5:11

La pelanga naku masiasirare; la kilalraku ku tapaangale turamuru ku lingau ki sasiakawlu belenge. Kwi lalasu ngiathalringulu acegecege ikai ki taetalane, si supate ka panianianiake ka waudriwdripi, si laciwru,

Nipadrelane 5:12

la akwadrau senai: Ku kiapapacai ka Lrulai ka Kiu, lri tarumara ku lrekeme ka puku, ku ngiradhekanane, ku lrigilane, ku puku, ku kiwsakenane, ku lrigu, si akidrengedrengerane!

Nipadrelane 5:13

La peelanga naku kilalra ka belenge, lebe, si panianianiake adringi ki kadaengane, si panianianiake adringi ki laveke, si sanaka panianianiake kai ki kawmasane, wasenasenai makanaelre iya kai: Ku sadrengedrengerane, kiwsakenane, lrigu, si lrekeme, lri papia patuelre ki wanene ikai taetalane si Lrulai ka Kiu, kadrwanga ku apalikaiyane kai kamudunga!

Nipadrelane 5:14

Ku supate ka panianianiake ka waudriwdripi la tubalre iya kai, “Amingi!” Ku ciwru la makitu guruthungane sukusukubu.

Nipadrelane 6:16

Kwi lalasu lri papia ki lregelrege si alrisapesape tawtau iya kai, “Mukadrula makakai naiane! La malra naiane sekete, ku akilepengane nai kudra lringau ki wanene ikai taetalane si dringelresane ka sakaelaelane ki Lrulai ka kiu!

1 Samuile 2:10

Ku Tamatama lri amudu ki badhaini; lri twalai belenge pawleca makakai liniane. Ku Tamatama lri saibange pakanaelre kai kawmasane. Lri baai ku puku ki pacegecegeini ka talialalai, lri paakaci ku pilrini si cegecege ka talialalai.