Nipadrelane 5:11 - Ngudradreadrekadhane Ka Sisiu 魯凱語聖經

¹¹ La pelanga naku masiasirare; la kilalraku ku tapaangale turamuru ku lingau ki sasiakawlu belenge. Kwi lalasu ngiathalringulu acegecege ikai ki taetalane, si supate ka panianianiake ka waudriwdripi, si laciwru,

Nipadrelane 5:11 Iomraidhean Croise

1 Latalialalai 22:19

Ku Mikaia la pacungulu kawriva, “Ala kilalra ku vaga ki Tamatama! Wadrelaku ki Tamatama takaenene ikai taetalane subelebelenge, tara maecebe ithili iniane ku sasiakawlu makanaelre.

Lasenai 103:20

Magarange sapukwane ka lasasiakawlu belenge, drengedrengera si lrigu ki Tamatama; kudra pasalalaladha ku drekaseini, si palululudu ku takidremedremaneini ka lasasiakawlu,

Lasenai 148:2

Ku lasasiakawluini belenge, kunumi drengedrengera iniane; ku lakwapingini belenge, kunumi drengedrengera iniane.

Lasenai 68:17

Ku Tamatama lri ililuku ku tathathatha ku rigi ka kwapingi twalai Sinai mudaane ki Alrivilrivi ka taikaikaiyane.

Daniele 7:10

Kwi taetalane wakelrabe ku madrareeange ka apwi, mia ki mwalwaludru ka vaalru. Ku tathathatha ku laumawmase yakai cucubungu ki taetalane pasikaikai iniane; ku takaakalra ku umawmase acegecege ikai cucubungu iniane. Kwi lasu la kawriva pelaela ku asaibangane, si mubalrulu ku hungu ka ngwakai ki pasalrivane.

Tapelane Drekase 33:2

Ku Tamatama twalai lregelrege Sinai kainganai, la mia ki vai ka twalai Idume mubelenge. Twalai lregelrege Parange paledra ki kawkawluini. Tathathatha ku sasiakawlu ku twapapapalra iniane, ku vanaleini waecenge ku kwadaladalai ka taliwlare.

Hiburu 12:22

Ai kaiyanganai numi mwa lregelrege Ziyungu, ka kaiyanganai numi mwa ki cekele ki palralrawthu ka Twaumase, ka Yerusalrime ka belenge, yakai ku kaika asiasipane ku sasiakawlu belenge.

Yuda 1:14

Ku saka ngusipitulanenga ka lamwabaibalrithi ki Adame ka Inuke, papia kai ki lalasu yakainga ku tasakaladhaneini pelaela, amia kai, “Drela, ku Tamatama lri iluku ki tathathatha ki sasiakawlu belenge karedele kainganai.

Nipadrelane 19:6

La kilaalra naku ku mia ki twalai ki laumawmase ku lingau, ku elrange mia ki maadrau ka tuturu si dreredrere, iya kai, “Haliluya! Asi lwiyane ku Tamatamata ka sapupukuanenga ka Twaumase atalialalainga!

Nipadrelane 4:4

Ku ngiathalringulu ku lataetale ki taetalane 24, la ibelenge nene ku ta 24 ku laciwru, si silaimai ku lrawlrapungu, la sitalrupunu ku kingi ka pagamucu.

Nipadrelane 4:6

Ikai cucubungu ki taetalane yakai ku mia ki walikalikathe ka lrenege ku bulane ka garase ka laveke. Ku maececebe thili ki taetalane, yakai ku supate ku panianianiake ka waudriwdripi, ku lrilrikudru ku cucubungu swaete ku maca.

Nipadrelane 5:14

Ku supate ka panianianiake ka waudriwdripi la tubalre iya kai, “Amingi!” Ku ciwru la makitu guruthungane sukusukubu.

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 5:8

Sa pia kikai, ku supate ka waudriwdripi si ta 24 ka ciwru la guruthungane icucubungu ki Lrulai ka Kiu. Kwini laciwru la ecenge makanaelre ku patungutungu si nipasueteane ku sangwalreeme pikai ki kingi ka talamalamane; kikai sangwalreeme amani ku inulri ki lasinzia.

Nipadrelane 7:11

Ku sasiakawlu belenge makanaelre acegecege ngithalringulu ki taetalane, ki laciwru, si supate ka panianianiake ka waudriwdripi. Kwi lalasu yacucubungu ki taetalane pidruru, si sukusukubu ki Twaumase,

Nipadrelane 9:16

Ku kilalrali ku tatathane ki ngwarigirigi ku kwapingi ta 200,000,000.