Nipadrelane 4:5 - Ngudradreadrekadhane Ka Sisiu 魯凱語聖經

⁵ La lrikace, siange, si dreredrere twalai ki taetalane. Pitu ku nipadaladhane ku taliwlare icucubungu ki taetalane; amani kudra pitu ka Ri ki Twaumase.

Nipadrelane 4:5 Iomraidhean Croise

Tabekacane 15:7

Ku Tamatama la peelanga iya kai iniane, “Tamatamaku, waililukaku muswane katwase kavai Babilunia ka Ure. Lri baadhaku kikai kadaengane muswane, ka amani ku lrika tacekecekelanesu.”

2 Lacaili 4:20

ku nipacegecegane icucubungu ki Alrivilriviilrivinga ka taikaikaiyane si padalai ka kingi ka tinaki si tatinakiane;

Lasenai 68:35

Twaumase, lu ikaisu ki Alrivilrivi ka taikaikaiyane matiaukuludrusu turamuru! Ku Twaumase ki swa Iseraylri patarwamara baai ku puku si kindri ki kawkawluini. Kunumi makanaelre drengedrengera ki Twaumase!

Takatwasane Izipiti 19:16

Saka samakatulrulu ki mialrealre, la madradreredrere si lrikace, la ikai ku makuceege ku ememe ku ngiabwale ikai lregelrege, ku lingau ki rapa la akwadrau siasiange. Kudra la yakai ki tasuladhane ku laumawmase sa kilalra la makitu manugeregere.

Takatwasane Izipiti 20:18

Ku mapapangale sa kilalranga ku dreredrere si lingau ki rapa, la drelenga ki lrikace si satuebebelre ku lregelrege, makitwa mukuludru turamuru, la saadaili acegecege.

Takatwasane Izipiti 25:37

Kwini taneneneane la pikai ku pitu ku tinaki, si papucucubungu ku taledrane.

Takatwasane Izipiti 37:23

Kwi lasu la pasikai ki taneneneane tupitu ku tatinakiane, si arakai ki kakingiane darepe ku kaciane ki tinaki si tapikaikaiyane ki rusuku ka usara.

Izikile 1:13

Ikai kabicelrakane ki supate ka panianianiake ka waudriwdripi yakai ku lamanemane ku mia ki kwadaladalai ka lrangele, mia ki taliwlare apatalulawlawla; kwini taliwlare kwadaladalai kelrabe, si ledraedra.

Yuile 3:16

Ku Tamatama twalai Ziyungu kaelaela; kwi lasu twalai Yerusalrime padreredrere. Ku subelebelenge si kadaengane manwagiligili, ai ku Tamatama lri palakebe ki kawkawluini, si atapalakebane ki swa Iseraylri.

Zakaria 4:2

Kwi lasu kiavaga nakwane, “Manemane ku drelesu?” La tubalreaku, “Vaeva ka tapikaikaiyane ki tinaki ka kakingiane, ikai belenge la ikai ku kisi ku nipwane ku tinaki. Kwini tapikaikaiyane ku tinaki laka pitu ku kwadaladalai, ku vaeva ku tatinakiane laka pitu ku tangukaiyane kudalai.

Matai 25:1

“Ikai kwini ki vai, kai kuni belenge maru amaaninga kikai lrika abubulrwane: Yakai ku tamangeale ku latawvailekelekete ku waecenge ku tatinakiane, la katwase kidredresenge ki marudrawdrange ka sawvalai.

Matai 3:11

Arakaiyaku ku acilai pabanau numiane, ka sapathingalane ka ngiatatupelanga numi; ai, kudra tangeea kulri kabibilrili nakwane kela lri arakai ku Siri si apwi pabanau numiane. Kwi lasu sanianiange nakwane turaamuru, adravane ka atakililane ku keceini kainaku swadalepe.

Nisikawlane 2:3

Kwini lalasu la drele ku mia ki lridame ka apwi ku tangimiamiane, la ngisagai, si mulebe makakai ki kinawmasane ki tangeea.

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 10:3

Kwi lasu la akwadrau tawtau, mia ki giringi ki raiyungu; kwi lasu satawtau la tubalre elrange ku pitu ka dreredrere.

Nipadrelane 11:19

Sakamani kai kwidra, ku Twaumase ikai belenge mwaelebenga ku daane ki Twaumase; ku Langiane mwataluvaivai ikai kwini. La pacungulu, ikai ku lrikace dreredrere, elrange, lingilingi, si maadrau ka kananu.

Nipadrelane 3:1

“Kusu tigamia si baai ki sasiakawlu belenge ki Saradi kiwkai, iya kai: “Kwini yakai ku pitu ka Ri si pitu ka tariau ki Twaumase, amia kai kawriva: Wathingalaku muswane patuelre; wathingalaku yakai kwi umawmase kwi panianianiakeana amia muswane, ku patengatengane wapacaisu!

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.

Nipadrelane 8:5

La pacuungulu, ku sasiakawlu belenge waecenge ku salamalamane ki sangwalreeme, la malra kwini salamalamane ki sangwalreeme si pwa pasaela pasuete ku apwi ki tapatarumaramarane, la verevere pwalebe. Ala kirimu ikai ku dreredrere, elrange, lrikace si lingilingi.