Nipadrelane 4:11 - Ngudradreadrekadhane Ka Sisiu 魯凱語聖經

¹¹ Tamatama nai, Twaumase nai! Swadalepesu tarumara ku lrigu, ku kiwsakenane, si puku ka lrekeme. Wabekacesu sanaka manemanenga; ku takibekacane ki sanaka maneemanenga, ala maka dulru panianiake, singikai ki takidremedremanesu patuelre.

Nipadrelane 4:11 Iomraidhean Croise

Tabekacane 1:1

Sakapathagilane, ku Twaumase sa pathagili bekace kai subelebelenge si kawmasane.

2 Samuile 22:4

Papiaku ki nai kidrengedrengere ka Tamatama kitubi, la palribulu nakwane kidaili ki badha.

Nihimi 9:5

Ku swa Lrivi ka Yesua, Kademile, Bani, Hasabenia, Serebia, Hudia, Sebania, si Pithahia la pasikai ki apathagilane sukubu pangidawlu, kwini lalasu amia kai: Acegecega, drengedrengere ki Tamatama ka Twaumase numi, kapalralrawtha senai lrigu iniane! Ku naganeini silrialribate ki sadrengedrengerane patuelre, sanaka umawmase ani drengedrengere ki lrigu ka naganeini.

Yubu 36:3

Ku tathingalaneli ngwaswadrau; lri pelaelaku lalrwai ku wabekace ka Tamatamali aparamaramau.

Lasenai 18:3

Papiaku ki swadalepe kidrengedrengere ka Tamatama kitubi, la palribulu nakwane pakidaili ki badha.

Lasenai 68:34

Kunumi pelaela pasalraelre ku maadrau ka puku ki Twaumase; ku matisalrwaneini wakabungu ki swa Iseraylri; ku pukuini salraelre subelebelenge.

Takatwasane Izipiti 20:11

Kunaku ka Tamatama yakaiyaku kai ki minakanemelane ka vai bekace kai belenge, lebe, laveke si lamaneemanenga, ai ikai ki samakapitulu la isadra. Lakamani, kunaku ka Tamatama swabulrubulrwaku ki Taisadrasadrane ka vai, si cegecege tusaniange ka vai.

Kavagavagane 16:4

Ku bekace ki Tamatama patueelre yakaai ku paluludane; adravane ka mangangace ka umawmase nipasikaiyane ki amatikurwane ka vai kibekace.

Isaiya 40:26

Kunumi paswabelenga! Aneane ku wabekace ki latariau? Amani ku Twaumase; wasangililuku liniane mia ki wasangililuku ki lakwapingi. Ku Twaumase wathingale ku takathanane lini; ngwavavaeva sunagane kawriva. Ku pukuini madrau turamuru, kadrwa ku navaevanga ku tariau ku wathuru nau kai kela iya.

Isaiya 40:28

Kaisu wathingale? Kaisu kialalra? Ku Tamatama palralrawthu ka Twaumase! Ku Twaumase wabekace kawmasane. Ku Twaumase kai kiadulrudulru, la kai sicaecaemane; ku lrigilaneini kadrwa ku umawmase ku maka wathingale.

Yerimia 10:11

Kunumi ka kawkawluli, papia liniane pelaela, ku samiamiange kai wabekace belenge si lebe ka twaumase, kwini lasamiamiange lri tara kipakamudu, si lri twalai kawmasane kawlrau.

Yerimia 32:17

“Abebeelengenga ka Tamatama, arakaisu ku maadrau ka pukusu bekace belenge si kawmasane; ikai muswane, kadrwa ku kaika adulrwanesu sanaka maneemane.

Nisikawlane 14:15

“Kunumi makanaelre, anu piya kikai? Mia nai numiane ka umawmase, kai kela nai kikai si pelaelaela kai hukuingi, pakai nai ku acilriane numi ki kadrwa ku pacugane ka samiamiange, si papia kwidra ki panianianiake palralrawthu ka Twaumase ka amani ku wabekace belenge, si kadaengane, laveke si yakai adringi sanaka manemanemane.

Nisikawlane 17:24

Kikai wabekace belenge, si kadaengane, si sanaka manemanenga ka Twaumase amani kwidra Tamatama ki yabelenge si kai kawmasane. Kai lri ikai ki tudaane ki umawmase,

Ruma 11:36

Asi lwiyane kikai sanaka maneemane twalai iniane, ngwakai iniane, lalri papia iniane. Ku lrigu ani papia iniane, pakeela apalralrawthu! Amingi.

Ipisu 3:9

ku athingalane sanaka umawmase luka watumane pangimia kudra kaika athingalane ka matiasamaimali ka kikakeini ki Twaumase. Ku siaswalane ku zidai, ku wabekace sanaka maneemane ka Twaumase wasekete ki kikai kaika athingalane ka matiasamaimali,

Tapelane Drekase 32:4

Ku Tamatama amani kudra sapupukuanenga ka tarapalakebe, ku tapianeini kiatulrepenge, aparamaramau. Ku Twaumase patengatengane, matisudralru, ku tasaibanganeini pacengecenge, aparamaramau.

Hiburu 1:10

La iyana kai: Tamatama! Sakapathagilane wabekacesu kai kadaengane; la bekacesu belenge.

Hiburu 1:2

ai ikai kikai ki satwalrepenge ka vai, pangwakai ki Lalakeini kawriva mitane. Kikai Lalake, ku Twaumase napangwakainga iniane bekace kai ki kiacaebe belenge, si la pilri iniane paucungulu sanaka manemane.

Nipadrelane 1:6

ala kamaningata ku barakalai ki kuni ki talialalai, si kauawngu pasikai ki Tamaini ka Twaumase. Ku lrigu si lrekeme ani papia ki Yesu Kirisitu, pakela lumamilringi! Amingi.

Nipadrelane 10:6

si papia ki amani ku wabekace belenge, kadaengane, laveke, si yakai adringi sanaka manemane ka palralrawthu panianiake ka Twaumase kiketekete iya kai, “Kai lri pwigananenga!

Nipadrelane 14:7

Kwi lasu akwadrau iya kai, “Usakena ukuludru ki Twaumase, si drengedrengere ku sanianganeini! Asi lwiyane wakelanga ku asaibanganeini ki umawmase. Sukuba kudra ki wabekace belenge, kadaengane, laveke, si sanaka berai ka Tamatama!”

Nipadrelane 19:1

Kikai sangilribatenga, kialalraku ku akwadrau ku lingau, miakau la wariariariange ka yabelenge iya kai, “Haliluya, tadrengedrengere ki Twaumase! Ku sapalribulane, ku lrigu, ku lrekeme patuelre twalai ki Twaumase kainganai!

Nipadrelane 5:12

la akwadrau senai: Ku kiapapacai ka Lrulai ka Kiu, lri tarumara ku lrekeme ka puku, ku ngiradhekanane, ku lrigilane, ku puku, ku kiwsakenane, ku lrigu, si akidrengedrengerane!

Nipadrelane 5:2

La dreleanaku ku tangea ku sapukuane ka sasiakawlu belenge, akwadrau pelaela iya kai, “Aneane ku lri sudalepe mwalra kikai hange, si paipai kikai nibalrulane ka hungu?”

Nipadrelane 5:9

Kwi lalasu la senai ku vaeva ku bavane ka senai: Kathaanesu ka swadalepe tarumara kwini nibalrulane ka hungu, si mucaebe kwi hange belenge; asi lwiyane nakiapapacaingasu! Ngwalai ku tangicacilrianesu tueraerai, patwalaisu ki cacekecekele, ki makaelaela ku vaga, ki laminzuku, ki lakuni, walangaisu sawlri si malra ki umawmase, la baai ki Twaumase.