Nipadrelane 4:1 - Ngudradreadrekadhane Ka Sisiu 魯凱語聖經

¹ La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”

Nipadrelane 4:1 Iomraidhean Croise

Takatwasane Izipiti 1:1

Ku lalake ki Yakubu makitwa iluku ki wacekecekele lini, tupapalra ki Yakubu mwa Izipiti. Ku nagane lini amani kai:

Takatwasane Izipiti 19:24

Ku Tamatama la iya kai ki Musi, “Kusu mulebea, la malra iluku ki Arungu. Ai ku labarakalai si mapapangale madha lribalribate ki saagisane si kela nakwane kikai, amani lwiyasi kai kilalra, lri pathavungaku liniane.”

Takatwasane Izipiti 24:12

Ku Tamatama kawariva ki Musi, “Kusu mulregelrega kela kai nakwane, lu ikaisu kikai lri baadhaku muswane kai drusa kai alibi ka lrenege, ibelenge ki lrenege wapacasaku nguelre ku tinukakudhanane si padradrekase pakai kwidra sabulrwaneli ki kawkawluli.”

Kavagavagane 25:7

Maesaesai mukalava ki umawmase ku adawlane muswane pucucubungu, malilisi lu kipulrilrikudrusu ki umawmase, pakai ku apaneneane ki sanianiange muswane ka umawmase.

Izikile 1:1

Sa tara matulrulunga ka caili si supate ka dramare ki samaka lrimale ka vai, taelreaku ki acaicali ka swa Yuda ikai Babilunia thili valru ka Kibare. Sakamani kwidra ngwaelebane subelebelenge, wadrelaku ku maburusi ki Twaumase.

Matai 3:16

Ku Yesu la kipabanau, sa twalai ki acilai utaluvaivai, ka belenge la pasikai iniane nguelebane; kwi lasu la drele ku Ri ki Twaumase mia ki tavagu mulebe, si mwa iniane.

Maruku 1:10

Ku Yesu sa twalai ki aciacilai ki takipabanavane, la drele sa nguelebane ka subelebelenge, ku Siri la mia ki tavagu mulebe makakai ki kinawmasaneini.

Luka 3:21

Kudra laumawmase makitwa kipabanawnga, ku Yesu la mialri kela kipabanau. Sa inulrinulri, la nguelebane subelebelenge,

Yuhani 16:13

Lu kelanga kudra wabaai ku patengane ka sabulrwane ka Siri, amani ku lri arake numiane mwa ki patengane ka sabulrwane patuelre. Lri kai ngisasingikai kawriva, lri pelaela numiane kudra kilalraini, si lai lri iya ku angimiane lukabibilrili.

Nisikawlane 10:11

wadrele ku ngwaelebane ka belenge, la ikai ku mwalebe ku taingeane ku lamanemane, mia ki maadrau ka makalrilau, kwini piyu ki makalrilau talusupatele laka nikerengane arakai ku calrisi, si pulrailrai pulebe,

Nisikawlane 7:56

La iya kai, “Wadrelaku ngwaelebanenga ku lrawlrawdru ka subelebelenge, ku Lalake ki Umawmase la acegecege ikai tali vanale ki Twaumase!”

Nipadrelane 1:10

Yakai sakavai ki Tamatama, ku Siri la suete nakwane, la kilalraku ku akwadrau ku lingau, mia ki lingau ki ngiarapapa, kudra yalrilrikudru nakwane la iya kai nakwane kawriva:

Nipadrelane 1:12

La ngibangulaku nau drele kai kawarivariva nakwane luka aneane iya, la drelaku ku pitu ka kingi ka tatinakiane.

Nipadrelane 1:19

Ku drelesu, ku angimiane kaiasasane ku lrika angimiane lukabibilrili, pacasa patuelre.

Nipadrelane 11:12

Kwi tadrusa ka yuginsia kialalra ku twalai belenge ku akwadrau ku lingau ku amia kai liniane, “Bwala mubelenga mwakai!” Kwi lalasu sa dredredrele ku badha la ngukai ki ememe mubelenge.

Nipadrelane 11:19

Sakamani kai kwidra, ku Twaumase ikai belenge mwaelebenga ku daane ki Twaumase; ku Langiane mwataluvaivai ikai kwini. La pacungulu, ikai ku lrikace dreredrere, elrange, lingilingi, si maadrau ka kananu.

Nipadrelane 16:17

Ku mwasakapitu ka sasiakawlu belenge la malra kwini kisi si gugu pikai belenge. La ikai ku akwadrau ka lingau ku twalai ki daane ki Twaumase ka taetalane ki Twaumase, iya kai, “Malrepengenga!”

Nipadrelane 19:11

Sakabilrilanenga, wadrelaku ngwaelebane ka subelebelenge. Drela, ka vaeva ka lrawlrapungu ka rigi, kavai ngwarigirigi amani kudra kiapasi “Patengatengane” si “Asudralrwalrwane”; siatangadrane ki dringelresane kainganai saibange si kikaruburu.

Nipadrelane 22:6

Ku sasiakawlu belenge amia kai nakwane, “Kilakikai vaga tengatengane ka asudralrwalrwane. Kudra amani ka wakandu ki layuginsia ka Tamatama ka Twaumase siakawlu ki sasiakawluini, la pelaela ki lasasiakawluini ku lrika angimiane kai ki kaika atarathainwanenga ka vai.”