Nipadrelane 3:9 - Ngudradreadrekadhane Ka Sisiu 魯凱語聖經

⁹ Drela! Kwini la papapalra ki Satange, ka taratavuvuvulrucu ka ngiatatu swa Yuda, ku patengatengane la kaika swa Yuda, lri pakainganadha ku liniane, si icucubungu ki drapalesu sukubu, lani thingale kwi lalasu aka madalamaku muswane.

Nipadrelane 3:9 Iomraidhean Croise

Isetire 8:17

Ku sapelaelane ki talialalai wadaruru ki lasiu lacekele, la silrigunga ku la swa Yuda, la sueteane ku sakiararagai, ngiakanekaneane makitu telrai ibalriu tulrisisisi. La tapangale ku la swakai kwini ku mwakuludru ki swa Yuda la makitu aswa Yuda kipacase.

Takatwasane Izipiti 11:8

Sakabibilrilinga ku Musi la iya kai, “Ku lasasiakawlusu lri kela mucucubungu nakwane, si pidruru kitubi nakwane ku lrika amailukaneli ki sakacekeleli katwase. Lu kelanga kwini, ala lri katwasaku kikai.” Ku Musi la kagirimucu katwase twalai ki talialalai mulatadre.

Isaiya 43:4

Ikai ki macali, nitukucingalranesu turamuru; madalamaku muswane, twakucingalraku muswane. Lri dulrwaku cilri kamani ki maelane ka kuni pakai ku apalribulane muswane, cilri kamani ki palrapalra si balrithi ki niakesu.

Isaiya 45:14

Ku Tamatama amia kai ki swa Iseraylri: Ku tacekecekelane ki swa Izipiti si swa Kuse lrika muswanenga patuelre; kwi tadradradrau ka swa Seba lri aduri muswane, lrika kikekerenge sikicikici si ilrilrikudru kabibibilrili muswane. Kwi lalasu lri pidruru icucubungu muswane pelaela iya kai: Ku Twaumase tapalra muswane, kadrwa ku drumane; kathaneini kadrwa ku druma ku Twaumase.

Isaiya 49:23

Ku latalialalai ki lakuni lri sitama ki lalalakesu; ku lataelrelre lini lai lri sitina ki lalalakesu Kwi lalasu lri ikai cucubungu muswane si pidruru sukubu, la dilace ku thuvugu ki drapalesu. Lukamaninga kwidra lri thingalesu ala ka Tamatamaku; ku mwakalavalava ku aparalubaneli ku umawmase kailri kasulri lutuumane.

Isaiya 60:14

Ku lamwabaibalrithi ki nawadredrepete muswane ka umawmase lri lukwane si sukubu muswane makanaelre; ku natwadreadrekase muswane ku umawmase lri papia muswane pidruru sukubu. Kwi lalasu lri pasudalepe muswane ka “Cekele ki Tamatama” Lai lri pasudalepe muswane ka “Ziyungu ka cekele ki saniange ki swa Iseraylri ka Twaumase”.

Yuhani 17:23

Yakaiyaku adringi ki niake lini, la ikaisu adringi ki niakeli, pakai ku akitulrepengane lini maelrelre si avaevanga, lani thingale kai yakawmasane ka pakainganaisu nakwane, si la thingale ka kialibakesu liniane, mia ku takilibakanesu nakwane.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

1 Samuile 2:36

Kudra waudripiana ku lamwabaibalrithi muswane lri papia kwini ki barakalai ababange ku akaneane, ngwalai ki bekelane ka akaneane, lalri kitubi ku ataraparaluralubu ki barakalai.”