Nipadrelane 3:7 - Ngudradreadrekadhane Ka Sisiu 魯凱語聖經

⁷ “Kusu tigamia si baai ki sasiakawlu belenge ki swa Piladilapia kiwkai, iya kai: “Kudra amani ku saniange si ka patengatengane, ka magagemegeme ku sawsi ki Davidi, sana muelebe kadrwanga ku umawmase ku lri dulru elebe, sana elebe ku lrawlrawdru la kakadrwa ku umawmase ku lri dulru muelebe, amia kai kawriva:

Nipadrelane 3:7 Iomraidhean Croise

Yubu 11:10

Alaiyasi lri ruthuku emenge muswane ku Twaumase, si saibange muswane, aneane kulri dulru telenge iniane?

Yubu 12:14

Ku burukunga ki Twaumase, aneane kulri dulru tupela tudaane? Ku ruvu ki Twaumase, aneane kulri dulru muruvu?

Lasenai 145:17

Ku tapiane ki Tamatama patuelre yai madringelrese; ku piaini yakaai ku kalithane.

Lasenai 16:10

asi lwiyane kaisu lri puswadriadringi nakwane, lai kaisu palraingi ki mwalecege ka sasiakawlusu padrele swadriadringi.

Lasenai 89:18

Asi lwiyane amanisu ka Tamatama ka tarapalakelakebe naiane; kusu ka sanianiangenga ki swa Iseraylri amanisu ku talialalai nai.

Isaiya 22:22

Lri malraku ku sukusuku ki ngwakai ki Davidi ka latalialalai si baai iniane. Ku muelebeini, kadrwa ku umawmase ku lri dulru elebe; ku elebeini, kadrwa ku umawmase ku lri dulru muelebe.

Isaiya 30:11

Katwasa! Madha telenge ki kadalranane nai. Kai nai lri kilalra ku ngwakai ki saniange ka Twaumase ki swa Iseraylri.”

Isaiya 41:14

Ku Tamatama amia kai: Iseraylri, ka kawkawluli, adravane ka tikianesu si turamuru, madha mukuludru! Amaniaku ku palribulu ka Tamatama ka sanianiangenga ki swa Iseraylri ka Twaumase; lri paralubaku muswane.

Isaiya 41:16

Lri malrasu liniane pavalrigi, ku valrigi lai lri pasarau, ku madrau ku valrigi lai lri palai liniane. Ai lri kiraragaisu, asi lwiyane Tamatamaku muswane; lri drengedrengeresu nakwane ka sanianiangenga ki swa Iseraylri ka Twaumase.

Isaiya 41:20

Ku laumawmase sana drele lri thingale, Tamatamaku; amaniaku ka pangimia kikai patuelre. Kwi lalasu lri pulringawnga, ku sanianiangenga ka Twaumase ki swa Iseraylri ka pangiamia kilakikai.

Isaiya 47:4

Ku saniange ka Twaumase ki swa Iseraylri pwalatadrenga naiane; ku naganeini yai Tamatama ka abebeelengenga ki sanaka kwapingi.

Isaiya 48:17

Saniange ki swa Iseraylri ka Twaumase, ka palribulu muswane ka Tamatama amia kai: Amaniaku ku Tamatama ka Twaumasesu; pakai ku amusadhanesu, wabulrwaku muswane; peaelaelaku ku lrika angukaiyanesu ku kadalranane.

Isaiya 49:7

Ku tarapalribulu ki swa Iseraylri ka sanianiangenga ka Twaumase amia kikai: Kudra kiasidreadrekase ki umawmase, kiakavalracevace ki sanaka kuni, kiatuduri ka umawmase ki warathudu, ku latalialalai lri ikai cucubungu muswane acegecege si sukubu, ku matiausakene ku umawmase lri mialri papia muswane sukubu. Kikai miyaiya kai lri tara ngimiya, asi lwiyane ku sanianiangenga ki swa Iseraylri ka Twaumase wapilringa muswane; ku Tamatama lri tara paluuludu ku pukawnungaini.

Isaiya 54:5

Ku wabekace muswane ka Tamatama yai taelrelresu ka sawvalai; ku naganeini yai Tamatama ka abebeelengenga ki sanaka kwapingi. Ku saniange ka Twaumase ki swa Iseraylri yai amani ku palribulu muswane; warathudu sanaka yakawmasane.

Isaiya 55:5

Kaiasasane lri sarubusu ki lakuni; kwi lalasu kunadruma kai wathingale muswane, kikainga lri satalu muswane makanaelre. Kwaku ka Tamatama, ka Twaumase numi lri pangimiaku kikai; ku saniange ki swa Iseraylri ka Twaumase lri patarumara baai muswane ku lrigu.

Isaiya 6:3

Kwi lalasu la matubaebaebalre iya kai: Sanianiangenga, sanianiangenga, sanianiangenga! Tamatama ka abebeelengenga ki sanaka kwapingi! Ku lriguini swaete kawmasane.

Matai 16:19

Lri baadhaku muswane ku sukusuku ki kuni subelebelenge, ku pakaicilrisu ikai kawmasane, ikai subelebelenge lri mialri pakaicilri; ku palraingisu ikai kawmasane, ikai subelebelenge lri mialri palraingi.”

Matai 24:35

Kai subelebelenge kai kawmasane lri kamudu kawlrau, ai kai vagali kai lri kamudu palralrawthu.”

Maruku 1:24

“Swa Nazarethe ka Yesu, asu keela vangavangavange naiane? Wakelasu amudu naiane? Wathingalaku ala ka aneanesu; amanisu ku sanianiyangenga ka sasiakawlu ki Twaumase!”

Luka 1:32

Lri kamani ku sanianiangenga ku takaumawmasaneini, la lri kipasudalepe ka Lalake ki Abebeelengenga ka Twaumase. Ku Tamatama ka Twaumase lri paacegecege iniane si pawcungulu ku taetalane ki cucungulaneini ka talialalai ka Davidi.

Luka 4:34

“Swa Nazarethe ka Yesu, asu keela vangavangavange naiane? Wakelasu amudu naiane? Wathingalaku ala ka aneanesu; amanisu ku sanianiyangenga ka sasiakawlu ki Twaumase!”

Yuhani 14:6

La iya kai ku Yesu, “Amaniaku ku kadalranane, ku patengane ka sabulrwane, ku niake; alaiyasi kai ngukai nakwane, kadrwa ku umawmase ku lri dulru mwa ki Ama.

Nisikawlane 3:14

Kwi lasu mabula kadringelrese, ai wacilri numi iniane kamani, la kitubi numi ki Pilatu ku apulatadrane si baai numiane kudra papacai ki umawmase kamani.

1 Yuhani 5:20

Wathingaleta, ku Lalake ki Twaumase wakelaanga, si la baai mitane ku adulrwaneta thingale, ku lrika athingalaneta ki patengane ka Twaumase. Ikaita adringi ki niake ki patengane ka Twaumase, amani ku yadringi ikai ki niake ki Lalakeini ka Yesu Kirisitu. Amani ku patengane ka Twaumase, ka palralrawthu ka niake.

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 1:18

Palralrawthaku ikai! Nawapacainga naku, ai panianianiakenga naku kaiasasane, si ka palralrawthunga panianiake. Wagemegemaku kai sawsi ki apacadhane si swa swadriadringi.

Nipadrelane 15:3

La senasenai ku senai ki sasiakawlu ki Twaumase ka Musi si senai ki Lrulai ka Kiu iya kai: Tamatama ka sapupukuanenga ka Twaumase, ku takaunganesu ala matiasalru si matisamali turamuru! Talialalai ki sanaka kuni, ku kadalrananesu ala patengane ka mwalecege!

Nipadrelane 16:7

La kilalra naku ku twalai ki tapatarumaramarane ku lingau ku amia kai, “Tamatama ka sapupukuanenga ka Twaumase! Ku tasaibanganesu tengatengaane ka madringelrese!”

Nipadrelane 19:11

Sakabilrilanenga, wadrelaku ngwaelebane ka subelebelenge. Drela, ka vaeva ka lrawlrapungu ka rigi, kavai ngwarigirigi amani kudra kiapasi “Patengatengane” si “Asudralrwalrwane”; siatangadrane ki dringelresane kainganai saibange si kikaruburu.

Nipadrelane 19:2

Ku sasaibanganeini patengatengane ka madringelrese! Asi lwiyane wasaibangenga kwidra ki arakai ku takapairairanganeini si pangilisilisiane kawmasane ka ababai, si pathavungu ku pasalrivaneini ku tapapacadhane ki sasiakawlu ki Twaumase.”

Nipadrelane 2:1

“Kusu tigamia si baai ki sasiakawlu belenge ki Ipisu ka kiwkai, iya kai: “Kudra amani ku waecenge pavanale ku pitu ka tariau, si ikai kabicelrakane ki pitu ka kingi ka tatinakiane dadadavace, amia kai kawriva:

Nipadrelane 21:5

Sakamani kikai kwidra, kudra wanene ikai ki taetalane amia kikai, “Drela, pakabavanenga naku patuelre!” La iyana kai, “Pacasa, asi lwiyane kilakikai vaga patengatengane ka asudralrwalrwane.”

Nipadrelane 3:14

“Kusu tigamia si baai ki sasiakawlu belenge ki swa Lawdikia kiwkai, iya kai: “Kudra amani ku ‘Amingi’, ka taraakasikasi ka patengane ku kidremedreme kudra amani ku tatwaladhane bekace ka Twaumase, amia kai kawriva:

Nipadrelane 4:8

Kwini supate ka panianianiake ka waudriwdripi, eneme ku sapakepake lini makanaelre, ku taiadringane ku taibelengane swaete ku maca. Kwi lalasu la pivai pimaungu senasenai kai idrengedrengere iya kai: Sanianiangenga! Sanianiangenga! Sanianiangenga! Tamatama ka sapupukuanenga ka Twaumase, yakai sakanadruma, la ikai kaiasasane, lubibilrili lai lrika palralrawthu ikai!

Nipadrelane 5:9

Kwi lalasu la senai ku vaeva ku bavane ka senai: Kathaanesu ka swadalepe tarumara kwini nibalrulane ka hungu, si mucaebe kwi hange belenge; asi lwiyane nakiapapacaingasu! Ngwalai ku tangicacilrianesu tueraerai, patwalaisu ki cacekecekele, ki makaelaela ku vaga, ki laminzuku, ki lakuni, walangaisu sawlri si malra ki umawmase, la baai ki Twaumase.

Nipadrelane 6:10

Kwi lalasu akwadrau tawtau iya kai, “Sanianiangenga ka patengatengane ka magagemegeme ka Tamatama! Luiganenga lri saibangesu ki umawmase lebe, pusakai ku tatueraeradhane nai?”