Nipadrelane 3:3 - Ngudradreadrekadhane Ka Sisiu 魯凱語聖經

³ Lakamani, kusu madha karimurimuru kwi kilalrasu, kwi tarumarasu kwi sabulrwane, laka patengane paluludu, si katwase cilri ki pasalrivanesu. Alaiyasi kaisu pulringalringau, lri miaku ki tarakupawpa pangitutuluku kela, lai kaisu maka thingale lutuumane lu lri kelaku lukaigane.

Nipadrelane 3:3 Iomraidhean Croise

Izikile 20:43

Lukamaninga kwidra, lri ngulrialringau numi ku tapiane numi patueelre kudra matialrumale, si thingale ku tapangimiane numi ngikakudrulru. Lri ngwalai numi ku tapiane numi kudra langialisiane si ngikakavalracevace.

Izikile 36:31

Lri ngulrialringau numi ku ngilisianane ku kakwakudhane si tapasalrivane numi, lai lri ngwalai ki pasalrivane si tapamamane numi si ngikakavalracevace.

Matai 25:13

Ku Yesu la iya kai, “Lakamani, kunumi kasimeameaca kipapawlringalringau, asi lwiyane kai numi wathingale kudra vai, kudra zikange lu lrika amani lwigane ku akelane.”

Maruku 13:33

Kunumi kipapawlringava, si kasimeameace, asi lwiyane kai numi wathingale kudra lu lrika amani lwigane ku akelane ku zikange.

Maruku 13:36

Alaiyasi pangitutuluku kela, ani kai drele lu apeceana numi.

1 Tisaruniki 5:2

asi lwiyane ngiathathingale numi, ku akelane ngusela ki Tamatama ku vai lri mia ki tarakupawpa ikai ki maungu pangitutuluku kainganai.

1 Timuthi 6:20

Timuthi! Pudriadringadha pangimia kudra tarumarasu ku takisudralrwanesu. Mwabere madu kudra la kai mwasakene ki Twaumase ka kadrwa ku paluludane ku takawrivane si kudra lrigilane niyane ka kai mamamwa ki kakudhane ka nimadrikidrikisane ka vaga.

2 Timuthi 1:13

Kakecenga pangimia ku baaili muswane kudra kiatulrepenge ka vaga, anikamani ku takelretanesu tukakudhanane, la pangimia ku takielreaneta ki Yesu Kirisitu si malrata ku salrwane si sakialibake.

Hiburu 2:1

Lakamani, tatara kakecenge pikai ku kilalrangata ku patengane ka sabulrwane, amani lu kialudruta kai ki bavane ka kakudhane.

2 Pitiru 1:13

Lu kidremedrema ku, ku tapanianiakaneli ki minaka vaalane, lrika taparalubanaku numiane ku lrika apulringavane numi kilakikai.

2 Pitiru 3:1

Kinilibakane ka laretesaneli, kikai pacaseli si baai numiane yai mwasaka drusanga ka tigami. Ikai adringi kai ki drusa ka tigami, pakiapapawlringavaku numiane kilakikai pasapukwane ku akabulane ku kidremedreme numi.

2 Pitiru 3:10

Ai, ku lrika akelane ngusela ki Tamatama lri mia ki tarakupawpa pangitutuluku kela. Kudra vai kwini. Kai swa subelebelenge lri ikai kwidra ki maadrau ka lingau kawlrau, kai la ngwababelenge lri kulama ikai ki apwi, kai kadaengane si sanaka maneemane la kaamudu patuelre.

Nipadrelane 16:15

Ku Tamatama amia kai, “Kiraraketa! Lri miaku ki tarakupawpa pangitutuluku kela! Kudra masimeameace, si ka tasilaimadhane ku umawmase lri kaesai! Asi lwiyane kwi lasu lri kai vilralrakane katwase dadavace, si kiarubwane icucubungu ki umawmase!”

Nipadrelane 2:25

Ai, kunumi pangimia kudra paka ikainga numi, pakela ku takelaneli.

Nipadrelane 2:5

Ala kidremedrema, wadarurungasu ki manemane kwi taturamuranesu! Ngitatupela, si siwlriwlri ku napathagilane ku sakialibake ku kakwakudhane. Alaiyasi kaisu ngitatupela, lri kelaku, si malra iluku patwalai ki taikaiyane kwini tatinakiane.

Nipadrelane 22:7

Ku Yesu amia kai, “Drela, lri padaalrunga naku si kela! Kudra paluludu kai tayugingane ki hungu ku umawmase lri kaesai!”

Nipadrelane 3:11

Lri kelanga naku. Gemegema pudriadringai ku yakai muswane patuelre, madha kiribiribici ki palrapalra ku lrigu ka civare ku taakacianesu.

Nipadrelane 3:19

Papia kudra ki kadalameli ku umawmase, lri kaelaelaku si bulru. Lakamani, kaculwa kwi kidremedremesu, la katwase cilri ki pasalrivane.

Nipadrelane 3:2

Lakamani kusu pacuna, la pakakeecenge kwi tedrane ka tikianenga kwi apanianiakanesu; asi lwiyane wadreelaku ku tapianesu, ikai ki macali ka Twaumase kaiyana ka kiatulrepenge.