Nipadrelane 3:18 - Ngudradreadrekadhane Ka Sisiu 魯凱語聖經

¹⁸ Lakamani, lri pakalrumalaku muswane, papiaili langai kai nithalethalane ka kingi, lasu satacekecekelane; la langadhaku lrawlrapungu ku laimai si silaimai, lani paidringi kwini ki matiainu ka vilralralrakane ka kinawmasane; la langai ku sasulravane ki maca si sakidri ki macasu, lasu dulru drele.

Nipadrelane 3:18 Iomraidhean Croise

Lasenai 107:11

asi lwiyane kwi lalasu wabaebalre ku ladrekase ki Twaumase, si kai tarwamara ku bulru ki Abebeelengenga.

Lasenai 16:7

Lri drengedrengeraku ki Tamatama, asi lwiyane wabulru nakwane; lukamaungu, ku pugathimaneli pakasimeace nakwane.

Lasenai 32:8

Ku Tamatama amia kai: Lri pelaelaku ku lrika angukaiyanesu ku kadalranane; lri bulrwaku muswane, si katapakipapawlringaavane muswane.

Lasenai 73:24

Pakiapapawlringawsu bulru nakwane, ki bibilrilinga la pasudaalrwananasu nakwane, ala ikai ku lriguli.

Kavagavagane 1:25

Twadrekase numi ku tapakipapawlringavaneli numiane patueelre, kainu mwabangalre lu tupelaku numiane.

Kavagavagane 1:30

Kadruana ku tatukucingalrane numi ku tapakipapawlringavaneli, si sidreadrekase ku takaelaelaneli.

Kavagavagane 19:20

Kilalra pasalaladha ku sabulrwane, si kiragai kicawcakwane, lasu angiathingale ka umawmase.

Kavagavagane 23:23

Ku patengane ka sabulrwane, thingalane, tadrelane, alremelremeanesu langai, ai maadha kilangalangai.

Wabulru 8:2

Paluluda ku drekase ki talialalai; madha caapange papia ki Twaumase kiketekete.

Isaiya 47:3

Ku laumawmase lri drele ku tavilralrakananesu, lri drele ku tangilisiananesu. Lri bilriaku muswane; kadrwa ku umawmase kulri maka ruthuku nakwane.

Isaiya 55:1

Ku Tamatama amia kai: Ku makadhame ku umawmase, bwala! Kawvai acilai ungula! Ku kadrwa ku paisu ku umawmase, bwala! Kela si langai ku akaneane si kane! Kai lri ara paisu, kai lri baai ku salangadhane, bwala langadha ku bava si mireke la ungulu!

Yerimia 13:26

Ku Tamatama lri ngikakamani mulaimai patuelre muswane, si pulrialrivale muswane.

Daniele 12:2

Ku wapacainga ka umawmase lri takaalra ku siaelane panianiake. Yakai ku lri kisupisupilri ku palralrawthu ka niake; yakai ku lri kitusinalrelrelreme palralrawthu.

Mika 1:11

Laumawmase ki swa Sapire, lri kitusinalreme numi, si vilralrakane, la katwase acaicali mwa ki maelane ka kuni! Ku laumawmase ki swa Zanange kadrwa kulri maka udripi. Lu kilalra numi ku tubi ki swa Bithizile, thingala ala ka kadrwa ku tamwane mubere.

Nahumu 3:5

Ku Tamatama ka abebeelengenga ki sanaka kwapingi amia kai: Swa Ninivi, lri pathavungaku muswane; lri ulaimadhaku patuelre muswane, lani drele kai lakuni ku kinawmasanesu, lani drele sanaka umawmase ku takiarubwananesu.

Malaki 3:3

Ku kelaini lri saibange, mia ki wathalethale ki gingi ka umawmase. Kwi lasu lri bula ki labarakalai, mia ki taradarepe ki kingi ka umawmase ka wathalethale ki kingi si gingi. Lukamiyaiya kai, ku labarakalai ala lri thingale papia ki Tamatama patarumara ku mamamwa ku sapatarumarane ku lamanemane.

Matai 13:44

“Kai kuni subelebelenge maru amaaninga kudra makucingalre ka zaisange ka nibaladhane pikai ki umawma. La ikai ku umawmase ku kiadringai, la subusubu paidringi, ala katwase kiraraagai si kilangai ku lamanemaneini patueelre, si katwase langai kwini ki umawma.”

Matai 25:9

Kudra lamalrigili la tubalre iya kai, ‘Ini, kai abera nai lri kai makakelrete lu vala nai numiane, lu mwa ki siwbai ngilalangai kamani.’

Luka 12:21

Ku Yesu la turingaringau iya kai, “Kudra la ngiapapasikaikai pudringai ku tacekecekelane, ikai ki maca ki Twaumase kaika maesaesai mialri ka ngimiyaiya kikai.”

2 Kurintu 5:3

lu silaimainga, kai nai ka vilralralrakanenga ku kinawmasane.

2 Kurintu 8:9

Wathingalenga numi ku migemi ki Tamatamata ka Yesu Kirisitu: Namani kudra maesaesaesai, ai ngwalai numiane si amatiakuru, kudra pacugane ani ngwalai ku tamatikurwaneini si ani kaesai amia numiane.

1 Timuthi 6:18

Drekasa liniane ku apiane ku mathariri, la pilria ku lamathariri ku awngane, si katwabake baai ki matiakukuru, sana ikai ku aparalubane la paralubu.

Yakubu 2:5

Kilibakeli ka laretesane, kunumi kilalra; ku Twaumase wapilri ki matiakukuru ikawmasane ku lrika akaesadhane ngulwadhane ikai ki salrwane lini, la pawcungulu liniane ku palraingingaini baai ki madalame iniane ku bavane ka kuni.

1 Pitiru 1:7

ku akipadradresengane ku miyaiya kai sapelaelane ala ka patengane ka makecenge ku salrwane numi. Adravane kudra lri kalisi ku kingi wathalethale madu; kwini salrwane numi walribate ki kingi ku kucingalrane, laka makadrwadrwa ku lrika akilrialringavane, pakai ku lrika aikaiyane numi lu mutaluvaivainga ku Yesu Kirisitu kudra vai si kidrengedrengere tarumara, kilrigu, si kitukucingalre.

Nipadrelane 16:15

Ku Tamatama amia kai, “Kiraraketa! Lri miaku ki tarakupawpa pangitutuluku kela! Kudra masimeameace, si ka tasilaimadhane ku umawmase lri kaesai! Asi lwiyane kwi lasu lri kai vilralrakane katwase dadavace, si kiarubwane icucubungu ki umawmase!”

Nipadrelane 19:8

Ku Twaumase wabaainga ki alisu ku lrawlrapungu si likaliikathe ku lalasare ka kaimadhane ka laimai.” (Kwi lalasare ka kaimadhane amani ki dringelresane ku tangivelevelane ki umawmase ki Twaumase.)

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

Nipadrelane 3:17

Amiasu kai: Maesaesadhaku cekecekele, ka kadrwa ku kawrame. Ai, kaisu wathingale ka matiakurusu turamuru! Matiakukurusu, ka mukimukici, si ka vilralralrakane.

Nipadrelane 4:4

Ku ngiathalringulu ku lataetale ki taetalane 24, la ibelenge nene ku ta 24 ku laciwru, si silaimai ku lrawlrapungu, la sitalrupunu ku kingi ka pagamucu.

Nipadrelane 7:13

La ikai ku tangea ku ciwru ku kiavaga nakwane iya kai, “Aneane ki lakikavai sialaimai kai lrawlrapungu? Kai lalasu twalai inu kainganai?”