Nipadrelane 3:17 - Ngudradreadrekadhane Ka Sisiu 魯凱語聖經

¹⁷ Amiasu kai: Maesaesadhaku cekecekele, ka kadrwa ku kawrame. Ai, kaisu wathingale ka matiakurusu turamuru! Matiakukurusu, ka mukimukici, si ka vilralralrakane.

Nipadrelane 3:17 Iomraidhean Croise

Tabekacane 3:7

Sa kane kwini madru, la ledra ku maca, si ngithathingalenga ka vialralrakane; ala ngwalai kikai, la arakai ku vasau ki icizike ka angatu darepe tukunu si paidringi ki kinawmasane.

Takatwasane Izipiti 32:35

Ku Tamatama la pikai ki mapapangale pulebe ku swalrubu, amani sa vutha ki Arungu darepe ku kingi ka samiamiange ka lwange.

Kavagavagane 13:7

Yakai ku umawmase ku ngiaka maesaesaesai ku tacekecekelane, ai ku patengatengane matiakukuru ka kadrwa ku namanemanenga; yakaai ku ngiaka matiakukuru, ai satacekecekelanane turamuru.

Kavagavagane 30:9

Alaiyasi ikai ku tedraneli, kainaku lri thingale muswane, “Aneane ku Tamatama?” Alau lri iyaku. Alaiyasi kawramaku, alau lri kupaku, si pakiarubwane ku nagane ki Twaumaseli.

Isaiya 42:19

Kai kawmasane aneane ku silrialribate kamukici ki sasiakawluli? Aneane ku silrialribate ka macecele ki tarakisikawkawlu nakwane?

Yerimia 2:31

Swa Iseraylri, kicacaligira kilalra kai aiyaneli! Ngiamiaku ki ubulane ki matiaukuludru ka kadradridrimitane? Anu kirimu lri ngisasingikaai nai ku takidremedreemane nai iya, si kai kainganai siwlri mwa nakwane kai?

Husia 12:8

Kwi lalasu amia kai, ‘Yakai kai paisu nai, satacekecekelanenga nai; kadrwa ku umawmase ku wathuru kukusu ku tasatacekecekelane nai.’

Zakaria 11:5

Kwi tawki ki lakiu papacai liniane la kai kipathavungu. Kwi lalasu kialangai kwi beate ki kiu, si la iya kai, ‘Sapaiswanengata, tadrengedrengere ki Tamatama!’ Adravane ka taraagwagu ki kiu, kai makuru liniane.”

Matai 5:3

Ku ngiathathingale ala ka matiakuru ku abakeini ku umawmase ala mwaesai turamuru; amani lini kudra kawkawlu ki kuni ka subelebelenge!

Matai 9:12

Sa kilalra ku Yesu la iya kai, “Ku mwadringadringai ku umawmase kai lri murikai ki tarasulrasulrau, luka yakaai ku caemane lri murikaai.

Luka 1:53

Wamalra kwidra ki mwabaisi ka umawmase pakane pakabucuku ku malimeme ka akaneane, kwidra ki maesaesaesai ka umawmase la pamaliwnawnai pakatwase.

Luka 6:24

“Ai, kaiasasane ku maesaesaesai ku umawmase lri matikurunga, asi lwiyane kiasupilringa numi ku akiragadhane!

Ruma 11:20

Kai vaga kikai, kai pasalriu. Kudra celra lini, amani sa kai kasalru kai lalasu; kudra maka kapapedrenge numi acegecege, amani sa kasalru numi. Ai madha ngikalrilrilrigu, pikaiya ku kipapawlringavane ku kidremedreme.

Ruma 11:25

Laretesane, yakai ku vaeva ka kaika athingalane ka matiasamaimali ka patengane ka sabulrwane, ana thiingale amiaku numiane, amani lu malrigilaku luka taiyaane numi. Kikai patengane ka sabulrwane yai: Kudra nakelrathane ki swa Iseraylri kai lrika palralrawthu, lri ukalava ki sakamaelanane ka umawmase ku akisuswane ki Twaumase makamaelre.

Ruma 12:3

Singikai ku baai ki Twaumase nakwane ku migemi, lri kawrivaku numiane: Madha ngidradrele si ngitatu abelenge turamuru, ngitatwalebea si ngikakamani pangimia, si makitu singikai ku baai ki Twaumase ku salrwane si ngilalekete.

Ruma 7:24

Kwalringa naku turamuru! Aneane ku lri palribulu nakwane pakidaili kai ki lri papacai nakwane ka kinawmasane?

2 Pitiru 1:9

Ai, ku pakakadrwa kilakikai tharirane ka kakwakudhane edreekane ku tadrelane, ka mamukici, marimuru ku supilri ka pasalrivane lini ala ka kiasinawnga pakabula.

Nipadrelane 16:15

Ku Tamatama amia kai, “Kiraraketa! Lri miaku ki tarakupawpa pangitutuluku kela! Kudra masimeameace, si ka tasilaimadhane ku umawmase lri kaesai! Asi lwiyane kwi lasu lri kai vilralrakane katwase dadavace, si kiarubwane icucubungu ki umawmase!”

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

Nipadrelane 3:16

Asi lwiyane miasu ki mathathiliti ka acilai, kaika mangangerece si kaika maculu, lri patwaladhaku ki nguduili si upa muswane!