Nipadrelane 3:12 - Ngudradreadrekadhane Ka Sisiu 魯凱語聖經

¹² Kudra pamalebe ku umawmase, lri malraku iniane si tuulrudru ki daane ki Twaumaseli; kwi lasu lrika palralrawthunga kai kidaili. Lri pacasa ku pikai ki kinawmasaneini ku nagane ki Twaumaseli si nagane ki cekele ki Twaumase, amani kudra lri twalai belenge ki Twaumaseli si mulebe ka bavane ka Yerusalrime; lai lri pacasaku pikai ki kinawmasaneini ku bavane ku naganeli.

Nipadrelane 3:12 Iomraidhean Croise

1 Latalialalai 7:21

Ku Hurame la malra kikai drusa ka lriwlu ka ulrudru cegecege pikai ki samamwa daane ki daane ki Twaumase; kwini yatali lrawdru sia Yakingi; ku yatali dradha sia Buaze.

Lasenai 46:4

Yakai ku sivale ku kadravane la maililuku ku sakiaragai mwa ki cekele ki Twaumase, wailuku mwa ki taikaiyane ki Abebeelengenga ka Alrivilrivi ka taikaikaiyane.

Lasenai 48:8

Nakialalranga nai ku tapiane ki Twaumase; kaiasasanenga ikai ki Tamatama ka abebeelengenga ki sanaka kwapingi ka cekele ki Twaumase nai, patakamacamacanga nai drele; lri palralrawthunga palakebe kai ki cekele.

Lasenai 87:3

Cekele ki Twaumase, kilalra, kilalra ku tamatikaikaiyaneini ngukai ki lalrigusu:

Isaiya 62:2

Swa Yerusalrime, sanaka kuni lri drele makanaelre lu pamalebesu; sanaka talialalai makitwadrele makanaelre ku lrigusu. Lri ikai ku vaeva ku bavane ku naganesu, Tamatama ka ngiakakamani sunagane muswane.

Isaiya 65:15

Ku pilrili ka laumawmase lri malra kwi nagane numi si tusapuswane. Kwaku ka abebeelengenga ka Tamatama lri pikai numiane ki apacadhane, ai ku pasalaladha nakwane ku umawmase, lri patarumaraku liniane ku bavane ku nagane.

Yerimia 1:18

Yerimia, kicacaligira kilalra! Kai swa Yuda palraelre si talialalai, ku tabebelenge, ku barakalai, si mapapangale lri kikaruburu muswane makanaelre. Ai kaikameane lri patarumaraku baai muswane ku puku ku akiecebanesu liniane; lri miasu ki raedre ki cekele ka kepale, ki adreme ka ulrudru, ki lriwlu ka balingibingi ku kecenganane. Kwi lalasu kai lri dulru pamalebe muswane; asi lwiyane yakaiyaku tapalra muswane, lri palakebaku muswane. Tamatamaku; ka amianga kikai pelaela.”

Izikile 40:49

Ku tataetaetale cucubungu ruka ku ngulapane mangeale ka mituru, ku mwadringane eneme ka mituru. Cucubungu ruka maecebe tara yakaai ku vaeva ku ulrudru.

Izikile 48:35

Ku balingibingi ngithalringulu ki cekele ku lragiane 9,000 ka mituru. Twalainga kaikameane, kikai cekele lri ki pasi, “Ku Tamatama yakai kai”.

Maruku 12:16

Kwini lalasu la baai iniane ku vaeva ka ginka, ku Yesu la kivaga, “Kikai belenge kai nituumawmasane si kai nagane aneanane?” Kwini lalasu la tubalre, “Tinuhika ki swa Rumane” iya.

Galatia 2:9

Ku Yakubu, Pitiru, Yuhani, ka tatulru ka ulrudru ki kiwkai, kudra wathingalenga ki Twaumase ka pawakalrivili baai nakwane kikai maelane ka awngane, la gemegeme ku alrimali si Barenabase, kudra taelrenga nai kawaungu, la palrainginga nai: Kunaku si Barenabase lri mwa nai ki sakamaelanane ka umawmase kaungu, kwi lalasu la ikai ki swa Yuda kawaungu.

Ipisu 3:15

Kai subelebelenge si kai kawmasane sanaka ladadaanane twalai ki Twaumase ala ikai.

Hiburu 12:22

Ai kaiyanganai numi mwa lregelrege Ziyungu, ka kaiyanganai numi mwa ki cekele ki palralrawthu ka Twaumase, ka Yerusalrime ka belenge, yakai ku kaika asiasipane ku sasiakawlu belenge.

Hiburu 13:14

Ikai kawmasane, kadrwa ku lrika palralrawthu ku cekeleta, kiapasilasilapeta kudra cekele lukabibilrili.

1 Yuhani 4:4

Ai, lavalake, swakai numi ki Twaumase, si laka pamalebenga numi ki kaika patengane ka yuginsia, asi lwiyane kwini yadringi numiane kwi Ri sapupukwane kwidra ki swa kawmasane si yadringi ki umawmase ka ri.

Nipadrelane 14:1

La pelaku drele, si drele ki Lrulai ka Kiu acegecege ikai lregelrege Ziyungu, ku yakai taelre iniane ta 144,000 ka umawmase; ki punu lini makanaelre wapacase ku naganeini si nagane ki Tamaini.

Nipadrelane 17:14

Kwi lalasu lri makakaruburu ki Lrulai ka Kiu; ai kwi Lrulai ka Kiu pamalebe liniane, asi lwiyane kwi lasu amani ku Tamatama ki sanaka tamatama, Talialalai ki sanaka talialalai. Kudra pilrini, si savaeva ku kidremedreme tupapalra iniane ku umawmase lai lri mialri pamalebe.”

Nipadrelane 2:11

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri kai kimwanga kikabebetethe ku saka kingipusale ku apacadhane.”

Nipadrelane 2:17

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku kudra niseketane ka mana. Lai lri baadhaku iniane ku vaeva ka lrawlrapungu ka lrenege, pinacasane belenge ku bavane ka nagane; kikai nagane, kathane kudra tarwamara ku umawmase, ku drumane ku umawmase kadrwa ku wathingale.”

Nipadrelane 2:7

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku iniane ku kingidri, lri dulru kane kudra madru ki niake ka angatu ka yababengelradhane ki Twaumase.”

Nipadrelane 21:2

La dreelenga naku ku Alrivilrivi ka cekele, amani kudra bavane ka Yerusalrime, twalai ki Twaumase, twalai belenge kainganai mulebe, mia ki ngiaragelane ka kiarakerakete ka ababai ka kaiyanganai kidredresenge ki taelrelreini.

Nipadrelane 22:4

Kwi lalasu lri mwa drele ki Twaumase, ku naganeini lai lri pacase pikai ki punu lini.

Nipadrelane 3:5

Kudra pamalebe ku umawmase lai lri mialri silaimai ku lrawlrapungu ka laimai; lutumane lri kainaku mwalra ku naganeini patwalai ki tapacasane ki niake. Ikai cucubungu ki Ama si sasiakawluini, lri pathingala naku iniane ala ka swakai nakwane.