Nipadrelane 3:10 - Ngudradreadrekadhane Ka Sisiu 魯凱語聖經

¹⁰ Asi lwiyane paluludusu ku drekaseli, si patulrepenge kiadili, lakamani lu kelanga ku akwalriane kai kawmasane, lu kikilrialrialringaunga sanaka umawmase, lri palakebaku muswane.

Nipadrelane 3:10 Iomraidhean Croise

Isaiya 24:17

Yakai kawmasane ka laumawmase, yakai ku matiaukuludru ku lrubange ku arai ka mwakalavalava numiane.

Daniele 12:10

Takaalra ku umawmase ku lri kisinau, kibula, kipakundringi. Ku manganga ka umawmase lri pacungucungulu kanganga; kwi lalasu kai lri maka ngipapulringau, kathane kudra ngiathingale ka umawmase ka lri maka pulringalringau.

Zakaria 13:9

Ala kwini abalu si panianiake ka taingeea ikai ki taitulrwane, lri kilrialringavaku, kwi lalasu lai kabula, mia ki gingi ka kiathalethale ki apwi. Lri kilrialringavaku liniane, mia ki kialrialringau ki kingi, kwi lalasu ala lri papia nakwane inulri, lai lri kilalraku. Lri pelaelaku liniane, kwi lalasu lrika kawkawlungali; kwi lalasu lri pelaela pathingale, kunaku ka Tamatama amaniaku ku Twaumase lini.”

Matai 24:14

Ku hukuingi ki kuni belenge lri paswalana pasalraelre kawmasane, si akasi papia ki sanaka umawmase, ala lri kela ku apalikaiyane kawmasane.”

Matai 26:41

Kasimeameaca inulri, amani lu ulrabuku numi ki salrilrigilane. Kwini kidremedreme numi adravane palraingi, kwi kinawmasane numi twaramuru.”

Matai 6:13

Madha pakipadradresedresenge naiane ku kai ka amalralremeane nai siamece ku akikituthiathingalane; la palribula naiane pakidaili ki alrima kudra ki ngialisiane.

Maruku 14:9

Nau pudriadringai pelaela numiane, kai kiacaebe ki belenge, sanaka tadarurane kikai hukuingi, sanaka umawmase lri pelaelaela kikai tapiane ki alisu, si ngulringalringau iniane.”

Luka 2:1

Kikwidra, ku tinuhika ki swa Ruma ka Augusetuse wabaai padadavace ku pacase ka drekase, sanaka umawmase ki swa Ruma lri pakipacase ku la kusiki lini.

Yuhani 17:6

“Pathingalanenga naku muswane ikai kwidra ki baaisu nakwane ku patwalaisu kawmasane pilri kudra laumawmase. Kwi lalasu sakwa ka umawmasesu, la baaisu nakwane liniane; kwi lalasu la mialri paluludu ku vagasu.

Ruma 1:8

Ku aswalalanga, lri pangukaiyaku ki Yesu Kirisitu, pasikai numiane kiaseasene ki Twaumaseli, asi lwiyane kwini salrwane numi salraelrenga kawmasane.

1 Kurintu 10:13

Ku kipadradresedresenge numi ku akikituthiathingalane adulrwane kipadradresenge sanaka umawmase. Ku Twaumase yai patengatengane; lri kai pakipadradresenge ku kaika adulrwane numi kiecebe ku akikituthiathingalanane. Lu kela ku akikituthiathingalanane, lri baai ku puku numiane, lai lri dulru numi siamece, lai lri muelebe numiane ku sivale ku angukaiyane numi ku kadalranane.

Ipisu 6:13

Lakamani, kunumi ngirarukudra arakai ku baai ki Twaumase ku sakikaruburane ki kwapingi, la dulru ikai kai ki matiaukuludru ka vai si kiecebe ki badha, patulrepenge kikaruburu, si drangalru kwini taikaiyane numi.

2 Timuthi 2:12

Alaiyasi patulrepengeta kiadili, lri dulruta tupapalra iniane magagemegeme ku puku. Alaiyasi kaita thingale iniane, lri kai thingale mitane.

Yakubu 3:12

Laretesane, ku icizike ka angatu kai lri dulru pumadru ku ulrive; ku budu kai lri dulru pumadru ku icizike; ku mangadha ku tacebeane ki acilai lai kai maka mwaludru ku malimeeme ku acilai.

1 Pitiru 4:12

Kathalraili ka latalragilragi, lu kipadradresenge numi ku mia ki apwi ku sakilrialringavane, madha ngituluku, mia kudra lu kipadradresengane ku kiasumali.

2 Pitiru 2:9

Ku Tamatama wathingale ku apangimiane palribulu kudra ki mwasakene ki Tamatama pakidaili ku akituthiathingalane, la thingale ku apangimiane suru ki manganga ka umawmase pikai ki akipathavungane, ukalavalava ku akisaibangane ku vai. Kilakikai kaika patengatengane ka tarabulrubulru la aru ngikamiane ngisasingikai, kai mwasakene ki matiausakene ka yabelenge sikakathane ngiabaalrelringa sidreadrekase liniane.

Nipadrelane 1:9

Yuhaniaku ka retesane numi. Yakaiyaku adringi ki Yesu si kisapalrapalra ku akwalriane, taelre kiadili, si kisupilri ku pukuini. Pakai ku apelaelane paswadrau ku vaga ki Twaumase si ku pelaela ki Yesu ka patengane ka sabulrwane, nakiaemengenga naku ikai vuvugu ki laveke ka sia Patemuse.

Nipadrelane 11:10

Kai kawmasane kai umawmase lri ngwalai ku tapacadhane lini si kiraragai. Lai akakadra si mabaibalrithi ku saaceacebe, asi lwiyane kikai tadrusa ka yuginsia napakwalringa ki yakawmasane ki umawmase.

Nipadrelane 13:10

Kudra lri kiravase, lri tara kiravase; kudra lri kiara lrabu pacai, lai tara kiara lrabu kipapacai. Ngwalai kai, ku umawmase ki Twaumase lri tara ikai ku sakiadiadili si salrwane ku kidremedreme.”

Nipadrelane 13:14

Kwi waudriwdripi tarwamara ku lrekeme, la ikai cucubungu ki aswalaala ka waudriwdripi pia ku matiasamali, ngwalai kai la lrilrigili sanaka umawmase kai kawmasane. Kawariva ki yakawmasane ki umawmase ku apasikaiyane kudra ki kia aralrabu kadula ai panianianiakeana ka waudriwdripi pia tusamiamiange.

Nipadrelane 13:8

Ku sanaka umawmase kai kawmasane, sakaiyana bekace kai kawmasane kudra nagane la kai kiapacase pikai ki niake ka mibu kudra ki kiapapacai ka Lrulai ka Kiu, lri sukubu kwini ki waudriwdripi.

Nipadrelane 14:12

Ngwalai kikai, lri tara kiadili kudra paluludu ku drekase ki Twaumase, si ka patengane ku kidremedreme papia ki Yesu ka laumawmase ki Twaumase.

Nipadrelane 14:6

La dreelenga naku ku tangea ku sasiakawlu belenge yakai belenge ngipalapalai; yakai iniane ku palralrawthu ka hukuingi ku apelaelane papia kawmasane ki lakuni, ki lacacekele, ki laminzuku, si ku makaelaela ka vaga ka umawmase.

Nipadrelane 16:14

Kwi lalasu amani kudra ri ki Akema, wadulru pia ku matiasamaimali. Kilakikai ngialisiane ka ri matwase silape ki talialalai kai kawmasane, si malra sarubu pataelre liniane, si padulrudulru ku akikaruburane ikai kudra ki maadrau ka vai ki sapupukuanenga ka Twaumase.

Nipadrelane 17:2

Kai kawmasane kai latalialalai makanaelre pasalriwnga kwini ki alisu; kai kawmasane kai umawmase la ungulunga makanaelre si kabusuku ku apairairairangeini ka bava.”

Nipadrelane 17:8

Wadrelesu kavai waudriwdripi napanianianiake, kikainga kai lri pelanga panianiake, lri kai tarathainunga si lai lri twalai ki valrulrange tamau, si lri katwase papia ki akamudane. Ku sanaka umawmase kai kawmasane, sakaiyana bekace kai kawmasane kudra nagane la kai kipacase pikai ki niake ka mibu, sana drele kwidra ki napanianianiake, kaiasasane la kai lri panianiakenga, lubibilrili la lri utaluvaivai tupela ka waudriwdripi, lri kasamali makanaelre.

Nipadrelane 2:10

Madha ukulukuludru ku lrika akipadradresenganesu ku akwalriane. Drela! Lri kilrialringau numiane kwi Akema, lai malra patwalai numiane ku tapiya ku umawmase si pwadringi ki takiememengane; lri kipakwalri numi ku minaka mangealane. Kapatengatengana kwi kidremedremesu pakela ki wapacai, la nau baai muswane ku civare ki niake.

Nipadrelane 3:8

Wathingalaku muswane patuelre; la thingalaku ka tikiane ku pukusu, ai paluludusu ku sabulrwaneli, la pakaelresu kwi kidremedremesu nakwane. Mwaelebenga naku kwi vaeva kwi lrawlrawdru icucubungu muswane, ka kadrwanga ku umawmase ku lri dulru elebe.

Nipadrelane 6:10

Kwi lalasu akwadrau tawtau iya kai, “Sanianiangenga ka patengatengane ka magagemegeme ka Tamatama! Luiganenga lri saibangesu ki umawmase lebe, pusakai ku tatueraeradhane nai?”

Nipadrelane 8:13

La masiasiraraku, si kilaalranga ku vaeva ka takanga ku ngiapalapalai ikai belenge si akwadrau iya kai, “Asiamia! Asiamia! Kai lebe kai umawmase lri matisalregesege! Kudra drumane ka tatulru ka sasiakawlu belenge lri ngirapanga!”