Nipadrelane 3:1 - Ngudradreadrekadhane Ka Sisiu 魯凱語聖經

¹ “Kusu tigamia si baai ki sasiakawlu belenge ki Saradi kiwkai, iya kai: “Kwini yakai ku pitu ka Ri si pitu ka tariau ki Twaumase, amia kai kawriva: Wathingalaku muswane patuelre; wathingalaku yakai kwi umawmase kwi panianianiakeana amia muswane, ku patengatengane wapacaisu!

Nipadrelane 3:1 Iomraidhean Croise

Luka 15:24

Asi lwiyane kai lalakeli wapacai si la sielane, maulrau si la kikidringainga.’ La makitu kirararagainga makanaelre.

Luka 15:32

Ai kikai agi maru wapacainga si la sielane, ka namaulrau si la kikidringai, lu pasikaiyane iniane pangiakaneane kiraragai yai naika apiane madu.’ ”

Yuhani 1:16

Twalai kudra ki ngiradhekananeini, tarwamarangata ku migemi, si ku migemi la aru drimana.

Yuhani 1:33

La kainaku thingaleana iniane, ai kwidra siakawlu nakwane si paarakai ku acilai pabanau ka Twaumase amia kai nakwane, ‘Ku drelesu sa kainganai ulebe ku Siri, si makakai ki kinawmasane ki aneane, lrika amani ku lri arakai ku Siri pabanau.’

Yuhani 20:22

Sa maka iyanga kai kawriva, la papia liniane ipi, si iya kai, “Tarumara ki Siri!

Yuhani 3:34

Kudra sikawlu ki Twaumase kwini lasu peaelaelaela ku vaga ki Twaumase, asi lwiyane ku Twaumase wabaai iniane ku Siri ka kadrwa ku tapalikaiyane.

Nisikawlane 2:33

Ku Yesu kiapusubelebelengenga si ikai ki vanale ki Twaumase, si patwalai ki Tamaini tarumara ku nipalrainganenga baai ka Siri, kaiasasane ku drele numi ku kilalra numi, amani kudra baai gugu ki Twaumase mitane ka migemi.

Ipisu 2:1

Kunadruma, ngwalai numi ki tapasalrivane si kiecebe ku drekase ki Twaumase, ikai numi ki abake wapacainga numi.

Ipisu 2:5

Kai abaketa sa ikai ki kiaecebe ka pasalrivane wapacai, ku Twaumase wamalra mitane patupapalra ki Kirisitu sielane, migemini ka palribulunga numiane.

Kulusia 2:13

Kunadruma, ngwalai sa ikai ku pasalrivane numi, si kaamani kwidra kadrwa ku hulrice ka sakamaelanane ka umawmase, kunumi ikai ki kinawmasane wapacainga numi. Ai, ku Twaumase pakiaredelane numiane ki Kirisitu peela panianiake. Pacepe patuelre ku tapasalrivaneta,

1 Timuthi 5:6

Pangukai ki pasana ngilralrailraingi ku akiragadhane ku walibakane ka ababai, adravane panianianiake, ku patengatengane wapacainga.

Yakubu 2:26

Lakamani, mararaamau ki kinawmasane luka kadrwa ku niake yai wapacai, ku salrwane luka kadrwa ku tangivelevelane mialri ka wapacai.

1 Pitiru 1:11

Kwi lalasu kiasamula silape, ku lrika athingalane ki Ri ki Kirisitu ikai adringi liniane ku sapelaelane, ka tayugingane ku Kirisitu lri tara kipakwalri, lukabilrilinga lai tara maalra ku lrigu, kikai miyaiya kai lai lri ikai lwigane, lu tumatumane lai ngimia.

Yuda 1:12

Kikai laumawmase ikai ki tangiakanekaneanane maramici ka kadrwa ku inwane, ngiakakudrulru, mia ki tarapagwagu ngiakakakalithi ku akabucukane sikakathane. Kai lalasu mia ki ememe kipalai ki valrigi, kai maka udale; la mia ki yakai ki kalalidrarane ai kai maka pwamadru ka angatu, akucane patala baalace, si kitulrepenge karudame pacai.

Nipadrelane 1:11

“Ku drelesu pacasa, ala alra kikai nibalrulane ka hungu si pakatwase baai ki swa Ipisu, Semirena, Peregamu, Tiatira, Saradi, Piladilapia si swa Lawdikia ka pitu ka kiwkai.”

Nipadrelane 1:16

Ku vanale ku alrimaini waecenge ku pitu ku tariau, ku ngudwini la upa ku vaeva ka maecebe ku taadremane ka marangisi ka dramu. Ku lringauini mia ki mwalringedele ka ledra ki vai.

Nipadrelane 1:20

Ku drelesu, kikai yavanale nakwane ka pitu ka tariau si pitu ka kingi ka tatinakiane ku patharevane ka kaika athingalane ka matiasamaimali miyaiya kikai: Kwi pitu ka tariau yai sasiakawlu belenge ki pitu ka kiwkai; kwi pitu ka tatinakiane amani kwini pitu ka kiwkai.”

Nipadrelane 1:4

Kwaku ka Yuhani watigamiaku baai ki swa tali Asia ka talupitulu ka kiwkai: Kudra amani ka yakai kunadruma, la ikai kaikameane, lubibilrili lai lri ikai palralrawthu ka Twaumase, si kudra yacucubungu ki taetalaneini ka pitu ka Ri, si kudra lataraakasi pakaelre ku kidremedreme, ka aswalaalanga twalai ki wapacai si sielane panianiake, ka warathudu ki latalialalai kawmasane ka Yesu Kirisitu, ani baai numiane ku migemi, ku sulivatane! Kwi lasu madalame mitane, pasiakai mitane ngicacilri si tueraerai, la patwalai ki pasalrivane pulatadre mitane,

Nipadrelane 2:13

Wathingalaku kwi taikaiyanesu amani ku tagemegemane atalialalai ki Satange. Tengatengane kwi kidremedremesu papia nakwane, adravane kipapacai ku taraakasikasi nakwane ka Anetipase ikai ki taikaiyane ki Satange, kaisu wacilri ku salrwanesu papia nakwane.

Nipadrelane 2:19

Wathingalaku muswane patuelre; wathingalaku ku sakialibakesu, ku salrwanesu, ku sapasikaikaisu, si sakiadiadilisu. Wathingalaku kaiasasane kai piapiasu makaakalra ki siaswalane.

Nipadrelane 2:2

Wathingalaku patuelre muswane; ku tangimianesu kisamula kaungu, tapangimianesu kiadili; la thingalaku muswane ka kai maka tarwamara ki manganga ki umawmase, ka nakialrialringau kudra ki la ngiatatu nisikawlane ai kaika nisikawlane ku umawmase, si thingale liniane ala ka kaika patengatengane.

Nipadrelane 2:9

Wathingalaku ku takwalrianesu si matikurwane; ai ku patengatengane kusu maesaesaesaisu! Wathingalaku ka kiatulilisisu ki swa Yuda nai amiamia ka umawmase, ku patengatengane kwi lalasu kaika swa Yuda ka umawmase, amani ku twapapapalra ki Satange!

Nipadrelane 3:15

Wathingalaku muswane patuelre; wathingalaku muswane ka kaika mangangeerece kaika macuulu; naika mapalrailraingaku ku mangangerecesu ku maculusu!

Nipadrelane 3:2

Lakamani kusu pacuna, la pakakeecenge kwi tedrane ka tikianenga kwi apanianiakanesu; asi lwiyane wadreelaku ku tapianesu, ikai ki macali ka Twaumase kaiyana ka kiatulrepenge.

Nipadrelane 3:8

Wathingalaku muswane patuelre; la thingalaku ka tikiane ku pukusu, ai paluludusu ku sabulrwaneli, la pakaelresu kwi kidremedremesu nakwane. Mwaelebenga naku kwi vaeva kwi lrawlrawdru icucubungu muswane, ka kadrwanga ku umawmase ku lri dulru elebe.

Nipadrelane 4:5

La lrikace, siange, si dreredrere twalai ki taetalane. Pitu ku nipadaladhane ku taliwlare icucubungu ki taetalane; amani kudra pitu ka Ri ki Twaumase.

Nipadrelane 5:6

La pacungulaku drele kudra ki taetalane ka ngiathalringulu ki supate ka panianianiake si laciwru, ku Lrulai ka Kiu la ikai acegecege. Kwi Lrulai ka Kiu mia ki nakiapapacainga, yakai ku pitu ku lawngu, laka pitu ku maca, amani kudra pitu ka Ri ki Twaumase, ka kiasikawlu mwalebe sanaka inunga.