Nipadrelane 22:6 - Ngudradreadrekadhane Ka Sisiu 魯凱語聖經

⁶ Ku sasiakawlu belenge amia kai nakwane, “Kilakikai vaga tengatengane ka asudralrwalrwane. Kudra amani ka wakandu ki layuginsia ka Tamatama ka Twaumase siakawlu ki sasiakawluini, la pelaela ki lasasiakawluini ku lrika angimiane kai ki kaika atarathainwanenga ka vai.”

Nipadrelane 22:6 Iomraidhean Croise

Tabekacane 41:32

Kwini ededesu sipi kwi drusa ka talialalaili, sapelaelane ki Twaumase ka lri tara pangimia ku nau pia iyaiyaini, si lalri padaalrunga si pangimia.

Daniele 3:28

Ku talialalai la iya kai, “Ku Twaumase ki Saderake, Misake, si Abidenigu ani kidrengedrengere! Siakawlu ki sasiakawlu belenge kainganai palribulu ki masalru satalu iniane ka sasiakawluini. Kwi lalasu walreme pacai ku niake si baebalre ku drekaseli, la kai mubangalre guruthungane sukubu ki sanaka twaumase; kai lalasu savaeva sukubu ki Twaumase lini.

Daniele 6:22

Ku Twaumase siakawlu ki sasiakawlu belenge kainganai tamenge ki ngudwi ki raiyungu, kikai laraiyungu la kai dulru kabebetethe nakwane. Ku tapiane kai ki Twaumase, wathingale nakwane ala ka kiavuthaku kitupasalriu, kadrwa ku navaevanga ku pasalriwli ki talialalai.”

Matai 13:41

Ku Lalake ki Umawmase lri sikawlu ki sasiakawlu subelebelenge, lai malra ruthuku kudra ki iya kai ki kunini kudra ki latarapapasalrisalriu ki umawmase si sanaka paiyaiya ku ngialisiane ka umawmase.

Luka 1:70

Twalai kunadruma, pangwakainga ki layuginsia pelaela:

Luka 16:16

“Kudra hulrice ki Musi si sabulrwane ka hungu ki layuginsia, ku paluludane paliakai kai ki tarapabanau ka Yuhani; twalai kikai, ku hukuingi ki kuni ki Twaumase kiaputaluvaivai kimatikaikai, sanaka umawmase wakececengane makarengerengece ku amudaanane.

Nisikawlane 12:11

Samianga kwini ku Pitiru ala pulringau, si iya kai, “Wathingalengaku kikai ala ka patengane, ku Tamatama siakawlu ki sasiakawluini, palribulu nakwane patwalai ki alrima ki Hirudi si naika akabebetethane nakwane ki swa Yuda ka laumawmase.”

Nisikawlane 3:18

Ku Twaumase paswalaanga pangukai ki yuginsia sakalai ku atara akwalriane ki Kirisitu; kikai nisakaladhane laka tengatengane ka ngiamianga.

Ruma 1:2

Kikai hukuingi ikai kunadruma Twaumase ka pangwakai ki layuginsiaini si pikai ki Sisiu ka pinalraingane, ku taiyane patharwakai ki Lalakeini ka Tamatamata ka Yesu Kirisitu. Singikai ku takaumawmasaneini, mwabaibalrithi ki Davidi; singikai ku takabulane taka Twaumasananeini, ku Twaumase patwalai iniane ki tapacadhane pasielane, la pangukai ki pukuini pathingalane kaamani ku Lalake ki Twaumase.

1 Kurintu 14:32

Ku peaelaela ku hukuingi ki Twaumase lri ngiraruthuku ku lalrilrigilane lini;

1 Kurintu 7:29

Laretesane, ku nau pelaela iyali numiane yai: Kaika thaininunga kai vai, twalainga kaikameane yai, ku yakai ku taelrelreini ka ababai, ngialrava kwidra ki kadrwa ku taelrelre;

2 Tisaruniki 1:7

si kudra kwalrialri ku umawmase lri pakarededele naiane mukerenge. Lu adrelanenga ikai ki apwi ku Tamatama ka Yesu si sapukwane ka lasasiakawluini belenge, ku Twaumase lri pangimianga pia kikai.

Hiburu 12:9

Ku ngwkai ki beate ka tama, tarwamarata kibulru, si la usakeneanata liniane. Ala, ku ngukai ki abake ka Tama, kaita ka lrika mapasalaladha, si malra ku niake?

2 Pitiru 1:21

Asi lwiyane, kadrwana ku yugingi ku twalai ki kidremedreme ki umawmase, amani ku yuginsia ku pakanaswala ki kandu ki Siri si ala alra putaluvaivai ku vaga ki Twaumase.

2 Pitiru 3:2

Pulringava ku taiyane ki yuginsia kunadruma, si Tamatamata ka Takipalribulribulane ku pangukaini ki nisikawlane si padaruru pelaela numiane ku drekase.

Nipadrelane 1:1

Kikai hungu wapacase ku tapelaelane ki Yesu Kirisitu. Ku Twaumase peaelaela iniane, ku lrika apelaelaneini ki lasasiakawlu ki Twaumase ku lrika angimiane kai ki kaika atarathainwanenga ka vai. Ku Kirisitu siakawlu ki sasiakawlu belenge si padrele ki sasiakawluini ka Yuhani kilakikai.

Nipadrelane 18:20

Swa subelebelenge, kiraragadha! Asi lwiyane kwi alisu mamudunga! Ku laumawmase ki Twaumase, lanisikawlane, si layuginsia, kiraragadha! Asi lwiyane ku Twaumase pusakainga numiane, pathavungunga iniane!

Nipadrelane 19:9

Ku sasiakawlu belenge ala iya kai nakwane, “Kusu pacasa: Ku kia kidrele kidawlu ku akipaelreane ku akarudrangane ki Lrulai ka Kiu ku umawmase lri kaesai.” Kwi sasiakawlu belenge la iyana kai, “Kikai vaga ki Twaumase patengatengane patuelre.”

Nipadrelane 21:5

Sakamani kikai kwidra, kudra wanene ikai ki taetalane amia kikai, “Drela, pakabavanenga naku patuelre!” La iyana kai, “Pacasa, asi lwiyane kilakikai vaga patengatengane ka asudralrwalrwane.”

Nipadrelane 21:9

Kudra wamalra ku taipitwane ka kisi, si pasuete ku taipitwane ku amatikurwane lubibilrili, ikai kwini ki tapitu ka sasiakawlu belenge, yakai kudra tangea ku kaiyanganai iya kai nakwane, “Bwala, lri padrelaku muswane kai ki kiarakerakete, amani ku taelrelre ki Lrulai ka Kiu.”

Nipadrelane 22:1

Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 22:16

“Kwaku ka Yesu siakawlaku ki sasiakawluli belenge, ikai ki sanaka kiwkai pelaelaela numiane kilakikai. Amaniaku ku mwabaibalrithi ki tai Davidi; amaniaku ku malealedra ka sapakataleare.”

Nipadrelane 22:7

Ku Yesu amia kai, “Drela, lri padaalrunga naku si kela! Kudra paluludu kai tayugingane ki hungu ku umawmase lri kaesai!”

Nipadrelane 4:1

La pacuungulu, si tarumaraku kudra vaeva ku maburusi, la drelaku ku ngwaelebane ku lrawlrawdru ka subelebelenge. Kudra nakilalrali mia ki warapapa ku lingau la iyanga kai nakwane, “Bwala mubelenga mwa kai, lri pelaelaku muswane ku lrika angimiane lubibilrili.”