Nipadrelane 22:2 - Ngudradreadrekadhane Ka Sisiu 魯凱語聖經

² la lribate ngukakabicelrakane ki cekele tara kadalranane. Ku maecebe ki vaalru la ikai ku niake ka angatu, kingi 12 pumadru ki caicaili, kingivaale ki dramadramare; ku vasau ki angatu wadulru sulrau pawdringai sanaka kuni.

Nipadrelane 22:2 Iomraidhean Croise

Tabekacane 2:9

Ku Tamatama ka Twaumase pacebe kwini ki kadaengane ku makaelaeela ku tathaaithariri ku laangatu, la pumadru ka talimememe. Ikai kwini ki mawivaivai yakai ku taluvaale ku patarwamaara ku niake ka angatu, la mialri ikai ku taluvaale ku wadulru pathingale ki umawmase ku mathariri si malisi ka angatu.

Lasenai 147:3

Ku Twaumase wasulrau pawdringai ki matelrelrege ku kidremedreme ka umawmase, si cabu ki dula lini.

Kavagavagane 3:18

Ku saawlrwane ku umawmase yakai ku akaesadhane, ku thingalane lri baai iniane ku niake.

Isaiya 6:10

La pacungulu iya kai nakwane, “Kikai awlru lini kai ki laumawmase ani kangalradangade, kacele ku calringa, kabuti ku maca, lani kai maka drele, ani kai maka pulringalringau lu kilalra, ani kai maka thingale kidremedreme; lu kaika ngimiyaiya kwini, kai lalasu lri dulru ngibangulu ku kidremedreme si papia nakwane, lai lri kipawdringai.”

Yerimia 17:14

Tamatama, kiatubiaku muswane sulravaili si pawdringai, la nau siwlriwlriane kathariri ku kinawmasane; kiatubiaku muswane palribulaili, la nau kasulivate. Amanisu ku lrika adrengedrengeraneli.

Izikile 47:1

Kwini umawmase waililuku nakwane siwlri mwa ki lrawlrawdru ki daane ki Twaumase. Yakai ku acilai ku twalai lebe ki lrawlrawdru ki samamudaane mwalwaludru, si papiapia tali talrawane, ka amani kudra cucubungu ki daane ki Twaumase mwalwaludru katwase. Ku acilai twalai lebe tali lrawdru ki daane ki Twaumase mwaludru kainganai, la ngukakai tali lrawdru ki tapatarumaramarane.

Husia 14:4

Ku Tamatama amia kai, “Lri sulravaku ku dula ki kawkawluli, si tuvaevanga kilibake liniane; kainaku lri papianga liniane kalisi.

Zakaria 14:8

Ikai kwini ki vai, lri ikai ku sapanianiakane ka acilai ku twalai Yerusalrime mwalwalwaludru, ku apararamau lri mwaludru papia ki Titimwane ka laveke, ku apararamau lri mwaludru mwa ki Miditerania ka laveke. Kikai acilai lri mwalwaludru palralrawthu kai kadrekadrekare, ani ka kalacengelravane ani ka kalaudalane thadaalrane.

Malaki 4:2

Ai papia numiane ka la mwasakene mukuludru nakwane, lri ikai ku palribulu ka vai ku lri paledra numiane, lri sulrau pawdringai numiane. Lri ngimia numi kudra ki twalai ki niravadrane ka talwangane si kipulatadre ka tikiyane ka lwange itituku, si kiraraagai.

Luka 4:18

Ku Ri ki Tamatama mwalebe mwa nakwane, asi lwiyane wapilri nakwane, ku lrika apapianeli ki matiakukuru ka umawmase pelaela ku mathariri ka vaga. Siakawlu nakwane ku apelaelane: Ku kiaravase, lri kimukerenge; ku mabuti, lri tarumara ku ledra; ku kiatusinalremelreme, lri kipangilralraingi;

1 Pitiru 2:24

Ku Kirisitu ngiakakamani mailuku ku pasalrivaneta mwa ki ziwzika, ala dulruta kai panianiakenga ikai ki pasalrivane, la pasikaikainga ki dringelresane panianiake sikakathane. Ngwalai ku takipakadulane ini, la ki pawdringainga numi.

Nipadrelane 2:7

“Ku taiyane ki Siri kawriva papia ki lakiwkai, ku yakai ku calringa si dulru kilalra, makitu kilalra makanaelre. “Kudra pamalebe ku umawmase, lri baadhaku iniane ku kingidri, lri dulru kane kudra madru ki niake ka angatu ka yababengelradhane ki Twaumase.”

Nipadrelane 21:21

Kudra 12 ka lrawlrawdru amani kwidra tinukucingalrane ka sisilu, ki lrawlrawdru arakai ku vaeva ku sisilu darepe. Ku kadalranane ki cekele niarakaiyane ku kingi, la mia ki garase ku bulane.

Nipadrelane 21:24

Kai kawmasane sanaka kuni lri satalu kai ki ledra dadavace; ku talialalai kai kawmasane lai malra ku ngiradhekanane lini si lri iluku mwa kai ki cekele.

Nipadrelane 22:1

Ku sasiakawlu belenge la padrelenga nakwane ku sivale ku vaalru ki niake, ku talikalikathane mia ki walikalikathe ka lrenege, twalai ki taetalane ki Twaumase si Lrulai ka Kiu mwalwaludru,

Nipadrelane 22:14

Kudra wasinau bula ku laimaini ku umawmase lri kaesai turamuru! Yakai ku kingidri lini kane ku madru ki niake ka angatu, si lai dulru ngukai ki lrawlrawdru mudaane ki cekele.

Nipadrelane 22:19

alaiyasi ikai ku umawmase ku patwalai kikai ki tayugingane mwalra kivala ku manemane, ku Twaumase lri mwalra ku naganeini, kwi lasu lai kai maka dulru tarumara kisupilri kikai tapacasane ki hungu kudra ki niake ka angatu si akaesadhane ki Alrivilrivi ka cekele.